23-Nov-2020

କଣ୍ଟାବାଞ୍ଜି, (ପ୍ରେରଣା ଖବର) - ବହୁ ପ୍ରତୀକ୍ଷା ପରେ ତୁରେକେଲା ବ୍ଳକ ରେ ଦୀର୍ଘଦିନ ଧରି ଖାଲି ପଡିଥିବା ବ୍ଳକ ଶିକ୍ଷା ଅଧିକାରୀ ପଦବୀ ରେ ନୂତନ ଅଧିକାରୀ ସ୍ଥାୟୀ ଭାବରେ ଯୋଗଦେଇଛନ୍ତି।ଓଡିଶା ସରକାର ୬୨ଜଣ ଏବିଇଓ ମାନଙ୍କ ପଦୋନ୍ନତି କରିଛନ୍ତି ଯାହାଫଳରେ ତୁରେକେଲା ବ୍ଳକରେ ଶିକ୍ଷା ଅଧିକାରୀ ଭାବରେ ଶ୍ରୀ ସୁରେନ୍ଦ୍ର କୁମାର ପୁରୋହିତ ଯୋଗ ଦେଇଛନ୍ତି।ପଦମପୁର ନିବାସୀ ଶ୍ରୀ ପୁରୋହିତ ଏହା ପୂର୍ବରୁ  ପାଇକମାଲ ବ୍ଳକରେ ଏବିଇଓ ଭାବରେ ଚାକିରୀ କରୁଥିଲେ। ପ୍ରାଥମିକ ଶିକ୍ଷକ ସଂଘ(ନୂତନ ପେନସନ)ର ସଭାପତି ଶ୍ରୀ ବିରଞ୍ଚି ନାରାୟଣ ଦାଶ, ଶ୍ରୀ ଫକୀର ଚରଣ ବିଶି,ଏବିଇଓ,ଶ୍ରୀ ରଘୁନାଥ ମହରା,ଏବିଇଓ, ପ୍ରେମରାଜ ପାଣିଗ୍ରାହୀ, ସତ୍ୟ ପ୍ରକାଶ ସାହୁ, ପିତାମ୍ବର ଲୁହା, ନିହିରୁ ତାଣ୍ଡି, ବିଜୟ ତାଣ୍ଡି, ବିମଳ ହାତୀ, ସପ୍ତମ ବେହେରା, ଚୁଡାମଣି ବେହେରା, ବବରୁ ନାୟକ,ଥମିର ଛତ୍ରିଆ, ମାୟାଧର ସଗ୍ରିଆ ଆଦି ଶିକ୍ଷକ ଗଣ ଶ୍ରୀ ସୁରେନ୍ଦ୍ର କିଶୋର ପୁରୋହିତଙ୍କୁ ଫୁଲତୋଡା,ଉପଢୌକନ ଓ ପୁସ୍ତକ ପ୍ରଦାନ କରି ସ୍ୱ।ଗତ ଜଣେଇ ଥିଲେ। ଶ୍ରୀ ପୁରୋହିତ ଶିକ୍ଷକ ମାନଙ୍କର ସାହାଯ୍ୟ ଓ ସହଯୋଗ କାମନା କରିଥିଲେ ଏବଂ ଶିକ୍ଷକ ବୃନ୍ଦ ମଧ୍ୟ ମିଳିମିଶି ବ୍ଳକରେ ଶିକ୍ଷା କାର୍ଯ୍ୟକ୍ରମ ଗୁଡିକୁ ସଫଳ କରିବେ ବୋଲି ପ୍ରତିଶ୍ରୁତି ଦେଇଥିଲେ।ନୂତନ ବିଇଓ ଯୋଗଦେଇ ଥିବାରୁ ଶିକ୍ଷକ ମହଲରେ ଆନନ୍ଦର ଲହରୀ ଖେଳିଯାଇଛି।