09-Jun-2022

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳରେ ପାରଦ ୪୨ଡ଼ିଗ୍ରୀ ଉପରେ ରହୁଛି ।ପ୍ରଚଣ୍ଡ ରୌଦ୍ରତାପ ଯୋଗୁଁ ଘରୁ ବାହାରିବା କଷ୍ଟକର ହୋଇପଡୁଛି ।ଗରମ ସାଙ୍ଗକୁ ଗୁଲଗୁଲି ଅଧିକ ମାତ୍ରାରେ ରହୁଥିବାରୁ ଲୋକେ ବହୁ କଷ୍ଟ ଭୋଗୁଛନ୍ତି ।ବଡବଡିଆ ଲୋକେ ଘରେ ଏସି ତଳେ ରହି ଗରମରୁ ତ୍ରାହି ପାଉଥିବା ବେଳେ ମଧ୍ୟମ ବର୍ଗ ଓ ଗରିବ ଶ୍ରେଣୀର ଲୋକଙ୍କ ଦୁଃଖ ନକହିଲେ ଭଲ ।ଅନ୍ୟପଟେ ଏହି ଅଞ୍ଚଳର ବିଭିନ୍ନ ସ୍ଥାନରେ ଇଟାଭାଟି ଓ ଚାଷ ଜମିର ପୁଆଲ ପୋଡ଼ା ଯାଉଥିବାରୁ  ଉତ୍ତାପ ବଡୁଛି ବୋଲି ପରିବେଶବିତ ମତ ଦିଅନ୍ତି ।ସୂଚନା ଯୋଗ୍ୟ ଯେ ଚଳିତ ରବି ରିତୁର ଧାନ ଜମିରୁ ଚାଷୀ ଉତ୍ପାଦନ କରି ସାରିଛି ।ଖରିଫ ଚାଷ ପାଇଁ ପ୍ରସ୍ତୁତ ଚାଷୀ ଜମିରେ ଥିବା ପାଳ ସବୁ ପୋଡ଼ି ଦେଉଛି ।ଯାହା

ଫଳରେ ଜମିରେ ଜଳୁଥିବା ନିଆଁ ପରିବେଶକୁ ଅଧିକ ଉତ୍ତପ୍ତ କରୁଛି ।ଗତ କିଛିଦିନ ହେବ ବିନିକା ଅଞ୍ଚଳର ବିଭିନ୍ନ ସ୍ଥାନରେ ଚାଷୀ ତାଙ୍କର ଅଜଡା ପୁଆଲକୁ ପୋଡୁ ଥିବା ଓ ସେହି ସମୟରେ ବୋହୁଥିବା ଝାଞ୍ଜି ପବନର ନିଆଁ ଚାରିଆଡକୁ ବ୍ୟାପୁଛି । ଯାହା ଫଳରେ ଜମିର ନିଆଁ ଗାଁ ମୁହାଁ ହେଉଥିବାରୁ ଲୋକେ ଭୟଭୀତ ଅବସ୍ଥାରେ ରହୁଛନ୍ତି ।ସେହିପରି ନିଆଁର ପ୍ରକୋପ ଯୋଗୁଁ ରାସ୍ତା ମାନଙ୍କରେ ଯିବା ଆସିବା ମଧ୍ୟ ମସ୍କିଲ ହେଉଛି ।ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ୍ତ କରୁଛନ୍ତି ସତ ହେଲେ ପୁଣି ଦିନକ ପରେ କେଉଁଠି ଚାଷ ଜମିରେ ନିଆଁ ତ ଆଉ କେଉଁଠି ବାଉଁସ ବୁଦା,ଘର ମଧ୍ୟ ପୋଡ଼ି ଛାରଖାର ହେଇଯାଉଛି ।ପ୍ରତିଦିନ  ଦମକଳ ବାହିନୀ କର୍ମଚାରୀ ଚାଷ ଜମି ମାନଙ୍କରେ ଲାଗୁଥିବା ନିଆଁ ଆୟତ୍ତ କରୁଛନ୍ତି ବୋଲି ଅଗ୍ନିଶମ ଅଧିକାରୀ କହିଛନ୍ତି ।