31-May-2022

ରେଢାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ରେଢାଖୋଲ ସ୍ଥାନୀୟ ମହିଳା ମହାବିଦ୍ୟାଳୟ ଠାରେ ମଙ୍ଗଳବାର ଦିନ ବିଶ୍ୱ ତମ୍ବାଖୁ ବର୍ଜ୍ଜନ ଦିବସ ପାଳିତ ହୋଇଯାଇଛି। ମହିଳା ମହାବିଦ୍ୟାଳୟ ର ଅଧ୍ୟକ୍ଷା ସୁନିତା ମିଶ୍ରଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ରେଢାଖୋଲ ଉପଖଣ୍ଡ ଚିକିତ୍ସାଳୟର ଶିଶୁ ରୋଗ ବିଶେଷଜ୍ଞ ଡା. ରାମକୃଷ୍ଣ ପତି ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ସେହିପରି "ସାରା ଓଡ଼ିଶା" ଫାଉଣ୍ଡେସନର ପ୍ରତିଷ୍ଠାତା ତଥା ସମ୍ପାଦକ  ସୁଲେଖିକା ମାନିନୀ ମିଶ୍ର ମୁଖ୍ୟ ବକ୍ତା ଭାବରେ ଯୋଗ ଦେଇ ତମ୍ବାଖୁ ସେବନର ଅପକାରିତା  ଓ ଏହାର ପରିିିିବେଶ ଓ ସମାଜ  ଉପରେ କୁପ୍ରଭାବ ଉପରେ ଆଲୋକପାତ କରିଥିଲେ।ଏଥିରେ କଲେଜର ଅଧ୍ୟାପିକା ପୁଷ୍ପାଞ୍ଜଳି ସାମନ୍ତରାୟ ସ୍ୱାଗତ ଭାଷଣ ଦେଇଥିଲେ। ରେଡ଼ କ୍ରସ ଅଧିକାରୀ ଅଧ୍ୟାପକ

ପ୍ରହଲ୍ଲାଦ ଦେହୁରୀ, ଏନଏସଏସ ପ୍ରୋଗ୍ରାମ ଅଫିସର ସୁମନ୍ତ ସାହୁ ପ୍ରମୁଖ ଯୋଗ ଦେଇ ତମ୍ବାଖୁ ସେବନର ଉପକାରୀତା ଓ ଅପକାରିତା ଉପରେ ଛାତ୍ରୀଙ୍କୁ ସଚେତନତା କରିଥିଲେ।ସେହିପରି ମହାବିଦ୍ୟାଳୟର ଛାତ୍ରୀ ମାନିନୀ, ବୁବଲି, ଓ ବର୍ଷା ତମ୍ବାଖୁ ବର୍ଜ୍ଜନ ଉପରେ ବକ୍ତବ୍ୟ ରଖିଥିଲେ।ଏହି ପରିପ୍ରେକ୍ଷୀରେ ତମ୍ବାଖୁ ବର୍ଜନ ଉପରେ କର୍ମଚାରୀ ଓ ଛାତ୍ରୀ ମାନଙ୍କୁ ଶପଥ ପାଠ କରାଯିବା ସହ ଛାତ୍ରୀ କଲେଜ ପରିସରରୁ ଏକ ସଚେତନତା ଶୋଭାଯାତ୍ରା ବାହାରି ପ୍ଲା କାର୍ଡ ଧରି ବିଭିନ୍ନ ସ୍ଲୋଗାନ ଦେଇ ସହର ପରିକ୍ରମା କରି ଲୋକଙ୍କୁ ସଚେତନ କରାଇଥିଲେ। ଶେଷରେ ଅଧ୍ୟାପିକା ମମତା ମାଡାମ ଧନ୍ୟବାଦ ଅର୍ପଣ କରିଥିଲେ।