31-May-2022

ବରଗଡ:-ବରଗଡ଼ ଜିଲ୍ଲା ଅନ୍ତର୍ଗତ ପାଇକମାଲ ବ୍ଲକ ଶିକ୍ଷା କାର୍ଯ୍ୟାଳୟ ଠାରେ ଆଜି ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମାନ ପ୍ରେମାନନ୍ଦ ବାରିକ ଙ୍କୁ ଅବସର କାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି ।ଏ ପରିପ୍ରେକ୍ଷୀରେ ସମ୍ବର୍ଦ୍ଧନା ସଭା ରେ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମାନ ଚୂଡ଼ାମଣି ବାରିକ ଅଧ୍ୟକ୍ଷତା କରିଥିଲେ ।ଏଥିରେ ମୁଖ୍ୟ ଅତିଥି ଭାବେ ସୁଶ୍ରୀ ଉପାଞ୍ଜଳୀ ମାଝୀ ଗୋଷ୍ଠୀ ଉନ୍ନୟନ ଅଧିକାରୀ ପାଇକମାଲ, ସମ୍ମାନିତ ଅତିଥି ଭାବେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶିବ ପ୍ରସାଦ ଯୋଷୀ,ରାଧେଶ୍ୟାମ ମେହେର, ଗୁରୁକୁଳ ଯୋଗାଶ୍ରମ ର ମୁଖ୍ୟ ନରଦେବ ଆର୍ଯ୍ୟ  ଯୋଗଦେଇ ଶ୍ରୀମାନ ବାରିକ ଙ୍କ କର୍ମମୟ ଜୀବନ ଉପରେ ଆଲୋକପାତ କରିଥିଲେ । ଶ୍ରୀମାନ ବାରିକ ଜଣେ ମେଳାପୀ, ମିଷ୍ଟଭାଷୀ,

ଆଦର୍ଶ ଶିକ୍ଷକ ଓ ପ୍ରଶାସକ ଭାବେ ଶିକ୍ଷା ବିଭାଗକୁ ତାଙ୍କ ଅବଦାନ ଅତୁଳନୀୟ l ବିଦାୟ ସଭା ସମାପନ ପରେ ଗୋଷ୍ଠୀ ଶିକ୍ଷା ଅଧିକାରୀ, ସହକାରୀ ଗୋଷ୍ଠୀ ଶିକ୍ଷା ଅଧିକାରୀ, ସମସ୍ତ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଓ ଅନେକ ଶିକ୍ଷକ,ଶୁଭେଛୁ ଶ୍ରୀ ବାରିକ ଙ୍କୁ ଶୋଭାଯାତ୍ରା କରି ତାଙ୍କ ନିଜ ଗ୍ରାମ ଆମମୁଣ୍ଡା କୁ ପାଛୋଟି ନେବା ସହ ତାଙ୍କ ଅବସର ପରବର୍ତ୍ତୀ ନିରାମୟ ଓ ସୁଖମୟ ଜୀବନ ସକାଶେ ଶ୍ରୀଶ୍ରୀ ନୃସିଂହନାଥ ମହାପ୍ରଭୁଙ୍କ ଠାରେ ପ୍ରାର୍ଥନା କରିଥିଲେ