31-May-2022

ବିନିକା(ହିମାଂଶୁ ଶେଖର ପୁଟେଲ) ଗତକାଲି ବିଳମ୍ବିତ ରାତିରେ ମହାନଦୀ ପାରି ହୋଇ ବଣୁଆ ହାତୀ ପଲ ବିନିକା ବ୍ଳକ ମହାଦେବପାଲି ପଞ୍ଚାୟତ ପଧାନପାଲି ଗ୍ରାମ ଦେଇ ଯିବା ବେଳେ ବାହାରେ ଖଟରେ ଶୋଇ ଥିବା କାର୍ତ୍ତିକ ଦୀପ (୫୫) ଓ ଫେଲ ଦୀପ (୪୭)ଙ୍କୁ ଶୁଣ୍ଢ ରେ ଟେକି କଚାଡି ଦେବାରୁ ସେମାନେ ଆହତ ହୋଇ ପ୍ରାଣ ବିକଳରେ ଚିତ୍କାର କରିବାରୁ ହାତୀ ପଲ ଚାଲି ଯାଇଥିଲେ । ଆପରିକି ଖଟିଆ ଗୁଡ଼ିକୁ ମଧ୍ୟ ହାତୀ ପଲ ଭାଙ୍ଗି ଦେଇଥିଲେ ।ହାତୀଙ୍କ ଗର୍ଜନରେ ପାଖ ପଡିଶା ଲୋକେ ଭୟଭୀତ ହେବା ସହ ହାତୀମାନେ ସେଠାରୁ ତ୍ୱରିତ ଚାଲି ଯାଇଥିଲେ । ଏହି ଘଟଣା ପରେ ସ୍ଥାନୀୟ ଲୋକେ ବନ ବିଭାଗକୁ ଖବର ଦେବାପରେ ବନବିଭାଗ କର୍ମଚାରୀ ଘଟଣା ସ୍ଥଳକୁ ପହଞ୍ଚି ତଦନ୍ତ କରିବା ସହ ହାତୀ ମାନଙ୍କ ଗତିପଥ ନିରୀକ୍ଷଣ କରି କୁଆଡେ ସେମାନେ ଲଛିପୁର ଜଙ୍ଗଲକୁ ଚାଲି ଯାଇଥିବା ସୂଚନା ଦେଇଛନ୍ତି ।ତେବେ ଆହତ ଉଭୟ ବୃଦ୍ଧ ଓ ବୃଦ୍ଧାଙ୍କୁ ବିନିକା ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଥିବାରୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଠିକ ଧାନ ଅମଳ ସମୟରେ ଖାଦ୍ୟ ଅନ୍ବେଷଣରେ ବଣୁଆ ହାତୀ ପଲ ମହାନଦୀ ପାରି ହୋଇ ଅଚାନକ ଚାଲି ଆସୁଥିବାରୁ ଲୋକେ ଭୟଭୀତ ଅବସ୍ଥାରେ ରହୁଛନ୍ତି । ତେଣୁ ଏଥିପ୍ରତି ବନ ବିଭାଗ ସେମାନଙ୍କ ଗତିପଥ ଉପରେ ତୀକ୍ଷଣ ଦୃଷ୍ଟି ରଖି ଲୋକଙ୍କୁ ଆଗତୁରା ସୂଚନା ଦେବା ଆବଶ୍ୟକ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି ।