28-May-2022

ପାଟଣାଗଡ଼(ରୁପେନ୍ଦ୍ର ମୁଣ୍ଡା) :  ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ଖପ୍ରାଖୋଲ ଥାନା ସ୍ଥାନୀୟ କ୍ଷୁଦ୍ର ଜଳସେଚନ ପ୍ରକଳ୍ପ କାଯ୍ୟାଳୟ ସମ୍ମୁଖ ରାସ୍ତାରେ ଶୁକ୍ରବାର ଦିନ ଏକ ମାଲବାହି ମିନି ଟ୍ରକ ଭାରସାମ୍ୟ ହରାଇ ଲିମ୍ବ ଗଛରେ ପିଟି ହେବା ଫଳରେ ଜଣେ ଗୁରୁତର ହୋଇଥିବା ଜଣାପଡିଛି l ପ୍ରାପ୍ତ ସୂଚନା ମୁତାବକ ରାୟପୁର ପାପାଡ଼ି ଥାନା ଅନ୍ତର୍ଗତ ଏକ ପ୍ରାଇଭେଟ ପରିବହନ ସଂସ୍ଥା ର ଗାଡ଼ି ନଂ CG-04-NM-3185 ରାୟପୁର ରୁ ପାଟଣାଗଡ଼ କୁ ଦୋକାନୀ ମାନଙ୍କ ବିଭିନ୍ନ ସାମଗ୍ରୀ ପହଞ୍ଚାଇ ଫେରିବା ସମୟରେ ଖପ୍ରାଖୋଲ ଜଳସେଚନ ବିଭାଗ କାର୍ଯ୍ୟଳୟ ସମ୍ମୁଖ ରାସ୍ତାରେ ଭାରସାମ୍ୟ ହରାଇ ନିମ୍ବ ଗଛ କୁ ଧକ୍କା ଦେଇ ଦୁର୍ଘଟଣା ଗ୍ରସ୍ତ ହୋଇଛି l ଦୁର୍ଘଟଣା ଗ୍ରସ୍ତ ସ୍ଥାନରେ ଅଗ୍ନିସମ ବିଭାଗ କର୍ମଚାରୀ ମାନେ ପହଞ୍ଚି ଚାଳକ ଓ ଅନ୍ୟଜଣ ଙ୍କୁ ଉଦ୍ଧାର କରି ପ୍ରଥମିକ ଚିକିତ୍ସା ପାଇଁ ଡାକ୍ଟର ଖାନା ନେଇଥିଲେ । ଗାଡି ଚାଳକ ଅବଦୁଲ ହନିଫ ଖାନ ସୁରକ୍ଷିତ ଥିବା ବେଳେ ଗାଡି ରେ ବସିଥିବା ଅଭିଷେକ ଶର୍ମା ଗୁରୁତର ହେବା ଫଳରେ ଖପ୍ରାଖୋଲ ଡାକ୍ତର ଖାନା ରେ ଚିକିତ୍ସା ପରେ ଉଚ୍ଚତର ଚିକିତ୍ସା ପାଇଁ ବାହାରକୁ ପଠା ଯାଇଥିବା ଜଣା ପଡ଼ିଛି । ଏନେଇ ଖପ୍ରାଖୋଲ ପୋଲିସ ଖବର ପାଇ ଦୁର୍ଘଟଣା ସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି ।