28-May-2022

ବଲାଙ୍ଗୀର : ସୁକନ୍ୟା ସମୃଦ୍ଧି ଯୋଜନାରେ ଡାକଘରେ ଟଙ୍କା ଜମା ହୋଇଛି ସତ ହେଲେ ଡାକଘର ଜମା ଖାତାରେ ଟଙ୍କା ନାହିଁ। ଏଭଳି ଏକ ଅଭାବନୀୟ ଘଟଣା ଯାଜପୁର ଜିଲ୍ଲା ଧର୍ମଶାଳା ବ୍ଲକ କଣ୍ଟୀଗଡ଼ିଆ ଉପ ଡାକଘରେ ଦେଖିବାକୁ ମିଳିଛି। କ୍ଷେତ୍ରପାଳ ଗାଁର ଜମାକାରୀ ସାରଦା ପ୍ରସାଦ ସାମନ୍ତରାୟ ନିଜ ଝିଅ ନାଁରେ ୨୦୧୫ ଅଗଷ୍ଟ ୨୬ରୁ  ସୁକନ୍ୟା ସମୃଦ୍ଧି ଯୋଜନାରେ ଡାକଘରେ ଖାତା ଖୋଲିଥିଲେ। ୨୦୨୦ ଜୁଲାଇ ୧ ପର୍ଯ୍ୟନ୍ତ ୧ ଲକ୍ଷ୍ୟ ଟଙ୍କା ଜମା କରିଥିଲେ।
 ସାରଦା ପୁଣିଥରେ ଟଙ୍କା ଜମା କରିବାକୁ ଯାଇଥିବା ବେଳେ ମୋଟ ଜମା ଟଙ୍କା କେତେ ହୋଇଛି ବୋଲି ପଚାରିବାରୁ ପୋଷ୍ଟ ମାଷ୍ଟର କମ୍ପୁଟର ଜମା ବହିରେ ମାତ୍ର ୧ ହଜାର ଟଙ୍କା ଥିବା କହିଥିଲେ। ଆଶ୍ଚର୍ଯ୍ୟର କଥା ହେଲା ସାରଦାଙ୍କ ପାଖରେ ଥିବା ଡାକ ବହିରେ 1 ଲଖ୍ୟ ଟଙ୍କା ଅର୍ଥ ଜମା ହୋଇଥିବା ବେଳେ ଡାକଘରେ ଥିବା କମ୍ପୁଟର ଜମା ବହିରେ ମାତ୍ର 1 ହଜାର ଟଙ୍କା ଥିବା ଜଣା ପଡିଛି. ଏ ନେଇ ଜମାକାରୀ ପୋଷ୍ଟମାଷ୍ଟର ଙ୍କ ନିକଟରେ ଅଭିଯୋଗ କରିଥିଲେ। ପୋଷ୍ଟ ମାଷ୍ଟର କହିଛନ୍ତି ସେ ନୂଆ ଆସିଥିବାରୁ ସେ ଉପରିସ୍ଥ ଅଧିକାରୀଙ୍କୁ ଜଣାଇବେ ଖୁବ ଶୀଘ୍ର ଏହାର ସମାଧାନ କରାଯିବ ବୋଲି ସେ  ପ୍ରତିଶୃତି ଦେଇଛନ୍ତି।

(ବଲାଙ୍ଗୀର ଜିଲ୍ଲାରୁ ଅନ୍ତର୍ଯ୍ୟାମୀ ସାହୁ ଙ୍କ ରିପୋର୍ଟ)