28-May-2022

ସିନ୍ଧେକେଲା // ସିନ୍ଧେକେଲା ଦେଇ ବହି ଯାଇଥିବା ବିସ୍ତିର୍ଣ୍ଣ ଉନ୍ଦେର ନଦୀ ର ବିଭିନ୍ନ ଘାଟରୁ ଚାଳିଛି ଅନବରତ ବାଳି ଚାଳାଣ।  ରାଜସ୍ବ ବିଭାଗ ଏଥିପାଇଁ ବିଭିନ୍ନ ଘାଟର ବାଳି ସୈରାତ କୁ ଟେଣ୍ଡର ଜରିଆରେ ଦେଇଛି ଠିକା ବିଭିନ୍ନ ଠିକାଦାର ମାନଙ୍କୁ। ସେଥିପାଇଁ ଦୈନନ୍ଦିନ ଶହଶହ ଟ୍ରିପ ବାଳି ଟ୍ରାକ୍ଟର, ଟ୍ରକ, ହାଇୱା ରେ ଚାଳାଣ ହେଉଛି ଦୂରଦୁରାନ୍ତ କୁ ସିନ୍ଧେକେଲା ମୁଖ୍ଯ ରାସ୍ତା ଦେଇ । ନୁଆପଡା , କଳାହାଣ୍ଡି ଓ ବଲାଙ୍ଗୀର ଜିଲ୍ଲାର ସିମାରେ ସିନ୍ଧେକେଲା ଅବସ୍ଥିତ ଥିବାରୁ ତିନୋଟି ଜିଲ୍ଲାର ସିମାନ୍ତ ଅଞ୍ଚଳର ଲୋକଙ୍କ ପ୍ରମୁଖ ସ୍ଥାନ ପାଳଟିଛି ଏହି ଗାଁ । ପଞ୍ଚାୟତ ମୁଖ୍ୟାଳୟ ହୋଇଥିଲେ ମଧ୍ଯ ସ୍କୁଲ , କଲେଜ, ପୋଲିସ, ରାଜସ୍ବ ଏମିତି ଅନେକ ସରକାରୀ ଓ ଘରୋଇ ଅଫିସ ସହ ସିନ୍ଧେକେଲାରେ ବଙ୍ଗୋମୁଣ୍ଡା ବ୍ଲକର ଗୋଟିଏ ମାତ୍ର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ରହିଛି । ତା ସହ ସିନ୍ଧେକେଲା ଏକ ପ୍ରମୁଖ ବ୍ୟବସାୟିକ ପେଣ୍ଠସ୍ଥଳ । ତେଣୁ ଏଠାକୁ ବହୁଲୋକଙ୍କ ଜିବା ଆସିବା ହୋଇଥାଏ। ଫଳରେ ଅନେକ ସମୟରେ ଟ୍ରାଫିକ ଜାମ ତ ହେଉଛି ତା ସାଙ୍ଗରେ ବଡ ଗାଡି ଯାଉଥିବା ସମୟରେ ପଛରେ ଥିବା ଲୋକେ ଧୁଳି ଯୋଗୁଁ ବେଶ ହଇରାଣ ହରକତ ହେଉଛନ୍ତି।    ଅନେକ ସମୟରେ ଆମ୍ବୁଲାନ୍ସ, ଦମକଳ ଭଳି ଜରୁରୀକାଳୀନ ସେବା ରେ ଯାଉଥିବା ଗାଡି ମାନେ ବି ଟ୍ରାଫିକ ଜାମ ରେ ଫସୁଛି। ଏପରି ସ୍ଥଳରେ ବାଳି ବୋଝେଇ ଗାଡିଗୁଡିକ ବିନା ଢାଙ୍କୁଣି ରେ ନେଉଥିବା ଯୋଗୁଁ ଗାଡିରୁ ବାଳି ରାସ୍ତାରେ ପଡିପଡି ଯାଇଥାଏ । ଯାହା ଫଳରେ ତାହା ପରେ ଧୁଳି ହୋଇ ଟିକିଏ ପବନ ହେଲେ ରାସ୍ତାରେ ଉଡୁଥିବାରୁ ସିନ୍ଧେକେଲା ବାସିଙ୍କ ପାଇଁ ଏହା ବୋଝ ଉପରେ ନଳିତା ବିଡା ସଦୃଶ ପାଳଟିଛି । ବାଳି ଠିକାଦାର ମାନଙ୍କ ମନମାନି ଯୋଗୁଁ ଲୋକେ ନାହିଁ ନ ଥିବା ଅସୁବିଧା ଭୋଗ କରୁଥିବା ବେଳେ ସ୍ଥାନୀୟ ପ୍ରଶାସନ ଚୁପ ରହିବା ଯୋଗୁଁ ସରକାରି ବାବୁ ମାନେ ମୋଟାଅଙ୍କର ପକେଟ ମନି ନେଇ ସବୁ ଜାଣି ନ ଜାଣିଲା ପରି ହେଉଥିବା ସିନ୍ଧେକେଲା ଅଞ୍ଚଳରେ ଚର୍ଚ୍ଚା ହେଉଛି । ତେଣୁ ତୁରନ୍ତ ପ୍ରଶାସନ ଏହା ଉପରେ ପଦକ୍ଷେପ ଗ୍ରହଣ କରିବା ପାଇଁ ଅଞ୍ଚଳରେ ଦାବି ହେଉଛି ।