24-May-2022

ରେଢାଖୋଲ, ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ନାକଟିଦେଉଳ ଥାନା ଅନ୍ତର୍ଗତ କତରାପାଲି ଗ୍ରାମରେ ସୋମବାର ସନ୍ଧ୍ୟାରେ ଟ୍ରାକ୍ଟରରୁ ଖସି ପଡି ଜଣେ ଶ୍ରମିକଙ୍କ ମୃତ୍ୟୁ ହୋଇଛି। ମୃତ ଶ୍ରମିକ ଜଣଙ୍କ ହେଲେ  ନାକଟିଦେଉଳ ଥାନା ଅନ୍ତର୍ଗତ ମାରୁୱାଡିମୁଣ୍ଡା ଗ୍ରାମର ପିଣ୍ଟୁ ମାହାର(୩୦)।   ପୋଲିସ ସୂତ୍ରରୁ ଜଣା ଯାଇଛି ଯେ ମାରୁୱାଡିମୁଣ୍ଡା ଗ୍ରାମର ପିଣ୍ଟୁ ମୁଣ୍ଡା ଏକ ଟ୍ରାକ୍ଟରେ ଶ୍ରମିକ ଭାବରେ କାମ କରନ୍ତି। ହେଲେ  ସୋମବାର ସନ୍ଧ୍ୟାରେ ଟ୍ରାକ୍ଟର ଯୋଗେ ଚିପସ ବୋଝେଇ ହୋଇ  ଦ୍ରୁତ ଗତିରେ ଆସୁଥିବା ବେଳେ ଶ୍ରମିକ ଜଣଙ୍କ ଟ୍ରାକ୍ଟର ରୁ ଖସି ପଡି  ଗୁରୁତର ଆହତ ହୋଇ ଥିଲେ।  ଏହି ଘଟଣା ଜାଣିବା ପରେ ଗ୍ରାମବାସୀ ମାନେ ୧୦୮ ଆମ୍ବୁଲାନ୍ସକୁ ଖବର ଦେଇ ଥିଲେ। ଘଟଣା ସ୍ଥଳରୁ ଆହତ ଙ୍କୁ ରେଢାଖୋଲ ଉପଖଣ୍ଡ ଡାକ୍ତରଖାନାକୁ ଆଣି ଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ସଂକ୍ରାନ୍ତରେ ନାକଟିଦେଉଳ ଥାନାରେ ଏକ ମାମଲା ରୁଜୁ ହେବା ସହ ମଙ୍ଗଳବାର ଦିନ ଶବ ବ୍ୟବଚ୍ଛେଦ କରା ଯିବ ବୋଲି ଜଣା ଯାଇଛି ।