20-May-2022

ଲୋଇସିଂହା/ଆଗଲପୁର (ବିନୋଦ କୁମାର ଦୀପ) ସରକାର 5T ନାରେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ହେଲେ ତାହା ସଂପୂର୍ଣ୍ଣ ଭାବରେ ବାଟମାରଣା ହୋଇଯାଉଛି l ସରକାରୀ କର୍ମଚାରୀ  ତଥା ବିଭାଗୀୟ ଅଧିକାରୀ ଓ ଠିକାଦାରଙ୍କ ମଧୁଚନ୍ଦ୍ରିକାରେ ଚାଲିଛି ସ୍କୁଲ ରୂପାନ୍ତରଣ କାର୍ଯକ୍ରମ l ସ୍କୁଲ ରୂପାନ୍ତରଣ ନାଁରେ ଆତ୍ମସାତ ହେଉଛି କୋଟି କୋଟି ଟଙ୍କା l l

ସ୍କୁଲକୁ 5T ରେ ସାମିଲ କରାଯାଇଛି ହେଲେ ପ୍ରକୃତ ରୂପାନ୍ତରଣ କାର୍ଯ୍ୟ ହୋଇ ପାରୁନାହିଁ l ଏମିତି ଏକ ସ୍କୁଲ ରୂପାନ୍ତରଣ କାର୍ଯ୍ୟରେ ନିମ୍ନ ମାନର କାମ ହେଉଥିବା ଅଭିଯୋଗ ଆସିଛି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକର ରାମପୁର  ସେବାଶ୍ରମ ବିଦ୍ୟାଳୟରେ l ଏଥି ପୁରୁଣା ଘରକୁ ରଙ୍ଗ ମାରି ନୂଆ ରୂପ ଦିଆଯାଇଛି l ଶ୍ରେଣୀଗୃହ ଗୁଡ଼ିକ ବହୁତ ପୁରୁଣା ହେଲେ ତା ଉପରେ ରଙ୍ଗ ଦିଆଯାଇଛି ଓ ନୂଆ ସ୍ମାର୍ଟକ୍ଲାସ୍ ରୁମ୍ ନାମରେ ନାମିତ କରାଯାଉଛି l ବିଦ୍ୟାଳୟର ସମ୍ଭୁଖରେ ରଙ୍ଗ ଦିଆଯାଇଛି  ହେଲେ ଭିତରେ ପୁରା ଫାଙ୍କା l ପୁରୁଣା ପରିସ୍ରାଗାରକୁ ମରାମତି କରି ନୂଆ ପରିସ୍ରାଗାର ର ନାମ ଦିଆଯାଉଛି। ପରିସ୍ରାଗାରରେ ଛାତ ନାହିଁ ଆଜବେଷ୍ଟରେ ଢାଂଙ୍କି ଦିଆଯାଇଛି l ଏହା ଉପରେ କେତୋଟି ଇଟା ଲଦା ହୋଇଛି ଯାହାକି ବିପଦସଂକୁଳ l ଜଦି ଟିକିଏ ଜୋରରେ ପବନ ଆସିଲେ ତାହା ଉଡ଼ିକି କେଉଁଠି ପଡ଼ିବ, କୌଣସି ପିଲl ଉପରେ ପଡ଼ିଲେ ଜୀବନ ପ୍ରତି ବିପଦ l ଇ ଲାଇବ୍ରେରୀ ର ଡ଼ିଜିଟାଲାଇଜେସନ ହୋଇ ପାରୁନାହିଁ, କମ୍ପ୍ୟୁଟର ଗୃହରେ କମ୍ପ୍ୟୁଟର ନାହିଁ, ବହୁ ପୁରୁଣା ଶ୍ରେଣୀ ଗୃହ ଗୁଡ଼ିକ ଅଛି ଆଜବେଷ୍ଟ ଉପରେ ଦରି ଢାଙ୍କି ଦିଆଯାଇଛି ଯାହାକି ବର୍ଷା

ଦିନେ ପାଣି ଗଲୁଛି l କମନରୁମରେ  ପଙ୍ଖା ଟିଏବି ନାହିଁ l ଏମିତି ଅନେକ ସମସ୍ୟା ରହିଛି ଉକ୍ତ ସେବାଶ୍ରମ ବିଦ୍ୟାଳୟରେ l ସ୍କୁଲ ପରିଚାଳନା କମିଟି ମଧ୍ୟ କ୍ଷୋଭ ପ୍ରକାଶ କରିଛନ୍ତି। ସ୍କୁଲ ର 5T କମିଟି ର ଚେୟାରମେନ ମଧ୍ୟ ଦୁଃଖ ପ୍ରକାଶ କରିଛନ୍ତି, ସେ ବ୍ଲକ ପ୍ରଶାସନକୁ ସମ୍ପୂର୍ଣ୍ଣ ରୂପରେ ଦାୟୀ କରିଛନ୍ତି ଏହି ଦୁର୍ନୀତିରେ ବ୍ଲକର କନିଷ୍ଠ ଯନ୍ତ୍ରୀ ଓ ସହକାରୀ ଯନ୍ତ୍ରୀ ଓ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଦାୟୀ କରିଛନ୍ତି