20-May-2022

ବଲାଙ୍ଗିର /ପାଟଣାଗଡ଼(ପୂର୍ଣ ଶଶୀ ଶେଖର ରାଓ):  ପାଟଣାଗଡ଼ ଉପଖଣ୍ଡ ଦିନକୁ ଦିନ ବେଆଇନ କାର୍ଯ୍ୟକଳାପ ସହ ବିଭିନ୍ନ ଅପରାଧିକ ମାମଲା ବଢ଼ିଚାଲିଛି। ଯାହାକି ସାଧାରଣ ଜନତାଙ୍କ ପ୍ରତି ବିପଦ ସୃଷ୍ଟି କରୁଛି। ଏହାକୁ ଭିତ୍ତି କରି ଆଜି ଖପ୍ରାଖୋଲ ବ୍ଳକ ଭାରତୀୟ ଜନତା ପାର୍ଟି ପକ୍ଷରୁ ଥାନା ଅଧିକାରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ସୂଚନାଯୋଗ୍ୟ ଯେ ଖପ୍ରାଖୋଲ ଅଞ୍ଚଳରେ ବେଆଇନ ସଟ୍ଟା,ମଦ,କରେକ୍ସ, ଗଞ୍ଜେଇ,ଟେବଲେଟ ବେଆଇନ କାରବାର ବଢ଼ିବାରେ ଲାଗିଛି। ତତ୍ ସଙ୍ଗେ ସଙ୍ଗେ ଚୋରି, ଡକାୟତି, ହତ୍ୟା ମାମଲା ବଢ଼ିଚାଲିଛି। ଖପ୍ରାଖୋଲ ଥାନା ଅଧିକାରୀ ଭାବେ ରମାକାନ୍ତ ସାହୁ ଯୋଗଦାନ କରିବା ଦିନରୁ କିଛି ମାତ୍ରାରେ ହ୍ରାସ ପାଇଛି। ସାହୁ ବାବୁ ଦିନ ରାତି ପରିଶ୍ରମ କରି ଅନେକ ଅପରାଧୀଙ୍କୁ ଧରିବା ରେ ସକ୍ଷମ ହୋଇଥିଲେ ସୁଦ୍ଧା ଅନେକ ବେଆଇନ ମାଫିଆ ଧରାନପଡ଼ିଥିବା ଅଭିଯୋଗ ହେଉଛି। ବିଗତ କିଛି ଦିନ ତଳେ ବାଞ୍ଜିପାଲି ମନ୍ଦିର ରୁ ଚୋରି ହୋଇଥିବା ବେଳେ ସେହି ଅଞ୍ଚଳରେ କରେକ୍ସ ବ୍ୟାପାର ବୃଦ୍ଧି ପାଉଥିବା ଶୁଣିବାକୁ ମିଳୁଛି। ଏବଂ ସଟ୍ଟା ଆଡ୍ଡା ମଧ୍ୟ ବେଧଡକ ଚାଲିଛି ବୋଲି ଜନସାଧାରଣରେ ମତ ପ୍ରକାଶ ପାଉଛି। ଏହି ସବୁ ଉପରେ ତୀକ୍ଷ୍ମ ନଜର ରଖି ଯଥାଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଆଜି ଖପ୍ରାଖୋଲ ଥାନା ଅଧିକାରୀଙ୍କୁ ଭାରତୀୟ ଜନତା ପାର୍ଟି ପକ୍ଷରୁ ଏକ ଦାବିପତ୍ର ପ୍ରଦାନ କରିଛନ୍ତି। ଦାବିପତ୍ର ପ୍ରଦାନ ସମୟରେ ବଲାଙ୍ଗିର ସାଂସଦଙ୍କ ପ୍ରତିନିଧି ପ୍ରବୀଣ ଅଗ୍ରୱାଲ,ଯୁବ ମୋର୍ଚ୍ଚା ସଭାପତି ଉପେନ୍ଦ୍ର ଭୋଇ, ଜେନେରାଲ ସେକ୍ରେଟାରୀ ଶିବା ସୁନା, ସତ୍ୟାନନ୍ଦ ସେନ୍ଦ୍ରିଆଙ୍କ ସହ ବିଜେପି କର୍ମୀ ମାନେ ଉପସ୍ଥିତ ଥିଲେ।