18-May-2022

ଲୋଇସିଂହା/ଆଗଲପୁର(ବିନୋଦ କୁମାର ଦୀପ) ଗତ ରାତିରେ ଆଗଲପୁର ବ୍ଲକ ଆଗଲପୁର ଠାରେ ପ୍ରବଳ  ଝଡତୋଫାନ ଓ ବର୍ଷା ଯୋଗୁଁ ବ୍ୟାପକ କ୍ଷୟକ୍ଷତି ହୋଇଛି l କାହାର ଛପର ଉଡ଼ିଯାଇଛି ତ କାହାର ଆଜବେଷ୍ଟ ଉଡ଼ିଯାଇଛି ତ କେଉଁଠି ବଡ଼ ବଡ଼ ଗଛ ସବୁ ଉପୁଡ଼ି ପଡ଼ିଛି ତ କେଉଁଠି ରାସ୍ତା ଉପରେ ଗଛ ପଡ଼ି ଯାତାୟାତ ଠପ୍ ହୋଇ ଯାଇଛି l କେତେକ ସ୍ଥାନରେ ଲାଇନ ଖୁଣ୍ଟ ପଡ଼ି ଯାଇଥିବା ଦେଖିବାକୁ ମିଳିଛି l ଏଇ ଚିତ୍ର ଦେଖନ୍ତୁ କିପରି ବିଦ୍ୟୁତ୍

ତାର ଉପରେ ଆଜବେଷ୍ଟସ ଝୁଲିରହିଛି l ଏଭଳି ଦୃଶ୍ୟ ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକରେ l ବିଶେଷ କରି ଆଗଲପୁର ଅଞ୍ଚଳରେ ବେଶି କ୍ଷୟକ୍ଷତି ହୋଇଛି l ଗତ ରାତିରେ ଏ ଅଞ୍ଚଳରେ ବିଦ୍ୟୁତ୍ ବିଚ୍ଛିନ୍ନ ହୋଇପଡିଛି l ଦୁଃଖର ବିଷୟ ଏହା ଯେ ଲୋକମାନଙ୍କ ଉପରେ  ଛପର ତଥା

ଆଜବେଷ୍ଟସ ପଡ଼ି ଲୋକମାନେ ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତି ହୋଇଛନ୍ତି l ସରକାର ତୁରନ୍ତ ଏ ବିଷୟ ପ୍ରତି ଗୁରୁତ୍ୱ ସହ ପଦକ୍ଷେପ ନେଇ ଲୋକ ମାନଙ୍କୁ ଉଚିତ୍ ସାହାଯ୍ୟ ପାଇଁ ଦାବି କରିଛନ୍ତି l ଏ ବାବଦରେ ଆଗଲପୁର ତହସିଲଦାର ଅଫିସକୁ ଫୋନ ଯୋଗେ ଯୋଗାଯୋଗ କରାଯାଇଥିଲା ହେଲେ ସେ ଏ ବିଷୟରେ ସମସ୍ତ ଆର ଆଇ ମାନଙ୍କୁ ଜଣାଇ ଦିଆଯାଇଛି ବୋଲି ସ୍ପଷ୍ଟୀକରଣ ଦେଇଥିଲେ l