18-May-2022

ବିନିକା(ହିମାଂଶୁ ଶେଖର ପୁଟେଳ) ବିନିକା ଭୀମଭୋଇ ଜୟନ୍ତୀ କମିଟି ତରଫରୁ ପ୍ରଥମ କରି ସ୍ଥାନୀୟ ଟାଉନହଲ ଠାରେ ୧୭୩ ତମ ଭୀମଭୋଇଙ୍କ ଜୟନ୍ତୀ ପାଳିତ ହୋଇଯାଇଛି ।ପ୍ରାରମ୍ଭରେ ଯୋରନ୍ଦା ଗାଦି ବାବା ସୁରେନ୍ଦ୍ର ଦାସଙ୍କ ନେତୃତ୍ୱରେ ବହୁ ସନ୍ଥ ଯୋଗଦେଇ ଘୃତାଆହୁତି ଦେଇଥିଲେ । ଏଥିରେ ବହୁ ମହିମା ଧର୍ମାବଲମ୍ବୀ ଭକ୍ତମାନେ ସାମିଲ ହୋଇ ସନ୍ଥକବିଙ୍କ ଗୁଣଗାନ କରିଥିଲେ ।ପରେ ଏନଏସି ଅଧ୍ୟକ୍ଷ ସୁବାସ ଚନ୍ଦ୍ର ଭୋଇଙ୍କ ସଭାପତିତ୍ବରେ ଅନୁଷ୍ଟିତ ଜୟନ୍ତୀ ଉତ୍ସବରେ ସମାଜସେବୀ ତଥା ଭୀମଭୋଇଙ୍କ ବାର୍ତାବାହକ ଗୋରେଖନାଥ ସାହୁ ମୁଖ୍ୟଅତିଥି,ଶିକ୍ଷକ ରାଜମନି ସାହୁ ମୁଖ୍ୟବକ୍ତା,ପ୍ରଧାନ ଶିକ୍ଷକ ନୀଳାଚଳ ମେହେର,କମିଟି ସଭାପତି ସୁନ୍ଦରମଣି ମେହେର,ପ୍ରାଧ୍ୟାପିକା ମୀନା ମହାରଣା,ଏନଏସି ଉପାଧ୍ୟକ୍ଷା ତପସ୍ୱିନୀ ମେହେର,ପ୍ରକାଶ ଅଗ୍ରୱାଲ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଅତିଥି ମାନେ ଭୀମଭୋଇଙ୍କ କର୍ମମୟ ଜୀବନୀ ଉପରେ ଆଲୋକପାତ କରିଥିବା ବେଳେ କମିଟି ଉପ ସଭାପତି ତଥା ଆୟାେୟକ ରାମଗୋପାଳ ବାଘ ବିନିକାରେ ଭୀମଭୋଇଙ୍କ ପ୍ରତିମୂର୍ତ୍ତି ସ୍ଥାପନ,କଲ୍ୟାଣ ମଣ୍ଡପ ନିର୍ମାଣ, ଖଦାଳପଡ଼ା ଛକକୁ ଭୀମଭୋଇଙ୍କ ନାମରେ ନାମିତ

ଆଦି ଦାବି ଉପସ୍ଥାପନ କରିଥିଲେ ।ସଭା ପ୍ରାରମ୍ଭରେ କମିଟି ସମ୍ପାଦକ କ୍ଷୀର ସାଗର ବିଭାର ସ୍ଵାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ଶେଷରେ ମୋହନ ମହାନନ୍ଦ ଧନ୍ୟବାଦ ଅର୍ପଣ କରିଥିଲେ ।ଏହି ଅବସରରେ ଭଜନ ସମାରୋହ ଅନୁଷ୍ଟିତ ହୋଇଥିଲା ।କାର୍ଯ୍ୟକ୍ରମ ପରିଚାଳନାରେ କମିଟିର ସମସ୍ତ ସଦସ୍ୟ ସହଯୋଗ କରିଥିଲେ ।