16-May-2022

ବୌଦ୍ଧ- ବହୁ ପ୍ରତୀକ୍ଷିତ ଭଗବାନ ବୁଦ୍ଧ ଙ୍କ ପ୍ରତିମୂର୍ତ୍ତି ଆଜି ମନମୁଣ୍ଡା ତେଲନଦୀ କୂଳ ଏନ ଏଚ 57 କଡ଼ ରେ ଭକ୍ତିପୂତ ଓ ମହାସମାରୋହ ରେ ଉନ୍ମୋଚିତ ହୋଇଛି। ମୁଖ୍ୟ ଅତିଥିଭାବେ କଣ୍ଟାମାଲ ବିଧାୟକ ମହିଧର ରଣା ଯୋଗ ଦେଇ ପୂଜାର୍ଚନା କରି ଏହାକୁ ଉନ୍ମୋଚନ କରିଥିଲେ। ଏଥିରେ ସମ୍ମାନିତ ଅତିଥିଭାବେ ଏହାର ମୁଖ୍ୟ ପୁରୋଧା ତଥା ଜିଲ୍ଲାର ବିକାଶ ପୁରୁଷଭାବେ ବିବେଚିତ ଜିଲ୍ଲାପାଳ ଲଲାଟେନ୍ଦୁ ମିଶ୍ର ମଧ୍ୟ ଯୋଗଦେଇ ଭଗବାନ ବୁଦ୍ଧ ଙ୍କ ଠାରେ ଦୀପ ଜାଳି ପୁଷ୍ପ ଅର୍ପଣ ପୂର୍ବକ ଉନ୍ମୋଚନ ରେ ସହଯୋଗ କରିଥିଲେ । ଉନ୍ମୋଚନ ବେଳେ କୀର୍ତନ୍ୟ କରିବା ସହ ଏକ ଭକ୍ତିମୟ ପରିବେଶ ସୃଷ୍ଟି କରାଯାଇଥିଲା।ଅଂଚଳର ଶତାଧିକ ଲୋକ ଏହି କାର୍ଯ୍ୟକ୍ରମକୁ ଦେଖିବାକୁ ଆସିଥିଲେ।ଆଜିର ଏହି କାର୍ଯ୍ୟକ୍ରମରେ ଅନ୍ୟତମ ସମ୍ମାନିତ ଅତିଥିଭାବେ ପି ଡି ଅଶ୍ବିନୀ ମେହେର,ଏ ଡି ଏମ ବବିତରାଣୀ ଦଲବେହେରା,ଡି ଆଇ ପି ଆର ଓ ରିତିକାନ୍ତି ବଳିଆର ସିଂ, ଆର୍କିଟେକଚର ସୁମନ ଷଡଙ୍ଗୀ,  ବୌଦ୍ଧ ଜିଲ୍ଲାପାରିଷଦ ଉପାଧ୍ୟକ୍ଷ ଶଙ୍କର୍ଷଣ ପ୍ରଧାନ, କଣ୍ଟାମାଲ ବ୍ଲକ ଅଧ୍ୟକ୍ଷା ସସ୍ମିତା ସେନାପତି, ମନମୁଣ୍ଡା ସରପଞ୍ଚ ରଂଜୁ ବେହେରା, ମନମୁଣ୍ଡା ସମିତି ସଭ୍ୟା ତନୁପ୍ରିୟା ସେନାପତି, ପ୍ରମୁଖ ଯୋଗ ଦେଇଥିଲେ।ଉନ୍ମୋଚନ କାର୍ଯ୍ୟକ୍ରମ କୁ କଣ୍ଟାମାଲ ବି ଡି ଓ କଳାକୃଷ ପ୍ରଧାନ ପରିଚାଳନା କରିଥିଲେ।ଭଗବାନ ବୁଦ୍ଧ ଙ୍କ ନାମରେ ନାମିତ ବୌଦ୍ଧ ଜିଲ୍ଲା କୁ ରାଜ୍ୟ,ଦେଶ ତଥା ବିଶ୍ୱରେ ଏକ ସ୍ୱତନ୍ତ୍ର ପରିଚୟ ଦେବାକୁ ଜିଲ୍ଲାପାଳ ଶ୍ରୀ ମିଶ୍ର ଜିଲ୍ଲାକୁ ବୁଦ୍ଧମୟ କରିବାକୁ ଏକ ଯୋଜନା ପ୍ରସ୍ତୁତ କରିଥିଲେ।ସେନେଇ ଜିଲ୍ଲାରେ ଏକ କମିଟି ଗଠନ କରି ଏହାକୁ ସଫଳ ରୂପାୟନ ପାଇଁ ଆଜିର ପବିତ୍ର ବୁଦ୍ଧ ପୂର୍ଣ୍ଣିମା ଦିନ କୁ ଧାର୍ଯ୍ୟ କରିଥିଲେ।ସେହିପ୍ରକାରେ ଜିଲ୍ଲାର ପୂର୍ବ ଓ ଦକ୍ଷିଣ ପ୍ରବେଶ ଦ୍ୱାରରେ ଓ ଅନ୍ୟ କେତେକ ସ୍ଥାନରେ ଆଜି ବୁଦ୍ଧ ମୂର୍ତ୍ତି ଉନ୍ମୋଚିତ ହୋଇଛି।ତେବେ ଜିଲ୍ଲାପାଳ ଶ୍ରୀ ମିଶ୍ର  ମନମୁଣ୍ଡା ତେଲନଦୀ ସେତୁ କୁଳ କୁ ବିଶେଷ ଭାବେ ଗୁରୁତ୍ୱ ଦେଇ ଜିଲ୍ଲା ର ସବୁଠୁ ଉଚ୍ଚ ତଥା ରାଜ୍ୟର ସବୁଠୁ ବଡ଼ ବୁଦ୍ଧ ମୂର୍ତ୍ତି ସ୍ଥାପନ କରି ରେକର୍ଡ କରିଥିବା ଜାଣିବାକୁ ମିଳିଛି। ମନମୁଣ୍ଡା ଜିଲ୍ଲାର ପଶ୍ଚିମ ଦିଗ ର ପ୍ରବେଶ ଦ୍ୱାର ଓ ଏହା ସୋନପୁର ସଦରମହକୁମା ସହ ସଂଲଗ୍ନ ରହିଥିବାରୁ ଏଠାକୁ ବିଶେଷ ପ୍ରାଧାନ୍ୟ ଦିଆ ଯାଇଥିଲା। ଜିଲ୍ଲାପାଳଙ୍କ ନିର୍ଦେଶପ୍ରକାରେ କଣ୍ଟାମାଲ ବିଡ଼ିଓ ଶ୍ରୀ ପ୍ରଧାନ ଙ୍କ ନେତୃତ୍ୱରେ ବ୍ଲକ ସହକାରୀ ଯନ୍ତ୍ରୀ ସୋମନାଥ ଭୂୟାଁ , ସହକାରୀ ନିର୍ବାହୀ

ଯନ୍ତ୍ରୀ ଜୟ  ମହନ୍ତଙ୍କ  ନକ୍ସା ପ୍ରକାରେ ଜି ଆର ଏସ ଆଦିତ୍ୟ କୁମାର ମେହେର, ଜୟ ନାରାୟଣ ପଟ୍ଟନାୟକ ମାତ୍ର 14 ଦିନ ମଧ୍ୟରେ ଯୁଦ୍ଧକାଳୀନ ଭିତ୍ତିରେ  ୪୦ ଫୁଟ ମାଟି ପୋତି ଓ ସେତିକି ଉଚ୍ଚ ର ମୂର୍ତି ସ୍ଥାପନ ମଞ୍ଚ ପ୍ରସ୍ତୁତ କରିଥିଲେ।
     ସେହିପରି ଆଜି ମନମୁଣ୍ଡା ରେ ବୁଦ୍ଧ ପୂର୍ଣ୍ଣିମା ତଥା ବୁଦ୍ଧ ଜୟନ୍ତୀ ହର୍ଷ ଉଲ୍ଲାସ ସହ ମହାସମାରୋହ ରେ ପାଳିତ ହୋଇଯାଇଛି।ଏହି ଅବସରରେ ଅଧିକାଂଶ ପରିବାର ନିଜ ନିଜ ଘର ସାମ୍ନା ରେ କଳସ ସ୍ଥାପନ କରି ଭଗବାନ ବୁଦ୍ଧଙ୍କ ପୂଜାର୍ଚନା କରିଥିଲେ। ଅହିଂସା ର ପ୍ରତୀକ ଭଗବାନ ବୁଦ୍ଧ ସମ୍ମାନାର୍ଥେ ଙ୍କ ମନମୁଣ୍ଡାରେ ଆମିଷ ଭକ୍ଷଣ ବର୍ଜନ କରାଯାଇଥିଲା ଏବଂ ପ୍ରାୟ ପ୍ରତ୍ୟେକ ଙ୍କ ଘରେ ପିଠା ପଣା କରି ଏକ ଆଧ୍ୟାତ୍ମିକ ପରିବେଶ ସୃଷ୍ଟି ସହ ଲୋକମାନେ ଖୁସି ମନାଇଥିଲେ।ବ୍ରାହ୍ମଣ ସମାଜ ତରଫରୁ ଭଗବାନ ବୁଦ୍ଧ ଙ୍କ ଏକ ସ୍ୱତନ୍ତ୍ର ପୂଜା ମଧ୍ୟ କରାଯାଇଥିଲା ।