16-May-2022

ବରଗଡ଼:-ପଶ୍ଚିମ ଓଡ଼ିଶାର ପବିତ୍ର ବୈଷ୍ଣବ ପୀଠ ଗନ୍ଧମାର୍ଦ୍ଦନ   ପାହାଡ଼ର ପାଦଦେଶରେ ଥିବା ପ୍ରଭୁ ଶ୍ରୀଶ୍ରୀ ନୃସିଂହନାଥ ପୀଠରେ ବୈଶାଖ ମେଳା ଉଦଯାପିତ ହୋଇଯାଇଛି । ପ୍ରଭୁ ମାର୍ଜରା କେଶରୀଙ୍କର ଏକ ଲକ୍ଷ ପଚିଶ ହଜାର ବୀଜ ମନ୍ତ୍ର ଜପ ହେବା ସହିତ ପାଞ୍ଚଦିନ ବ୍ୟାପି ହୋଇଥିବା ଜଜ୍ଞ ର ପୂର୍ଣ୍ଣାହୂତି ପ୍ରଦାନ କରାଯାଇଛି । ଏହି ଅବସରରେ ଲକ୍ଷାଧିକ ଶ୍ରଦ୍ଧାଳୁଙ୍କର ସମାଗମ ହୋଇଥିଲା । ପବିତ୍ର ପାପ ନାସିନୀ ଝରଣାରେ  ଭକ୍ତ ବୁଡ଼ ପକାଇବା ସହିତ ଶ୍ରଦ୍ଧାଳୁ ମାନେ ମାର୍ଜରା କେଶରୀଙ୍କର ଦର୍ଶନ କରି ଭାବ ବିଭୋର ହୋଇଥିଲେ । ମହାମାରୀ କରୋନା ସକାଶେ ଦିର୍ଘ ଦୁଇ ବର୍ଷ ଧରି ବୈଶାଖ

ମେଳା ବନ୍ଦ ଥିବାବେଳେ ଚଳିତ ବର୍ଷ  ଲକ୍ଷାଧିକ ଭକ୍ତଙ୍କ ସମାଗମ ହୋଇଥିଲା । ପ୍ରବଳ ଭିଡ଼ କୁ ଆଖି ଆଗରେ ରଖି ପୋଲିସ ବିଭାଗ, ଅଗ୍ନିଶମ ବିଭାଗ, ଜନସ୍ବାସ୍ଥ୍ୟ ବିଭାଗ, ସ୍ଵାସ୍ଥ୍ୟ ବିଭାଗ ପକ୍ଷରୁ ସତର୍କତା ଅବଲମ୍ବନ କରାଯାଇ ଥିବାରୁ କିିଛି ଅଘଟଣ ପରିସ୍ଥିତି  ଘଟିନଥିବା  ମନ୍ଦିର ଟ୍ରଷ୍ଟି ବୋର୍ଡ ର କାର୍ଯ୍ୟନିର୍ବାହୀ ଅଧିକାରୀ ଶ୍ରୀମାନ ପୁରୁଷୋତ୍ତମ ପ୍ରଧାନ ଙ୍କ ଠାରୁ ପ୍ରକାଶ । ଶେଷରେ ସମସ୍ତ ବିଭାଗ ର କର୍ମଚାରୀ ଗଣଙ୍କ ସାହାଯ୍ୟ ଓ ସହଯୋଗ ପାଇଁ ସେ ଧନ୍ୟବାଦ ଜଣାଇଛନ୍ତି ।