16-May-2022

ପୁରୀ,(ପ୍ରେରଣା ଖବର) : ଓଡିଶା ଜଗନ୍ନାଥ ଧାମ, ଶାସ୍ତ୍ର, ଦର୍ଶନର ବିଶାରଦ, ପ୍ରବଚକ, କଥାବାଚକ ସ୍ବର୍ଗତ ପଣ୍ଡିତ ଚାରଣ ରାମ ଦାସ ଆଉ ଆମ ଗହଣରେ ନାହାନ୍ତି, ଦେଖୁ ଦେଖୁ ତାଙ୍କ ମୃତ୍ୟୁର ଏକ ବର୍ଷ ଅତିକ୍ରାନ୍ତ ହୋଇଗଲା ଓ ଏ ଅବସର କ୍ରମେ ଗତ ୧୫ ତାରିଖ ଦିନ ସ୍ଥାନୀୟ ଜିଲ୍ଲା ସାଂସ୍କୃତିକ ଭବନ ପୁରୀ ଠାରେ ତାଙ୍କ ଶ୍ରୁତି ସଭାର ବିଶେଷ ଆୟୋଜନ କରାଯାଇ ଥିଲା l ଚାରଣ ଗୋଷ୍ଠୀ ଓ ପୁରୀ ଜଗନ୍ନାଥ ସେବକ ସମାଜ ଦ୍ୱାରା ବେଦ ଓ ବିଷ୍ଣୁ ସହସ୍ର ନାମ ଜପର ମହା ଆୟୋଜନ କରାଯାଇଥିଲା l ଏହି ଅବସରରେ ଉପସ୍ଥିତ ଭକ୍ତ ଗଣ ତାଙ୍କ ସମ୍ପର୍କିତ ଆଲୋଚନା କରିବା ସହ ତାଙ୍କ ଜଗନ୍ନାଥ ସଂସ୍କୃତି ସମ୍ପର୍କୀୟ ପାଣ୍ଡିତ୍ୟର ପ୍ରତିଫଳନରେ କିଭଳି ଜଗନ୍ନାଥ ପ୍ରଭୁଙ୍କ ପ୍ରବଚନ ଓଡିଶା ଜନ ମାନସରେ ଛାଇ ଯାଇଥିଲା ତାହା ଜାଣିବା ଆବଶ୍ୟକ ବୋଲି ନିଜ ନିଜ ମତ ଉପସ୍ଥାପନା କରିଥିଲେ l ପଣ୍ଡିତ ଚାରଣ ରାମ ଦାସ ଅନେକ ସମୟରେ  ପ୍ରଭୁ ଜଗନ୍ନାଥଙ୍କ ଦର୍ଶନର ପ୍ରଚାର ଓ ପ୍ରସାର ପାଇଁ ମୁଁ କେବଳ ଜଣେ ସେବକ ନୁହେଁ ବରଂ ପ୍ରଭୁଙ୍କ ପ୍ରତିନିଧି ବୋଲି ନିଜକୁ ପରିଚୟ ଦେଇ ଥିଲେ l ଏହି ବିଶାଳ ଜଗନ୍ନାଥ ଦର୍ଶନର ଧାର୍ମିକ ତତ୍ତ୍ୱ କୁ ଅତି ସୁନ୍ଦର,ସରଳ ଭାବରେ ଲୋକଙ୍କୁ ବୁଝାଇବାରେ ସମର୍ଥ ହୋଇଥିଲେ l ସେ ମଣିଷ ଜୀବନର ବାସ୍ତବିକତା, ବଂଚିବାର ଯଥାର୍ଥ ରୀତି ନୀତିକୁ ତାଙ୍କ ନିଜସ୍ୱ ଢଙ୍ଗରେ ବୁଝେଇବାର ଯାଦୁ କଥାପଂକ୍ତି, ଗୀତିକାର ସୁର ଓ ନିଜ ସେବକ ଦଳ ମାନଙ୍କ ଦ୍ୱାରା ଜଗତର ନାଥ ଜଗନ୍ନାଥଙ୍କ ଗାଥା କୁ ପ୍ରସ୍ତୁତି କରିବାରେ ସଫଳ ହୋଇଥିଲେ l

ତାଙ୍କ ଲିଖିତ ଅନେକ ଜଗନ୍ନାଥ ପୁସ୍ତକ ଓ ମର୍ମ ବାଣୀ ଓଡିଶା ରେ ଚୀର ଜୀବନ୍ତ ହୋଇ ରହିବ ଏବଂ ତାଙ୍କ ସ୍ମୃତିରେ ନିକଟ ଭବିଷ୍ୟତରେ ଏକ ସ୍ୱତନ୍ତ୍ର ପୁସ୍ତକ ପ୍ରକାଶିତ କରାଯିବ ବୋଲି ପୁରୀ ଜିଲ୍ଲା ଚାରଣ ଦିବ୍ୟାନୁଷ୍ଠାନ ଘୋଷଣା କରିବା ସହ ଏହାକୁ  ସତ୍ୟରଞ୍ଜନ ମିଶ୍ର ଓ ସୂର୍ଯ୍ୟ ନାରାୟଣ ବେହେରା, ଶ୍ରୀମତୀ ମିଲୋନୀ ବେହେରା, ସ୍ବର୍ଗତ ଚାରଣ ରାମ ଦାସଙ୍କ ସହଧର୍ମିଣୀ ସୁଜାତା ବେହେରା, ପୁଅ କ୍ରିଷ୍ଣ ଦୀପାୟନ ସୁଶ୍ରୀ ପ୍ରାର୍ଥନା ବେହେରା, ଶ୍ରୀମତୀ ଜ୍ୟୋସ୍ନା ମିଶ୍ର, ଶ୍ରୀଯୁକ୍ତ ଜ୍ଞାନ ରଞ୍ଜନ ବେହେରା, ଶ୍ରୀମତୀ ଝରଣା ବେହେରା ଇତ୍ୟାଦି ଚାରଣ ରାମ ଦାସ ଙ୍କ ଜୟନ୍ତୀ ଓ ସ୍ମୃତି ସଭାକୁ ଆସନ୍ତା ଦିନ ମାନଙ୍କ ରେ ମହା ସମାହାରରେ ପାଳନ କରିବା ପାଇଁ ସହ ସମ୍ମତି ପ୍ରକାଶ କରିଥଲେ l ସ୍ମୃତି ସଭାକୁ  ଦିବ୍ୟ ଚାରଣ ସଂଘ ଗୋଷ୍ଠୀ ପରିଚାଳନା କରିଥିଲେ ll