16-May-2022

ବରଗଡ଼:-ବରଗଡ ଓ ବଲାଙ୍ଗିର ଜିଲ୍ଲାର ରେଳ ସମ୍ପର୍କିତ ସମାନ ସମସ୍ୟାକୁ ନେଇ ଆଜି ବରଗଡରେ ଉଭୟ ଜିଲ୍ଲା ର ରେଳ ଉପଭୋକ୍ତା ସଂଘର ପଦାଧିକାରୀମାନଙ୍କ ଏକ ସମନ୍ୱୟ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ବରଗଡ ରେଳ ଉପଭୋକ୍ତା ସଂଘର ସଭାପତି ପ୍ରଦୀପ ଦେବତା, ଉପସଭାପତି କୃଷ୍ଣ ଚନ୍ଦ୍ର ପଣ୍ଡା, ସର୍ଦ୍ଦାର ପ୍ରିତମ ସିଂହ ଓ ଶ୍ରୀମତୀ ଇନ୍ଦିରା ମହାନ୍ତି, ସମ୍ପାଦକ କମଳ ଯୋଷୀ ଓ ଯୁଗ୍ମ ସମ୍ପାଦକ କିଶୋର କୁମାର ରଥ ତଥା ବଲାଙ୍ଗିର ରେଳ ଉପଭୋକ୍ତା ସଂଘ ତରଫରୁ ସଭାପତି ତରୁଣ କୁମାର ମିଶ୍ର, ସମ୍ପାଦକ ନାରାୟଣ ପାଢୀ ଓ ଯୁଗ୍ମ ସମ୍ପାଦକ ଦିବାକର ହୋତା ଅଂଶଗ୍ରହଣ କରିଥିଲେ। ଆଜିର ଆଲୋଚନାର ମୁଖ୍ୟ ବିଷୟବସ୍ତୁ ଥିଲା ଏ‌ଇଯେ, ପ୍ରଥମତଃ ସମ୍ବଲପୁର-ପୁରୀ ଟ୍ରେନକୁ ଦୁଇ ରେକ ବିଶିଷ୍ଟ କରି ତଥା ପୁରୀରେ ରକ୍ଷଣାବେକ୍ଷଣ କରି ବଲାଙ୍ଗିର ପର୍ଯ୍ୟନ୍ତ ସମ୍ପ୍ରସାରଣ କରିବା, ଦ୍ୱିତୀୟତଃ ସପ୍ତାହରେ ତିନିଦିନ ଚାଲୁଥିବା ହୀରାକୁଦ ଏକ୍ସପ୍ରେସକୁ ଅବଶିଷ୍ଟ ଚାରିଦିନ ଟିଟିଲାଗଡ ଓ ସମ୍ବଲପୁର ଦେଇ ଚଳାଇବା, ତୃତୀୟତଃ ସମ୍ବଲପୁର-ଜାମୁତାୱି ଏକ୍ସପ୍ରେସକୁ ରାୟଗଡା ପର୍ଯ୍ୟନ୍ତ ସମ୍ପ୍ରସାରଣ କରିବା ଏବଂ ଚତୁର୍ଥତଃ ବିଲାସପୁରରେ ସାରନାଥ ଏକ୍ସପ୍ରେସ ସହ ଲିଙ୍କ କରିବାକୁ ବିଲାସପୁରରୁ ଝାରସୁଗୁଡା ଦେଇ ଟିଟିଲାଗଡ ପର୍ଯ୍ୟନ୍ତ ଏକ ଇଣ୍ଟରସିଟି ଚଳାଇବା।ଏ ପରିପ୍ରେକ୍ଷୀରେ ସଦସ୍ୟମାନେ ମତ ଦେଇଥିଲେ ଯେ, ଏହି ସମନ୍ୱୟ ସମିତିରେ ପଶ୍ଚିମ ଓଡିଶାର ଅନ୍ୟ ଅଞ୍ଚଳକୁ ମଧ୍ୟ ସାମିଲ କରି ଏହାର କାୟା ବିସ୍ତାର କରିବା ସହ ରେଳ ବିଭାଗର ଉଚ୍ଚ ଅଧିକାରୀମାନଙ୍କ ସହ ସାକ୍ଷାତ କରି ଆମର ନ୍ୟାର୍ଯ୍ୟ ଦାବୀଗୁଡିକ ପୂରଣ କରିବା ପାଇଁ ଚାପ ପ୍ରୟୋଗ କଲେ ସୁଫଳ ମିଳିବ ବୋଲି ନିଷ୍ପତ୍ତି ନିଆଯାଇଛି ।