16-May-2022

ପାଟଣାଗଡ଼ (ରୁପେନ୍ଦ୍ର ମୁଣ୍ଡା) - ଖପ୍ରାଖୋଲ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ଠାରେ ଖପ୍ରାଖୋଲ ବ୍ଲକ ସି.ଆର.ସି.ସି ପରିବାର ତରଫରୁ ନୂତନ ସିଆରସିସି ମାନଙ୍କୁ ସ୍ୱାଗତ ଓ କାର୍ଯ୍ୟକାଳ ପୂରିଯାଇଥିବା ସି.ଆର.ସି.ସି, ଓ ବି ଆର ସି ସି ଏବଂ ସ୍ଥାନାନ୍ତର ହୋଇଥିବା ଏ.ବି.ଓ ଙ୍କ ଉଦ୍ଦେଶ୍ୟ ରେ ବିଦାୟ ସମ୍ୱର୍ଦ୍ଧନା ସମାରୋହ ଅନୁଷ୍ଠିତ ହୋଇଯାଇଛି I ଏଇ ସମାରୋହ ରେ ଖପ୍ରାଖୋଲ ବ୍ଲକ ର ବି.ଆର ସି.ସି ତଥା ଏ ବି ଓ ଶ୍ରୀ ଯୁକ୍ତ ମିନିକେତନ ବରିହା ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ I କାର୍ଯ୍ୟକାଳ ପୂରିଯାଇଥିବା ସି.ଆର.ସି.ସିମାନଙ୍କ ମଧ୍ୟରେ ବାଘ ମୁଣ୍ଡ କେନ୍ଦ୍ର ସି.ଆର.ସି.ସି ତଥା ଖପ୍ରାଖୋଲ ବ୍ଲକ ସି.ଆର.ସି.ସି ସଂଘ ର ସଭାପତି ବନମାଳୀ ସାହୁ,ପଡ଼ିଆବାହାଲ ସି. ଆର. ସି. ସି. ଗୌରାଚରଣ ବାରିକ,

ଓଡ଼ିଆ ପାଲି କେନ୍ଦ୍ର ସି. ଆର. ସି. ସି ଶାନ୍ତନୁ କୁମାର ବାରିକ, ଧଣ୍ଡାମୁଣ୍ଡା କେନ୍ଦ୍ର ସି. ଆର. ସି. ସି ସରୋଜ କୁମାର ପାଣିଗ୍ରାହୀ, ଫୁଳକୀମୁଣ୍ଡା କେନ୍ଦ୍ର ସି. ଆର. ସି. ସି ଶଙ୍ଖଧର ମାଝୀ, ଭାନପୁର କେନ୍ଦ୍ର ସି. ଆର. ସି. ସି ବିଭୁତି ଭୂଷଣ ମେହେର ଆଦି ତଥାଅବସରପ୍ରାପ୍ତ ବି. ଆର. ସି. ସି. ତଥା ଏ. ବି. ଓ ଶ୍ରୀ ଯୁକ୍ତ ବୀରେନ୍ଦ୍ର କୁମାର ସାହୁ ଓ ସ୍ଥାନାନ୍ତର ହୋଇଥିବା ଏ. ବି. ଓ ଶ୍ରୀ ଯୁକ୍ତ ଶୁଭ୍ରାଂଶୁ ମୌଳି ପୁରୋହିତ ଙ୍କୁ ଉପଢୌକନ ଓ ମାନ ପତ୍ର ପ୍ରଦାନ କରି ବିଦାୟ ସମ୍ୱର୍ଦ୍ଧନା କରାଯାଇଥିଲା I ଏହା ସହ ନୂତନ ଭାବେ ଯୋଗ ଦେଇଥିବା ସି.ଆର.ସି.ସି ଯଥା - ପଞ୍ଚାନନ କରଣ, ଟୁନୁଶବର, ସତ୍ୟବ୍ରତ ବେହେରା, ବିଘ୍ନରାଜ ପ୍ରଧାନ, ସନାତନ ବାରିକ ଆଦିଙ୍କୁ ଉପଢୌକନ ଦେଇ ସ୍ୱାଗତ କରାଯାଇଥିଲା I ସମାରୋହରେ ପ୍ରତ୍ୟକ ନିଜ ନିଜ ଅଭିଭାଷଣ ପ୍ରଦାନ କରିଥିଲେ ଖପ୍ରାଖୋଲ ବ୍ଲକକୁ ଶିକ୍ଷାକ୍ଷେତ୍ରରେ ରାଜ୍ୟରେ ଆଗଧାଡିରେ ରଖିବାକୁ ଶ୍ରୀ ଯୁକ୍ତ ବରିହା ଆହ୍ୱାନ ଦେଇଥିଲେ I