15-May-2022

ବରଗଡ଼:-ବରଗଡ ଜିଲ୍ଲା  ସୋହେଲା ବ୍ଲକ ନିକଟସ୍ଥ ବନ୍ଦଲା ଗ୍ରାମରେ ପ୍ରତିମାସ ପରି ଚଳିତ ମାସ ମଧ୍ୟ ବୃଷ ସଂକ୍ରାନ୍ତି ଦିନ  ଭକ୍ତମାନଙ୍କ ଦ୍ୱାରା ଗ୍ରାମର ଭାଗବତ ଗୁଡ଼ି ଠାରେ ସଂକ୍ରାନ୍ତି ପୂଜନ ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଏହି ପୂଜନ ସମାରୋହ ରେ ଦୟାସାଗର ପାଣ୍ଡେ ଙ୍କ ପରିଚାଳନା ଏବଂ ଦିଲିପ ସାହୁଙ୍କ ସଂଯୋଜନା ରେ ଗ୍ରାମର ବିଶିଷ୍ଟ କଳାକାର ବିଶମ୍ବର ଷାଣ୍ଢ, ତବଲା ବାଦକ ତରଣୀ ବାରିକ ଏଵଂ ବନ୍ଦଲା ମହିଳା କୀର୍ତ୍ତନ ର ବିଶିଷ୍ଟ ଗାୟିକା ଦିପାଞ୍ଜଳୀ ଦାଶ ଭଜନ ପରିବେଷଣ କରିଥିଲ ।

 ସଂକ୍ରାନ୍ତି ପୂଜା ଅବସରରେ ପଦ୍ମପୁର ବୁବୁଡ଼ା ଗ୍ରାମ ର ବିଶିଷ୍ଟ ପ୍ରବଚକ ପରମେଶ୍ବର ଦାଶ ପୌରାଣିକ ଉପରେ ଆଧାରିତ ପ୍ରବଚନ କାର୍ଯ୍ୟକ୍ରମ ପରିବେଷଣ କରିଥିଲେ ।  ସମସ୍ତ ଗ୍ରାମବାସୀ ଉପସ୍ଥିତ ରହି ସଂକ୍ରାନ୍ତି ଭକ୍ତମାନଙ୍କ ଦ୍ୱାରା ଅନ୍ନ ଭୋଗ ପ୍ରସାଦ ସେବନ କରାଯାଇଥିଲା