15-May-2022

ନାକଟିଦେଉଳ(କନ୍ଦର୍ପ ବେହେରା)-ଦୁଇ ଦିନ ହେଲା କାଳ ବୈଶାଖିରେ ନାକଟିଦେଉଳ ବ୍ଲକ୍ ର ଗୋଗୁଆ ପଂଚାୟତର ଗାଁ ମାନଙ୍କରେ ବ୍ୟାପକ କ୍ଷୟକ୍ଷତି ହୋଇଥିବା ଖବର ହସ୍ତଗତ ହୋଇଛି । 
 ଖବରରୁ ପ୍ରକାଶ ଯେ , ନାକଟିଦେଉଳ ବ୍ଲକ୍ ଗୋଗୁଆ ପଂଚାୟତର ଖୋଲଗଡ , ମଙ୍ଗଳପୁର ଗ୍ରାମରେ କାଳବୈଶାଖି ଯୋଗୁଁ ବହୁ ଜଣଙ୍କର ଆଜବେଷ୍ଟସ୍ ଛାତ ଉଡିଯାଇ ବ୍ୟାପକ ନଷ୍ଟ ହୋଇଛି । ଖୋଲଗଡ ଗ୍ରାମର ଅନିରୁଦ୍ଧ ବେହେରା , ସାରଥି ମହାପାତ୍ର , ଶମ୍ବୁ ରାଉତ , ଗିରୀଧାରୀ ବେହେରା , ନୀଳାଦ୍ରୀ ସେଠି , ନରହରି ସେଠୀ ଆଦି ବ୍ୟକ୍ତିଙ୍କର ଆଜବେଷ୍ଟସ୍ ଉଡି ଯାଇଥିବା ଜଣା ପଡିଛି । ଏପରିକି ବିଦ୍ୟୁତ୍ ଖୁମ୍ବ ମଧ୍ୟ କାଳ ବୈଶାଖିରେ

ଧରାସାୟୀ ହୋଇ ପଡିଥିବାରୁ ବିଦ୍ୟୁତ୍ ସରୋବରାହରେ ବାଧା ପ୍ରାପ୍ତ ହୋଇଛି । ଶିବ ମନ୍ଦିର ନିକଟରେ ମଧ୍ୟ ଆମ୍ବ , କଦଳୀ ଆଦି କାଳ ବୈଶାଖିରେ ଭାଙ୍ଗି ଯାଇଛି । ଗୋଗୁଆ ସରପଂଚ ଧନେଶ୍ୱର ସାହୁ ଖୋଲଗଡ ଗ୍ରାମକୁ ଯାଇ କ୍ଷତିଗ୍ରସ୍ତ ବ୍ୟକ୍ତିଙ୍କୁ ଭେଟିବା ସହ ନାକଟିଦେଉଳ ବିଡିଓ ଏବଂ ନାକଟିଦେଉଳ ତହସିଲ୍‌ଦାରଙ୍କୁ ଏହାର ତଦନ୍ତ କରି କ୍ଷତିଗ୍ରସ୍ତ ବ୍ୟକ୍ତି ମାନଙ୍କୁ ସରକାରଙ୍କ ତରଫରୁ ମିଳୁଥିବା ଆବଶ୍ୟକ ସହଯୋଗ ପ୍ରଦାନ କରିବାକୁ ଦାବି କରିଛନ୍ତି ।