03-May-2022

ସୁବର୍ଣ୍ଣପୁର/! କିଛି ବର୍ଷ ପୂର୍ଵ ରୁ ସୁବର୍ଣ୍ଣପୁର ସହର ରେ ପ୍ରବଳ ଖରା ଯୋଗୁଁ  ପରିବେଶ ଏତେ ଉତ୍ତପ୍ତ ରହୁଛି ଯେ ଜନ ଜୀବନ ଅସ୍ତ ବ୍ୟସ୍ତ  ହୋଇ ପଡୁଛି l ବିଗତ ଅପ୍ରେଲ ମାସ ରୁ ଆଜି ସୁଦ୍ଧା 40 ରୁ 46 ଡିଗ୍ରୀ ଯାଏ  ଟେମ୍ପରେଚର  ରହୁ ଥିବାରୁ  ଦିନ 11  ଟା ରୁ  5 ଟା ଯାଏ ପୁରା କର୍ଫିୟୁ ଜାରି ହେଲା ଭଳିଆ ସହର ଶୂନଶାନ ରହୁଛି l ଯେଉଁଥି ପାଈଁ କି ଜ଼ିଲ୍ଲା ପ୍ରଶାସନ ତଥା  ସହର ବୁଦ୍ଧିଜୀବୀ ଏବେ ଚିନ୍ତା ରେ l ଏବଂ ଏହାର ପ୍ରତିକାର ପାଇଁ ବିଭିନ୍ନ ସମୀକ୍ଷା  କରୁଥିବା ଦେଖା ଦେଇଛି l ଦୀର୍ଘ ବର୍ଷ ପୂର୍ବରୁ ବଲାଙ୍ଗୀର ଜ଼ିଲ୍ଲା ଟିଟିଲାଗଡ଼ ସହର କୁ ଯେମିତି ତତଲାଗଡ଼ ବୋଲି କୁହା ଯାଉଥିଲା l ଠିକ ସେହି ଭଳି ରାଜ୍ୟ ତଥା ଦେଶରେ ଏ ବର୍ଷ ସୁବର୍ଣ୍ଣପୁର ଜ଼ିଲ୍ଲା ର ଉତ୍ତାପ ସବୁଠୁ ଆଗରେ ରହି ଆସୁଥିବାରୁ  ବର୍ତମାନ ଜ଼ିଲ୍ଲା ତଥା ପାଖ ପଡିଶା ଜ଼ିଲ୍ଲା  ଲୋକେ *ସୋନପୁର କୁ ସନପୁର sun pur* ବୋଲି କହୁଛନ୍ତି l ଚାରି ପଟେ ଘେରି  ଥିବା ମହାନଦୀ ତେଲ ନଦୀ ର  ଜଳ ଭାଗ କମିବା ରୁ ଉତ୍ତପ୍ତ ବାଲି ପଥର, ଜନ ସଂଖ୍ୟା ତୁଳନା ରେ ବୃକ୍ଷ ରୋପଣ ର ଅଭାବ, ଲୋକଙ୍କ ସହରାଭିମୁଖୀ ନିଶା ଓ କୋଠା ଘର ର ନିର୍ମାଣ, ରାସ୍ତା କଂକ୍ରିଟ କରଣ, ଅନାବଶ୍ୟକ ସମୟରେ ଯାନ ବାହନ ର ବହୁଳ ବ୍ୟବହାର, ସୁଖ ସ୍ଵାଛନ୍ଦ୍ୟ  ପାଇଁ ଏସି ର ବହୁଳ ବ୍ୟବହାର, ମାଙ୍କଡ଼ ବିହା ନାଁ ରେ ଜଙ୍ଗଲ ପୋଡି, ରାସ୍ତା ପ୍ରଶସ୍ତି କରଣ ନାଁ ରେ ଏବଂ  ବାଇ ପାସ ଫୋରଲେନ  ରାସ୍ତା  ନିର୍ମାଣ  ପାଇଁ ଜବର ଦଖଲ ଉଛେଦ କୁ  ଗୁରୁତ୍ୱ କମ  ଓ ଗଛ କଟା କୁ 

ବେଶୀ ଗୁରୁତ୍ୱ  ଦେବା ଭଳି ଘଟଣା  ଆଜି ସହର ରେ ଉତ୍ତାପ ବଢିବା ରେ ଖୋରାକ ଯୋଗାଇଛି  l ଆମେ ନିଜ ଗୋଡ଼ ରେ ନିଜେ କୁରାଢ଼ୀ ମାରି ଏବେ କେବଳ  ଅନୁତାପ ଓ ଆଲୋଚନା ସମାଲୋଚନା କରୁଛୁ l ଏବେ  ପବ୍ଲିକ ଓ ପ୍ରଶାସନ ସାମୁହିକ ଭାବେ ମିଶି ବ୍ୟାପକ ବୃକ୍ଷ ରୋପଣ ଓ ଜନ ସଚେତନତା କରିବା ସହିତ ଜଙ୍ଗଲ,ନଦୀ, ପାଣି, ପବନ, ସମଗ୍ର ପରିବେଶ ର ସୁରକ୍ଷା କରିବା ହିଁ  ଏହାର ଏକ ମାତ୍ର ସମାଧାନ ର ବାଟ l ନ ହେଲେ ଆଗାମୀ ଦିନ ରେ ଶୁଖିଲା ମରୁଭୂମି ପାଲଟିବା କିଛି ଅସମ୍ଭବ ନୁହେଁ l