01-Oct-2020

ସୋନପୁର,ଠ୧/୧୦(ନି.ପ୍ର): କରୋନା ମହାମାରୀକୁ ଦୃଷ୍ଟିରେ ରଖି ସୋନପୁର କଲେଜ ସଂସ୍କୃତ ବିଭାଗ ଅନୁକୂଲ୍ୟରେ ତଥା ଆଇକ୍ୟୁଏସ୍‌ସି ସହଯୋଗରେ କଲେଜରେ ୱେବିନାର ଅନୁଷ୍ଠିତ ହୋଇଯାଇଛି । ନିୟୋଜନଦାତ୍ରୀ ସଂସ୍କୃତ ଭାଷା ବିଷୟବସ୍ତୁ ଉପରେ ଆୟୋଜିତ ଏହି ଅନ୍‌ଲାଇନ୍ ସେମିନାରରେ ବିଭାଗର ମୁଖ୍ୟ ଭାଗିରଥୀ ମହାପାତ୍ର ଉପସ୍ଥିତ ରହି ଅତିଥି ଓ ବକ୍ତା ମାନଙ୍କୁ ସ୍ୱାଗତ ଜଣାଇଥିଲେ । ମହାବିଦୟାଳୟର ଅଧ୍ୟକ୍ଷ ପ୍ରଫେସର ତରୁଣ କୁମାର ମିଶ୍ର ଉଦ୍‌ଘାଟନୀ ଭାଷଣ ପ୍ରଦାନ କରିଥିଲେ । ମୁଖ୍ୟ ଅତିଥି ଭାବରେ ସର୍ବଭାରତୀୟ ଲୋକ ଭାଷା ପ୍ରଚାର ସମିତିର ସଭାପତି ଡ. ସଦାନନ୍ଦ ଦୀକ୍ଷିତ ଓ ମୁଖ୍ୟ ବକ୍ତା ଡ. ବିଶ୍ୱଜିତ ବିଦ୍ୟାଲଙ୍କାର(ମୁଙ୍ଗେର ବିଶ୍ୱବିଦ୍ୟାଳୟ, ବିହାର)ବକ୍ତବ୍ୟ ରଖିଥିଲେ । ପୂର୍ବତନ ବିଭାଗ ମୁଖ୍ୟ ଭାସ୍କର ପ୍ରସାଦ ମିଶ୍ର ଅନ୍ୟତମ ଅତିଥି ଭାବେ ଯୋଗ ଦେଇଥିଲେ । ବିଭିନ୍ନ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟର ଶତାଧିକ ବିଦ୍ୟାର୍ଥୀ ଏହି ୱେବିନାରରେ ଅଂଶଗ୍ରହଣ କରିଥିଲେ । ବିଭାଗୀୟ ଅଧ୍ୟାପକ ଡ. କୈଳାଶ ଚାନ୍ଦ ସଭା ସଞ୍ଚଳନ କରିଥିଲେ ।   ଆଇକ୍ୟୁଏସ୍‌ସ ସଂଯୋଜକ  ଅଶ୍ୱିନୀ କୁମାର ହୋତା ଧନ୍ୟବାଦ ଦେଇଥିଲେ ।