07-Apr-2022

ବିନିକା(ହିମାଂଶୁ ଶେଖର ପୁଟେଲ) ଥରେ ନୁହେଁ କି ଦୁଇଥର ନୁହେଁ ଲଗାତାର ୩ଥର ଉପାଧ୍ୟକ୍ଷ ହୋଇ ହ୍ୟାଟ୍ରିକ ଅର୍ଜନ କରିବା ପରେ ପୁଣିଥରେ ନୂଆଁ ଇନିଂସ ଆରମ୍ଭ କରିଛନ୍ତି ତପସ୍ଵିନୀ ମେହେର ।ବିନିକା ଏନଏସି ୧୨ନଂ ୱାର୍ଡର ବିଜେଡ଼ି ବିଜୟୀ ପ୍ରାର୍ଥୀନୀ ତପସ୍ଵିନୀ ଆଜି ନିର୍ଦ୍ଵନ୍ଦରେ ବିନିକା ଏନଏସି ଉପାଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି ।ତାଙ୍କର ଏହି ସଫଳତା ପାଇଁ ମାନ୍ୟବର ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କୁ ଶ୍ରେୟ ଦେଇଥିବା ବେଳେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ,ପୌର ପରିଷଦର ସମସ୍ତ କାଉନସିଲର,ବିଜୁ ଜନତା ଦଳର କର୍ମୀ,ବିଜ୍ଞାପିତ ପରିଷଦ ବାସୀଙ୍କୁ ଧନ୍ୟବାଦ ଦେଇଛନ୍ତି ।ସୂଚନା ଯୋଗ୍ୟ ଯେ ୨୦୦୩-୦୮ପୌର ପରିଷଦ ନିର୍ବାଚନରେ ତପସ୍ଵିନୀ ପ୍ରଥମେ ବିନିକା ୭ନଂ ୱାର୍ଡରୁ ସ୍ଵାଧୀନ କାଉନସିଲର ପ୍ରାର୍ଥୀନୀ ଭାବେ ବିଜୟୀ ହୋଇଥିଲେ। ପରେ ପରେ ୨୦୦୮-୧୩ ନିର୍ବାଚନରେ ୮ନଂ ୱାର୍ଡରୁ,୨୦୧୩-୧୮ ନିର୍ବାଚନରେ ୧୨ନଂ ୱାର୍ଡରୁ ବିଜୟୀ ହୋଇ ଲଗାତାର ୩ଥର ଯାକ ଉପାଧ୍ୟକ୍ଷ ଭାବେ ଦାୟିତ୍ଵ ତୁଲାଇଥିଵାରୁ ପୁଣି ୨୦୨୨  ନିର୍ବାଚନରେ ୧୨ନଂ ୱାର୍ଡରୁ ବିଜୟୀ ହୋଇଥିବା ତପସ୍ଵିନୀଙ୍କ ଅଭିଜ୍ଞତାକୁ ଦୃଷ୍ଟିରେ ରଖି ଉପାଧ୍ୟକ୍ଷ ପଦରେ ଅଳଙ୍କୃତ ହୋଇଥିବା ଜଣାପଡିଛି ।ତେବେ ଏହି ପଦ ମିଳିବା ପରେ ଶ୍ରୀମତୀ ତପସ୍ଵିନୀ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିଭିନ୍ନ ଲୋକାଭିମୁଖୀ ଯୋଜନାକୁ ସଫଳତାର ସହ କାର୍ଯ୍ୟକାରୀ କରିବା ଦିଗରେ,ବିନିକା ବିଜ୍ଞାପିତ ଅଞ୍ଚଳ ପରିଷଦର ବିକାଶର ଅଗ୍ରଗତି ଦିଗରେ ଏବଂ ଅଞ୍ଚଳବାସୀଙ୍କ ସ୍ବପ୍ନ ବିନିକାକୁ ସବ ଡିଭିଜନ ମାନ୍ୟତା ପ୍ରଦାନ ଦିଗରେ ଦାବି କରିବା ସହ ସଂଗ୍ରାମ ଜାରି ରଖିବେ ବୋଲି ଶ୍ରୀମତୀ ତପସ୍ଵିନୀ ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି । ।