25-Mar-2022

ବଲାଙ୍ଗିର(ପ୍ରେରଣା ଖବର) ସ୍ଥାନୀୟ ଯାଦବ ଭବନ ଠାରେ ବଲାଙ୍ଗିର ଜିଲ୍ଲା ଇଉନାଟେଡ୍ ଅଫ୍ ବଲାଙ୍ଗିର ର ଅଧ୍ୟକ୍ଷ ବିଭୁଦତ୍ତ ମିଶ୍ରଙ୍କ ନେତୃତ୍ୱରେ ଆଗାମୀ ମାର୍ଚ୍ଚ ୨୮, ୨୯, ଭାରତ ବର୍ଷର କେନ୍ଦ୍ରିୟ ଶ୍ରମିକ ମିଳିତ ମଂଚର ଡାକରାରେ ହେବାକୁ ଥିବା ଦୁଇ ଦିନିଆ ଧର୍ମଘଟକୁ ବଲାଙ୍ଗିର ଜିଲ୍ଲା ରେ ସଫଳ ରୂପ ନେବା ପାଇଁ ଜିଲ୍ଲାର ବିଭିନ୍ନ ଶ୍ରମିକ ସଂଗଠନ ଓ କୃଷକ ସଂଗଠନମାନଙ୍କୁ ନେଇ ଏକ ମିଳିତ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ଜିଲ୍ଲା ରାଷ୍ଟ୍ରୀୟ ମଜଦୁର କଂଗ୍ରେସ ସଭାପତି କୃଷ୍ଣଚନ୍ଦ୍ର ସାହୁ ଯୋଗ ଦେଇ ଭାରତ ସରକାରଙ୍କ ଭୁଲ ଅର୍ଥନିତୀ ଓ ବିମୁଦ୍ରିକରଣ ଯୋଗୁଁ ଆଜି ଦରଦାମ ବୃଦ୍ଧି ଓ ବେରୋଜଗାରୀ ମହାମାରି ରୂପ ଧାରଣ କରିଥିବା ବେଳେ ସରକାରୀ ଉଦ୍ୟୋଗ ର ଘରକରଣ ଓ ଚାଷ ତଥା ଚାଷୀ ବିରୋଧି ଏବଂ ଶ୍ରମ ତଥା ଶ୍ରମିକ ବିରୋଧି ନିତି ଯୋଗୁଁ ସମ୍ପୁର୍ଣ୍ଣ ଅର୍ଥନିତି ଭୁଷୁଡି ପଡିଥିବା ଯୋଗୁଁ କର୍ମନିଯୁକ୍ତି ସୃଷ୍ଟି କରିବାରେ ସରକାର ବିଫଳ ହୋଇଥିବା ଦର୍ଶାଇଥିଲେ । ଫଳରେ ଭାରତ ବର୍ଷର ସମସ୍ତ ଶ୍ରମିକ କୃଷକ ସଂଗଠନ ଏକତ୍ରିତ ହୋଇ ଆନ୍ଦୋଳନ କୁ ସଫଳ କରିବାକୁ ଆହ୍ୱାନ ଦେଇଥିଲେ । ଏହି ସଭାରେ ଯୁବକ କୃଷକ ନେତା ଆକାଶ କୁମାର ମିଶ୍ର, ପଶ୍ଚିମ ଓଡିଶା ବିଜୁଳି କର୍ମଚାରୀ ସଂଘ ସଭାପତି ମନୋରଞ୍ଜନ ସାହୁ, କୃଷକ ନେତା ଅରୁଣ ସାହୁ, ଅବସରପ୍ରାପ୍ତ ସୈାନିକ ସଂଘ ନେତା ବିଭୁତି ଭୂଷଣ ପାଣିଗ୍ରାହୀ, ନିଖିଳ ଉତ୍କଳ ଗ୍ରାମିଣ ଚାଷୀ ମୁଲିଆ ସଂଘର ନେତା ପ୍ରେମାନନ୍ଦ ଭୋଇ, କଂଗ୍ରେସ ନେତା ବିଧୂଭୂଷଣ ତ୍ରିପାଠୀ, ଅନଙ୍ଗ ଠାକୁର, ଚାଷୀ ନେତା ମଧୁ ସୁଦନ କ୍ଷେତୀ, ଆଶା କର୍ମୀ ସଂଘ ସଭାପତି ତିର୍ଥ ପ୍ରଧାନ, ସିଟିୟୁସିର ସୁନିଲ ଭୋଇ, ଜିଲ୍ଲା ଆଶାକର୍ମୀ ସଂଘରୁ ଦିଲିପ ଭୋଇ, ଯଶୋବନ୍ତି ବେହେରା, ଉର୍ମି ଗୁପ୍ତା, ଉଜଳି ମେହେର, ସରସ୍ୱତୀ ଶର୍ମା ପାଚିକା ସଂଘର ଜଗବନ୍ଧୁ ବେହେରା ପ୍ରମୁଖ ଯୋଗଦାନ କରିଥିଲେ ।