08-Mar-2022

ବିନିକା(ହିମାଂଶୁ ଶେଖର ପୁଟେଲ) ସୋମବାର ସନ୍ଧ୍ୟା ପର୍ଯ୍ୟନ୍ତ ଥିଲା ପୌର ନିର୍ବାଚନରେ ନାମାଙ୍କନ ପତ୍ର ଦାଖଲ କରିବାର ଶେଷଦିନ । ଏହି ଶେଷଦିନରେ ବିଜେଡ଼ି ଓ ବିଜେପି ପୃଥକ ପୃଥକ ଭାବରେ ନିଜର ଦକ୍ଷତା  ଭୋଟର ତଥା ସହର ବାସୀଙ୍କ ଆଗରେ ପ୍ରଦର୍ଶନ କରିଥିବା ବେଳେ ଜାତୀୟ କଂଗ୍ରେସ ଦଳ ତରଫରୁ ସେମିତି ଦେଖାଯାଇ ନଥିଲା । ୧୨ୱାର୍ଡ ବିଶିଷ୍ଟ ବିନିକା ଏନଏସିର ସମସ୍ତ ୱାର୍ଡରେ ବିଜେଡ଼ି ଓ ବିଜେପି ପ୍ରାର୍ଥୀ ଦେଇଥିବା ବେଳେ ଜାତୀୟ କଂଗ୍ରେସ ଦଳ ମାତ୍ର ୪ଗୋଟି ୱାର୍ଡରେ ପ୍ରତିଦ୍ବନ୍ଦିତା କରୁଛନ୍ତି ।ତେବେ ଆଜି ଶେଷ ଦିନରେ ସ୍ଥାନୀୟ ମାତାମଠ ମନ୍ଦିର ଠାରୁ ଏକ ବିରାଟ ଶୋଭାଯାତ୍ରାରେ ବିଜେଡ଼ିର ଅଧ୍ୟକ୍ଷ ପ୍ରାର୍ଥୀଙ୍କ ସହ ସମସ୍ତ ୱାର୍ଡର ପ୍ରାର୍ଥୀ,ମାନ୍ୟବର ପରିବହନ ମନ୍ତ୍ରୀ ପଦ୍ମନାଭ ବେହେରା,ନିର୍ବାଚିତ ଜିଲ୍ଲାପରିଷଦ ସଦସ୍ୟ,ନଗର ସଭାପତି ସୋମନାଥ ମିଶ୍ର,ବ୍ଳକ ସଭାପତି ଦ୍ବାରିକାନାଥ ସାହୁ, ବରିଷ୍ଠ ନେତା ରଞ୍ଜନ ମିଶ୍ର,ବିହାରୀ ମିଶ୍ର,ରଞ୍ଜିତ ରଥ,ପୀତବାସ

ମେହେର,ହୃଷୀକେଶ ପଣ୍ଡା ପ୍ରମୁଖଙ୍କ ସମେତ ପ୍ରାର୍ଥୀ/ପ୍ରାର୍ଥୀନୀଙ୍କୁ ସମର୍ଥନ ଦେଉଥିବା ବିଭିନ୍ନ ୱାର୍ଡର ଶହ ଶହ ମହିଳା ଜିନ୍ଦାବାଦ ଧ୍ବନି ଦେଇ ସହର ପରିକ୍ରମା କରି ସ୍ଥାନୀୟ ଏନଏସି କାର୍ଯ୍ୟାଳୟକୁ ଆସିଥିଲେ ।ବିଜେଡ଼ି ଦଳରୁ ଅଧ୍ୟକ୍ଷ ଭାବେ ସୁବାସ ଭୋଇ,୧ନଂ ୱାର୍ଡର କାଉନସିଲର ଭାବେ କଳ୍ପନା ଦୀପ,୨ନଂ ୱାର୍ଡରେ ବୈରାଗୀ ପ୍ରଧାନ,୩ନଂରେ କୁନି ଚିର୍ଗୁନ,୪ନଂରେ ଜିତେନ୍ଦ୍ର ମଲ୍ଲିକ,୫ନଂରେ ପ୍ରତିମା ଦୀପ,୬ନଂରେ ବିଜୟ ବରାଇ,୭ନଂରେ ରେଣୁକା ବରାଇ,୮ନଂରେ ପ୍ରଦୀପ ବାଘ,୯ନଂରେ ବୈୟଜନ୍ତି କଟୁଆଳ,୧୦ନଂରେ ଆଶାରାଣୀ ପଣ୍ଡା,୧୧ନଂରେ ବିକାଶ କର୍ଣ୍ଣ,୧୨ନଂରେ ପୂର୍ବତନ ଉପାଧ୍ୟକ୍ଷା ତପସ୍ଵିନୀ ମେହେର ପ୍ରମୁଖ ପ୍ରାର୍ଥୀ/ପ୍ରାର୍ଥୀନୀ ମାନେ ନାମାଙ୍କନ ପତ୍ର ଦାଖଲ କରିଥିଲେ ।ସେହିପରି ଜାତୀୟ ଦଳ ବିଜେପି ତରଫରୁ ମଧ୍ୟ ସ୍ଥାନୀୟ ଯୋଗେଶ୍ୱର ମନ୍ଦିର ଠାରୁ ଏକ ଶୋଭାଯାତ୍ରା ଅନୁଷ୍ଟିତ ହୋଇଥିଲା ।ଏଥିରେ ବିନିକା ପ୍ରଭାରୀ ବିଶ୍ବମ୍ବର ମିଶ୍ର,ବିଜୟ ମହାକୁର,ବାବୁଳୁ ବିଶି,ରଘୁନାଥ ଜଗଦଲା,ଆଇନଜୀବୀ ପ୍ରଶାନ୍ତ ଦଣ୍ଡସନା,ସମ୍ବିତ ନେପାକଙ୍କ ସମେତ ପ୍ରାର୍ଥୀ/ପ୍ରାର୍ଥୀନୀ,ବିଜେପି କର୍ମୀ ସାମିଲ ହୋଇ ଜିନ୍ଦାବାଦ ଧ୍ୱନି ଦେଇ ଏନଏସି କାର୍ଯ୍ୟାଳୟକୁ ଆସିଥିଲେ ।ସେଠାରେ ଦଳ ପକ୍ଷରୁ ଚେୟାରମେନ ପ୍ରାର୍ଥୀ ବିଶ୍ଵାମିତ୍ର ଭୁଏଙ୍କ ସହ ୧ନଂ ୱାର୍ଡର କାଉନସିଲର ପ୍ରାର୍ଥୀ ମମତା ସେଠୀ,୨ନଂରେ ରାଜ କୁମାର ସେବକ,୩ନଂରେ ସସ୍ମିତା ବିଶ୍ଵାଳ,୪ନଂରେ ଟିକୁନ

ମହାଳୀଙ୍ଗ,୫ନଂରେ ଗୋପାଳ କୃଷ୍ଣ ମହାଲିଙ୍ଗ,୬ନଂରେ ସନ୍ତୋଷ ଅଗ୍ରୱାଲ,୭ନଂରେ ସୁରପ୍ରିୟା ନେପାକ,୮ନଂରେ ନାରାୟଣ ନାଏକ,୯ନଂରେ ପିଙ୍କି ସେଠୀ,୧୦ନଂରେ ବନିତା ବାଘ,୧୧ନଂରେ ପ୍ରଫୁଲ୍ଲ ବଘାର,୧୨ନଂରେ ଚନ୍ଦ୍ରମା ଅଗ୍ରୱାଲ ପ୍ରମୁଖ ନିର୍ବାଚନ ଅଧିକାରୀଙ୍କ ଠାରେ ପ୍ରାର୍ଥୀପତ୍ର ଦାଖଲ କରିଥିଲେ । ସେହିପରି କଂଗ୍ରେସ ଦଳର ବରିଷ୍ଠ ନେତା ସନ୍ତୋଷ ପଣ୍ଡା,ନରେନ୍ଦ୍ର ସାହୁ,ନରେନ୍ଦ୍ର ପଣ୍ଡା,ପ୍ରଦୀପ ସେଠୀ,ରାଘବ ଦାସଙ୍କ ନେତୃତ୍ୱରେ ବହୁ କଂଗ୍ରେସ ନେତାଙ୍କ ଉପସ୍ଥିତିରେ ନଗରପାଳ ପ୍ରାର୍ଥୀ ଅନିଲ କୁମାର ନାଏକ,୪ନଂ ୱାର୍ଡର କାଉନସିଲର ପ୍ରାର୍ଥୀ ଗୋବିନ୍ଦା ଝାଙ୍କର,୫ନଂରେ ବିରବଳ ବେହେରା,୬ନଂରେ ଉମାକାନ୍ତ ଦୀପ,୧୨ନଂରେ ସୁଦାମ ଭୋଇ  ପ୍ରମୁଖ ତାଙ୍କର ନାମାଙ୍କନ ପତ୍ର ନିର୍ବାଚନ ଅଧିକାରୀଙ୍କ ଠାରେ ଦାଖଲ କରିଥିଲେ ।ସେହିପରି ଏନଏସିର ଅଧ୍ୟକ୍ଷ ପଦ ପାଇଁ ସ୍ଵାଧୀନ ପ୍ରାର୍ଥୀ ଭାବେ କରଣଜିତ ଭୋଇ,କର୍ଣ୍ଣ ମୁଣ୍ଡା ଏବଂ କାଉନସିଲର ସ୍ଵାଧୀନ ପ୍ରାର୍ଥୀ ଭାବେ ୪ନଂ ୱାର୍ଡରେ ଗୋପାଳ ମହାନ୍ତି,୫ନଂରେ ଗୁରୁବାରି ସେଠ,୧୦ନଂରେ ପୂର୍ଣ୍ଣିମା ବାଘ,୧୧ନଂରେ ଦେବେନ୍ଦ୍ର ଜଗଦଲା,୧ନଂ ୱାର୍ଡରେ ବିଏସପିର ରାଧାରାଣୀ ବାଘ ପ୍ରମୁଖ ପ୍ରାର୍ଥୀପତ୍ର ଦାଖଲ କରିଛନ୍ତି ।ତେବେ ଦେଖିବାକୁ ବାକି ରହିଲା ନାମାଙ୍କନ ଯାଞ୍ଚ ପ୍ରକ୍ରିୟାରେ କିଏ କିଏ ବାଦ ପଡ଼ୁଛନ୍ତି ।