06-Mar-2022

ନୟାଗଡ, (ପ୍ରଦୀପ କୁମାର ପଣ୍ଡା)//ଓଡ଼ଗାଁ ଏନ୍ ଏସି ଅନ୍ତର୍ଗତ ଦଲକ ମୌଜା ଗୟଳସିଂ ଠାକୁରାଣୀ ମନ୍ଦିର ନିକଟରେ ପ୍ରଭୁ ଶ୍ରୀରଘୁନାଥଜିଉଙ୍କ ନାମରେ ରହିଥିବା ଜମିକୁ ଦଖଲରେ ଥିବା ଲୋକମାନଙ୍କୁ ବିକ୍ରୟ ପାଇଁ ଏକ କମିଟି ମାଧ୍ୟମରେ ମୂଲ୍ୟ ନିର୍ଦ୍ଧାରଣ କରିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ନୟାଗଡ଼ ଉପଜିଲ୍ଲାପାଳ ତଥା ଦେବୋତ୍ତର ନିର୍ବାହୀ ଅଧିକାରୀ ଜମିର ବର୍ତ୍ତମାନ ବଜାର ମୂଲ୍ୟ ନିର୍ଦ୍ଧାରଣ ପାଇଁ ଆସନ୍ତା ୮ ତାରିଖ ପୂର୍ବାହ୍ନ ୧୧ଟା ସମୟରେ ନିଜ କାର୍ଯ୍ୟାଳୟରେ ଏକ ବୈଠକ ଡାକିଛନ୍ତି। ଏଥିରେ ଓଡ଼ଗାଁ ତହସିଲଦାର, ସବ ରେଜିଷ୍ଟ୍ରାର, କାର୍ଯ୍ୟନିର୍ବାହୀ ଅଧିକାରୀ ବିଜ୍ଞାପିତ ଅଞ୍ଚଳ ପରିଷଦ (ଏନ୍‌ଏସି) ଓଡ଼ଗାଁ, ଓଡ଼ିଶା ଏଣ୍ଡାଓମେଣ୍ଟ ପ୍ରତିନିଧି ଦେବୋତ୍ତର ମ୍ୟାନେଜର ନୟାଗଡ଼, ମୂଲ୍ୟାୟନ କମିଟି ସଦସ୍ୟ ଆଇନଜୀବୀ ଗୋବିନ୍ଦ ଚନ୍ଦ୍ର ସାହୁ, ସଭାପତି ରଘୁନାଥ ପୂଜକ ପରିଷଦ ଏବଂ ରଘୁନାଥ ସୁଆର ସେବକ ପରିଷଦ ଅଂଶଗ୍ରହଣ କରିବା ପାଇଁ ଉପଜିଲ୍ଲାପାଳଙ୍କ କାର୍ଯ୍ୟାଳୟ ଚିଠି ସଂଖ୍ୟା ୨୨୩ (୩.୩.୨୦୨୨) ରିଖ ଅନୁସାରେ ଅବଗତ କରାଯାଇଛି।