04-Mar-2022

ପଦ୍ମପୁର:(ନିରଞ୍ଜନ ତ୍ରିପାଠୀ) ପାଇକମାଲ ବ୍ଲକ ର ଏକମାତ୍ର  ବାଳିକା ଉଚ୍ଚ ବିଦ୍ୟାଳୟ ଦୀର୍ଘ  ବର୍ଷ ଧରି ଶିକ୍ଷକ, ଶିକ୍ଷୟତ୍ରୀ ଏବଂ ଅଭିଭାବକ ମାନଙ୍କ ଆପ୍ରାଣ ପ୍ରଚେଷ୍ଟା ଫଳରେ ଛାତ୍ରୀ ମାନେ ବିଭିନ୍ନ କ୍ଷେତ୍ର ରେ କୃତିତ୍ୱ ଅର୍ଜନ କରୁଛନ୍ତିl ମେଧାବୀ ଛାତ୍ରୀ ଙ୍କ ମଧ୍ୟ ରେ ଉତ୍ସାହ ସୃଷ୍ଟି କରିବା ଉଦ୍ଦେଶ୍ୟରେ ରେ ଦଶମ ଶ୍ରେଣୀ ଛାତ୍ରୀ ଙ୍କୁ ବିଦ୍ୟାଳୟ ସ୍ତର ରେ"ଉଜ୍ୱଳ ତାରକା " ତିଆରି କରାଯାଇଛି l ଜାତୀୟ ଗ୍ରାମୀଣ ମେଧାବୃତ୍ତି ପରୀକ୍ଷା ରେ ଦୁଇ ଜଣ ଛାତ୍ରୀ ଅଙ୍କିତା ପ୍ରିୟଦର୍ଶିନୀ ମହାରଣା ଏବଂ ରୋଜି ସା କୃତିତ୍ୱ ଅର୍ଜନ କରିଛନ୍ତି l ଏହି ଅବସରରେ ପ୍ରଧାନ ଶିକ୍ଷକ ସୁଶାନ୍ତ କୁମାର ପଣ୍ଡାଙ୍କ ସଭାପତିତ୍ବରେ ଶୁକ୍ରବାର ଦିନ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇ ଥିଲା l ଉକ୍ତ ସଭାରେ ଜାତୀୟ ମେଧାବୃତ୍ତି ପରୀକ୍ଷାରେ କୃତିତ୍ବ ହାସଲ କରିଥିବା

ଦୁଇ ଛାତ୍ରୀ ଙ୍କୁ ପୁଷ୍ପଗୁଚ୍ଛ ସହ  ଟ୍ରଫି ଦେଇ ସମ୍ବର୍ଦ୍ଧିତ କରାଯାଇ ଥିଲା l ଏହି ଛାତ୍ରୀ ମାନେ ଓଡିଶା ସରକାରଙ୍କ ଠାରୁ ଟଙ୍କା ଆକାରରେ ଛାତ୍ର ବୃତ୍ତି ପାଇବେl ବୟୋଜ୍ୟେଷ୍ଠ ଶିକ୍ଷୟତ୍ରୀ ଅନିମା ରାଉତ  ସଭା ର ଉଦ୍ୟସ ଜ୍ଞପନ କରିଥିଲେ l ଶିକ୍ଷୟତ୍ରୀ ସଂଗୀତା ସାହୁ ଓ ରଂଜିତା ସାହା ଉଦବୋଧନ ସଂଗୀତ ଗାନ କରିଥିଲେ l ଉଷା ଦାଶ, ଅନିତା ପାଣିଗ୍ରାହୀ, ନମିତା ସାହୁ, ସଭା ପରିଚାଳନା କରିଥିବା ବେଳେ ଶିକ୍ଷକ ସେବକ ସେଠ ଧନ୍ୟବାଦ ଅର୍ପଣ କରିଥିଲେ l