04-Mar-2022

ପ୍ରତ୍ୟେକ୍ ବର୍ଷ ଫେବୃଆରୀ ୨୮ ତାରିକ୍ ବାରପାହାଡ୍ ର କୁଲେ ଥିବାର୍ କର୍ଲା ଗାଁ ରେ ବୀର ସୁରେନ୍ଦ୍ର ସାଏଙ୍କର୍ ଶ୍ରାଦ୍ଧବାର୍ଷିକୀ ପାଳନ୍ ହେସି । ଇ ବର୍ଷ ୩୦ ତମ ଶ୍ରାଦ୍ଧବାର୍ଷିକୀ ରେ WOYM ଭି ଅଂଶଗ୍ରହଣ କରିଥିଲା । ବୀର ସୁରେନ୍ଦ୍ର ସାଏ ରହୁଥିବାର୍ ଐତିହାସିକ୍ ବାରବଖରା ନୁ ଗାଁ କେ ମଶାଲ୍ ଆନିଥିଲା WOYM । ଗାଁ ରେ ସବୁ ଘରେ କଳସ ନଡ଼ିଆ ବସେଇ ସ୍ବାଗତ୍ କରିଥିଲେ ମା ମାଉସୀ ମାନେ।

      ମୁଖିଆ କୁନୁଆ ଗ୍ରାମ୍ୟ ଉନ୍ନୟନ ମନ୍ତ୍ରୀ ସୁଶାନ୍ତ ସିଂ, ମୁଖ୍ୟ ବକ୍ତା ମୋହନ ସାହୁ, ସମ୍ମାନୀତ୍ କୁନୁଆ ମନ ମାଷ୍ଟ୍ରେ, ଜିଲ୍ଲା ପରିଷଦ୍ ସଭ୍ୟା ନିଲ୍ କୁମାରୀ, ହାସ୍ୟ କବି ଦେବେନ୍ଦ୍ର ସାହୁ ଆର୍ ଅନେକ୍ ମାଏନ୍ତା ଲୋକ୍ ମଞ୍ଚାସିନ୍ ଥିଲେ । ବୀର ସୁରେନ୍ଦ୍ର ସାଏଙ୍କର୍ ଆଦର୍ଶ ରେ ଅନୁପ୍ରାଣିତ୍ ହେଇକରି ନିଜକେ ମାଁ ମାଟି ଲାଗି ସମର୍ପିତ୍ କରବାର୍ ଲାଗି ଯୁବକ୍ ପିଢ଼ି କେ WOYM ଆହ୍ବାନ୍ ଦେଇଥିଲା ।