04-Mar-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) : ବଲାଙ୍ଗୀର ଜିଲ୍ଲାର ସର୍ବପୁରାତନ ଐତିହ୍ଯ ସମ୍ପନ୍ନ ରାଣୀପୁର ଝରିଆଲ ଯୋଗିନୀ ପୀଠରେ ସୋ ମେଶ୍ବର ମହାଦେବ ଙ୍କ ମହା ଶିବରାତ୍ରି ମେଳାରେ ବହୁ ଭକ୍ତ ଓ ଶ୍ରଦ୍ଧାଳୁଙ୍କ ସମାଗମ ହୋଇଛି । ୨୮ ତାରିଖ ସୋମବାର ରାଣୀପୁର ଓ ଝରିଆଲ ର ୧୦୧ କୁଆଁରୀ କନ୍ୟା ମାନଙ୍କ 

 ଦ୍ବାରା କଳସ ଯାତ୍ରା ଅନୁଷ୍ଠିତ ହୋଇ ମନ୍ଦିର କୁ ଆସି କଳସ ସ୍ଥାପନ କରା ଯାଇଥିଲା । ମଙ୍ଗଳବାର ସକାଳୁ ମହାଦେବଙ୍କ ନୀତିକାନ୍ତି ପରେ ଭକ୍ତଙ୍କ ଦର୍ଶନ ଆରମ୍ଭ ହୋଇଥିଲା। ଆଗରୁ ମନ୍ଦିର ପୁଜା କମିଟି ତରଫରୁ ସରକାରଙ୍କ କୋଭିଡ ନିୟମାନୁଯାଇ କେବଳ ବିଧିରକ୍ଷା ପାଇଁ ନୀତିକାନ୍ତି କରାଯିବା ସହ ଘୃତ ଯଜ୍ଞ ଆୟୋଜନ କରାଯିବ ବୋଲି ନିଷ୍ପତ୍ତି ହୋଇଥିଲା। ହେଲେ କୋଭିଡ ଯୋଗୁଁ ଦୁଇବର୍ଷ ହେଲା ଲୋକେ ମହାପ୍ରଭୁ ଦେବାଧିଦେବ ମହାଦେବଙ୍କୁ ଶିବରାତ୍ରି ଦିନ ଦର୍ଶନ କରିବା ସୁଯୋଗ ଠିକ ଭାବରେ ପାଉନଥିଲେ। ତେଣୁ ମଙ୍ଗଳବାର ସକାଳୁ ମହାଦେବଙ୍କ ଦର୍ଶନ କରିବା ପାଇଁ ବହୁ ଭକ୍ତ ଓ ଶ୍ରଦ୍ଧାଳୁଙ୍କ ସମାଗମ ଦେଖିବାକୁ ମିଳିଥିଲା। ମହାପ୍ରଭୁଙ୍କୁ ପାଖରେ ପାଇ ଲୋକେ ଆତ୍ମବିଭୋର ହୋଇ ଯାଉଥିବା ଦେଖା ଯାଇଥିଲା। ଆହୁତି ଯଜ୍ଞ ରେ ମଧ୍ଯ ବହୁ ଭକ୍ତ ଓ ଶ୍ରଦ୍ଧାଳୁ ଆହୁତି ପ୍ରଦାନ କରି ପରିବାରର ସୁଃଖ ସମୃଦ୍ଧି ପାଇଁ ପ୍ରଭୁଙ୍କ ଆଶର୍ବାଦ ଭିକ୍ଷା କରୁଥିବା ଦେଖା ଯାଇଥିଲା। ଜାଗର ପାଇଁ ଶହଶହ ମହିଲା ଶ୍ରଦ୍ଧାଳୁ ରାତିଭର ଉଜାଗର ରହିଥିବା ଦେଖା ଯାଇଥିଲା। ଚଳିତବର୍ଷ ସୋମେଶ୍ବର ମହାଦେବଙ୍କ ବହୁ ପ୍ରତୀକ୍ଷିତ ମହାଦୀପ ମନ୍ଦିର ଉପରକୁ ଉଠାଇବାର ସୌଭାଗ୍ଯ ସିନ୍ଧେକେଲା ଥାନାଧିକାରୀ ଆଲୋକ ବେହେରା ଙ୍କୁ ମିଲିଥିଲା। ତାଙ୍କୁ ମହାଦୀପ ଉଠାଇବାକୁ ଅନିଲ କୁମାର ତ୍ରିପାଠୀ ଓ ଲିକୁ ପାଢୀ ସହଯୋଗ କରିଥିଲେ। ମନ୍ଦିର କମିଟିକୁ ଅଞ୍ଚଳ ବାସି ଆଉ ଗୋଟିଏ ଦିନ ମେଳା ବଢାଇବା ପାଇଁ ନିବେଦନ କରୁଥିବା ଦେଖା ଯାଇଥିଲା। ଏହାକୁଦେଖି ମନ୍ଦିର ପୁଜା କମିଟି ବୁଧବାର ଗୋଟିଏ ଦିନ ପାଇଁ ଶିବରାତ୍ରୀ ମେଳା କୁ ବଢାଇ ଗୁରୁବାର ପୂର୍ଣ୍ଣାହୁତି କରିଥିଲେ। ଶିବରାତ୍ରି ପାଇଁ ପ୍ରଶାସନ ତରଫରୁ କୌଣସିପ୍ରକାର ଆର୍ଥିକ ସହଯୋଗ ନ ଥିବା ବେଳେ ପୋଲିସ ପ୍ରଶାସନ ତରଫରୁ ଶାନ୍ତିଶୃଙ୍ଖଳା ରକ୍ଷା ପାଇଁ  ପୋଲିସ ଷ୍ଟାଫ

ମୁତୟନ ହୋଇଥିଲେ। ମନ୍ଦିର ପୁଜା କମିଟିର ସଭାପତି ମାଣିକ ଚନ୍ଦ ଜୈନ, ଆବାହକ ଅନିଲ କୁମାର ତ୍ରିପାଠୀ , କ୍ଷୀରସିନ୍ଧୁ ଭୋଇ, କୃଷ୍ଣ ଚନ୍ଦ୍ର ସାହୁ , ଗୋପୀନାଥ ସାହୁ , ଇନ୍ଦ୍ରମଣୀ ଭୋଇ,  ମଞ୍ଜେସ  ମେହେର, କିଶୋର ସାହୁ, ନିତ୍ୟାନନ୍ଦ ପୃଷେଠ ଙ୍କ ସହ ଅଞ୍ଚଳ ବାସି ସହଯୋଗ କରିଥିଲେ। ସୋମେଶ୍ବର ମନ୍ଦିର ପୁଜକ ଜଗମୋହନ ତ୍ରିପାଠୀ ପୁଜାକାର୍ଯ୍ଯ କରିଥିଲେ । ମେଘନାଦ ତ୍ରିପାଠୀ , ରବି ତ୍ରିପାଠୀ ପ୍ରମୁଖ ସହଯୋଗ କରିଥିଲେ।