04-Mar-2022

ବେଲପଡ଼ା (ପ୍ରେରଣା ଖବର) ବେଳପଡା ବ୍ଲକ ଅନ୍ତର୍ଗତ ସରମୁହାଣ ଫଳସାପଡା ମହିମା ମଠ ରେ ବ୍ରହ୍ମ ଅବଧୂତ ବିଶ୍ଵନାଥ ବାବାଙ୍କ ୬ତମ ବ୍ରହ୍ମଲୀନ ଉତ୍ସବ ମହା ସମାରୋହରେ ଅନୁଷ୍ଠିତ ହୋଇଯାଇଛି । ମଠାଧୀସ ବ୍ରହ୍ମ ଅବଧୂତ ଆନନ୍ଦ ଚନ୍ଦ୍ର ବାବାଙ୍କ ସଭାପତିତ୍ବ ରେ ଅନୁଷ୍ଠିତ ସ୍ମୁତି

ସଭାରେ ମୁଖ୍ୟ ଅତିଥି ଭାବରେ ବ୍ରହ୍ମ ଅବଧୂତ କପିଳେନ୍ଦ୍ର ବାବା ଯୋଗ ଦେଇ ବିଶ୍ଵନାଥ ବାବାଙ୍କ କୃତି ତାଙ୍କର ଜନସେବା ଉପରେ ଆଲୋକ ପାତ କରିବା ସହିତ ମହିମା ଧର୍ମ ଉପରେ ଆଲୋଚନା କରିଥିଲେ ମୁଖ୍ୟବକ୍ତା ଡ. ସଞ୍ଜୟ କୁମାର ମିଶ୍ର ବର୍ତ୍ତମାନ ଦେଶ ଦେଶ ମଧ୍ୟରେ ଯେଉଁ ଯୁଦ୍ଧ ହେଉଛି ଏହି ପରି ସ୍ଥିତିରେ ଶାନ୍ତି ପ୍ରତିଷ୍ଠା କରିବାକୁ ହେଲେ  ମିହିମାଧାର୍ମ ର ବହୁ ଆବଶ୍ୟକତା ରହିଛି ବୋଲି ମତବ୍ୟକ୍ତ କରିଥିଲେ , ସମ୍ମାନିତ ଅତିଥି ଡ. ସୁମନ୍ତ କୁମାର ପାଢ଼ୀ, ସହଦେବ ଖମାରୀ ଯୋଗ ଦେଇ ମହିମା ଧର୍ମର ଐତିହ ଉପରେ ଆଲୋକପାତ କରିଥିଲେ । ମହିମା ଧର୍ମ ପ୍ରଚାର ପ୍ରସାର ପାଇଁ ଜୀବନକୁ

ଉତ୍ସର୍ଗୀକୃତ କରିଥିବା ପୀତବାସ ସାହୁଙ୍କୁ ବିଶ୍ଵନାଥ ବାବା ସ୍ମୁତି ସମ୍ମାନ ରେ ସମ୍ମାନିତ କରାଯାଇଥିଲା । ଏହି ସମସ୍ତ କାର୍ଯକ୍ରମ କୁ ଭକ୍ତ ଅର୍ଜୁନ କୁମାର ସାହୁ ପରିଚାଳନା କରିଥିଲେ  । ଏହି ଉତ୍ସବରେ ଅଞ୍ଚଳର ବହୁ ଭକ୍ତ ସମାବେଶ ହେବା ସହ ବିଭିନ୍ନ ଖଞ୍ଜଣୀ ଦଳ ମାନେ ମହିମା ଭଜନ ପରିବେଷଣ କରି ଉତ୍ସବ ମୁଖରିତ କରିଥିଲେ ।  ବ୍ରହ୍ମ ମୁହୂର୍ତ୍ତରେ ଆନନ୍ଦଚନ୍ଦ୍ର ବାବା ଠକପଡ଼ା ଗ୍ରାମ ର ଅଖଣ୍ଡ ସାହୁ ଙ୍କୁ ମହିମା ଧର୍ମ ରେ ଦୀକ୍ଷିତ କରାଇଥିଲେ । ଶୁକ୍ରବାର ସକାଳୁ ପୂର୍ଣ୍ଣାହୁତି ହୋଇଥିଲା ।