03-Mar-2022

ଗୁଡ଼ଭେଲା,(ପଞ୍ଚାନନ ନାଏକ) -ନୂଆଁପଡା ଗ୍ରାମ ପଞ୍ଚାୟତର ସରପଞ୍ଚ ନିର୍ବାଚନର ଭୋଟ ଗଣତି ପୁନଃ କରାଯିବା ଦାବୀରେ ୧୦ଟି ଭୋଟରେ ହାରିଥିବା ପ୍ରାର୍ଥୀ ସନାତନ ମେହେର ଓ ତାଙ୍କ ସମର୍ଥକ ମାନେ ଗୁରୁବାର ଗୁଡଭେଲା ବ୍ଳକ କାର୍ଯ୍ୟାଳୟ ଆଗରେ ଧାରଣା ଦେଇଛନ୍ତି । ସକାଳ ୧୧ଟାରୁ ୪ଟାପର୍ଯ୍ୟନ୍ତ ଧାରଣାରେ ବସିଥିବା ବେଳେ ପୁନଃ ଭୋଟ ଗଣତି ପାଇଁ ରାଜ୍ୟ ନିର୍ବାଚନ ଅଧିକାରୀଙ୍କୁ ମଧ୍ୟ ଜଣାଇଛନ୍ତି । ଏନେଇ ବ୍ଳକ ବିଡିଓ ତଥା ବ୍ଳକ ନିର୍ବାଚନ ଅଧିକାରୀ ବିନୋଦ କୁମାର ନାୟକଙ୍କୁ ପଚାରିବାରୁ କହନ୍ତି ଯେ,ଭୋଟ ଗଣନାର ୧୫ ମିନିଟରେ ପରେ ପ୍ରାର୍ଥୀ ଭୋଟ ଗଣନାରେ ଅସନ୍ତୋଷ ପ୍ରକାଶ କରି ପୁନଃ ଭୋଟ ଗଣନା ପାଇଁ କହିଲେ ,ପୁନଃ ଗଣନା କରାଯିବାର ନିୟମ ରହିଛି । କିନ୍ତୁ ସେମାନେ ଏକ ଦିନ ପରେ କହିବାରୁ ଭୋଟ ପୁନଃ ଗଣତି କରିବାର ମୋର କ୍ଷମତା ନାହିଁ ବୋଳି କହିବାରୁ ସେମାନେ ରାଜ୍ୟ ନିର୍ବାଚନ ଅଧିକାରୀଙ୍କୁ ଜଣାଇଛନ୍ତି, ସେଠୁ ଯାହା ନିର୍ଦ୍ଦେଶ ଆସିବ ସେ ନେଇ ପଦକ୍ଷେପ ଗ୍ରହଣ କରା୍‌ିବ ବୋଳି କହିଥିଲେ । ଏଠାରେ ସୂଚନାଯୋଗ୍ୟ ଯେ, ନୂଆଁପଡା ଗ୍ରାମପଞ୍ଚାୟତର ସରପଞ୍ଚ ପ୍ରାର୍ଥୀ କୁଞ୍ଜବିହାରୀ ସାହୁ-୧୩୩୫ ଭୋଟ ପାଇଥିବା ବେଳେ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱି ସନାତନ ମେହେର-୧୩୨୫ ପାଇଥିଲେ । ୬୫ଟି ଭୋଟ ନାକଚ ହୋଇଥିଲା ।