23-Feb-2022

ବଲାଙ୍ଗିର (ପ୍ରେରଣା ଖବର) ପୌରପରିଷଦ ନିର୍ବାହୀ ଅଧିକାରୀଙ୍କ ମନମୁଖୀ କାର୍ଯ୍ୟ ପାଇଁ ଉନ୍ନୟନ ମୂଳକ କାର୍ଯ୍ୟ ସମୟ ସୀମା ମଧ୍ୟରେ ସମାପ୍ତି ହୋଇପାରୁନାହିଁ।  ପ୍ରକାଶ ଥାଉଯେ ବଲାଙ୍ଗୀର ସହରର ସର୍ବ ପୁରାତନ ୱାର୍ଡ ର ଅବସ୍ଥା ନ କହିବା ଭଲ l ଏଠାରେ ବିଭିନ୍ନ ପ୍ରକଳ୍ପ ଦୀର୍ଘ ବର୍ଷ ହେବ ଅଧାପନ୍ତରିଆ ହୋଇ ପଡି ରହିଛି। ଏପରିକି ରୁଗୁଡି ପଡା ଠାରୁ ସାଗର ପଡା କୁ ସଂଯୋଗ କରୁଥିବା ଏକ ଛୋଟିଆ ପୋଲ ନିର୍ମାଣ ହେବାକୁ ଦୀର୍ଘ ବର୍ଷ ହେଲା ହୋଇ ପାରି ନାହିଁ। ପୌରପରିଷଦ ଦ୍ୱାରା ଠିକା କାର୍ଯ୍ୟ ପାଇଁ ଠିକାଦାର ନିଯୁକ୍ତି ଦିଆଯାଇଛି କିନ୍ତୁ ସେହି ନିଯୁକ୍ତିରେ ରହିଥିବା ସମୟ ସୀମା ପାର୍ ହୋଇଥିଲେ ମଧ୍ୟ ଆଜି ଯାଏ କାମ ଆରମ୍ଭ ହୋଇ ପାରି ନାହିଁ। ଲୋକେ ଜିଲ୍ଲାପାଳ ମହୋଦୟଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ମିଲି ପାରି ନାହିଁ। ଯା ଦ୍ୱାରା ସ୍ଥାନୀୟ ଲୋକ ନିରାଶ ହୋଇଥିବା ଜଣାପଡିଛି। ଯଥାଶିଘ୍ର ଏ ଦିଗରେ ଜିଲ୍ଲା ପ୍ରଶାସନ ପକ୍ଷରୁ ବିହିତ ପଦକ୍ଷେପ ନେବାକୁ ସମାଜିକ କର୍ମକର୍ତ୍ତା ଶ୍ରୀ ବାବୁ ପୂଜାରୀ ପ୍ରେସ୍ ବିବୃତି ମାଧ୍ୟମରେ ଜଣାଇଛନ୍ତି।