07-Feb-2022

ବଲାଙ୍ଗିର, ତା.୦୭.୦୨- ନିର୍ବାଚନ ପରେ ନିର୍ବାଚନ ଯାଉଛି । ଗ୍ରାମାଞ୍ଚଳକୁ ଆହୁରି ମଜବୁତ କରିବା ପ୍ରତିଶୃତି ଦେଇ ନିର୍ବାଚନ ଜିତିଲା ପରେ ଦଳ ଓ ନେତାମାନେ ଗାଁ ମଫସଲର ମୁହଁ ଦେଖୁ ନାହାନ୍ତି । ଫଳରେ ଗ୍ରାମାଞ୍ଚଳବାସୀଙ୍କ ଜୀବନ ଶୈଳୀ ରେ କୌଣସି ପରିବର୍ତ୍ତନ ଆସୁନାହିଁ । ଏପରିକି ଲୋକେ ତାଙ୍କର ସର୍ବନିମ୍ନ ଆବଶ୍ୟକତା ପାଇଁ ମଧ୍ୟ ରାଜରାସ୍ତାକୁ ଓହ୍ଲେଇ ଆନ୍ଦୋଳନ କରିବାକୁ ପଡୁଛି । ତେଣୁ ଯଦି ଆପଣମାନେ ଅଂଚଳ ର ବିକାଶ ଚାହୁଁଛନ୍ତି ତେବେ ଏଇ ଜିଲ୍ଲା ପରିଷଦ ନିର୍ବାଚନରେ ରାଜନୈତିକ ପରିବର୍ତ୍ତନ ଆଣିବା ପାଇଁ ହାତ ଚିହ୍ନରେ ଭୋଟ ଦିଅନ୍ତୁ ବୋଲି ପୁଇଁନ୍ତଲା ବ୍ଲକ ୧୯ ଓ ୧୮ ନମ୍ବର ଜୋନ ପ୍ରାର୍ଥୀନୀ ଉମାକାନ୍ତି ମହାନନ୍ଦ ଓ ବିରୋଧ ତାଣ୍ଡି ପାଇଁ ନିର୍ବାଚନ ପ୍ରଚାର ବେଳେ ବିଭିନ୍ନ ନିର୍ବାଚନୀ ସଭାମାନଙ୍କରେ ଗାଁ ଲୋକଙ୍କୁ ସଚେତନ କରିଛନ୍ତି । ଶ୍ରୀ ମିଶ୍ର ଆହୁରି କହିଛନ୍ତି ଯେ, ଆମ ରାଜ୍ୟର ପଶ୍ଚିମାଞ୍ଚଞ୍ଚଳରେ ଗ୍ରାମାଞ୍ଚଳମାନଙ୍କ ଆବସ୍ଥା ଆହୁରି ସଙ୍ଗିନ ରହିଛି । ରାଜ୍ୟରେ ଯାହା କିଛି ଉନ୍ନତି ହେଉଛି ତାହା ବି ପୂର୍ବାଞ୍ଚଳରେ ସୀମିତ ରହିଛି । କଂଗ୍ରେସ ଦଳ ୫୦ ଦଶକ ରୁ ଆରମ୍ଭ କରିଥିବା ଗ୍ରାମ୍ୟ ସଶକ୍ତିକରଣ ବିଗତ ୨୦ ବର୍ଷରେ ବାଟବଣା ହୋଇଛି । ଗ୍ରାମାଞ୍ଚଳକୁ ସୁଦୃଢ କରିବା ପାଇଁ ଯେତେ ସବୁ କଲ୍ୟାଣକାରୀ ଯୋଜନା କଂଗ୍ରେସ ଅମଳରେ ହୋଇଛି । କିନ୍ତୁ ଲୋକେ ଏହାର ହୃଦୟଙ୍ଗମ ନ କରି ବିଗତ ଦୁଇ ଦଶନ୍ଧିରେ କ୍ରମାଗତ ଭାବେ

ବିଜେଡି ଓ ବିଜେପି ଦଳକୁ ଭୋଟ ଦେଉଛନ୍ତି । ଫଳରେ ବିଜେପି ଓ ବିଜେଡି ରାଜ୍ୟରେ ମନ ଇଚ୍ଛା ଶାସନ କରୁଛନ୍ତି । ବିଜୟୀ ହେବା ପରେ ଛାତ୍ର ଯୁବକ କୃୃଷକ ଶ୍ରମିକ ପଛୁଆବର୍ଗ ଓ ଆଦିବାସୀଙ୍କ ସ୍ୱାର୍ଥ ବିରୋ।ଧୀ କାମ କରୁଛନ୍ତି । ତେଣୁ ଏଥର ଜିଲ୍ଲା ପରିଷଦ ନିର୍ବାଚନରେ ଏହି ଦଳମାନଙ୍କୁ ପ୍ରତ୍ୟାଖ୍ୟାନ କରି ଅଂଚଳର ବିକାଶ ପାଇଁ କଂଗ୍ରେସ ପ୍ରାର୍ଥୀଙ୍କୁ ହାତ ଚିହ୍ନରେ ଭୋଟ ଦେଇ ଜୟଯୁକ୍ତ କରନ୍ତୁ ବୋଲି ଆହ୍ୱାନ କରିଛନ୍ତି । ଆଜିର ଏହି କାର୍ଯ୍ୟକ୍ରମରେ ବ୍ଲକ ସଭାପତି ଉମା ଶଙ୍କର ସାହୁ, ଦଳିତ ନେତା ଓମ୍ କୁମ୍ଭାର, ଜିଲ୍ଲା ପରିଷଦ ସେଲ ସଭାପତି ସାନନ୍ଦ ମିଶ୍ର, କଂଗ୍ରେସ ଜିଲ୍ଲା ସଂପାଦକ ସୁଶାନ୍ତ ଷଡଙ୍ଗୀ, ଶ୍ରୀନିବାସ ନାଏକ, ଜ୍ୟୋତିଷ ମୁଗ୍ରୀ, ଲଳିତ ପଟେଲ ପ୍ରମୁଖ ଉପସ୍ଥିତ ଥିଲେ