05-Feb-2022

ପଦ୍ମପୁର:-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ର ବିଭିନ୍ନ ଅଞ୍ଚଳରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ କୁ ନେଇ ଗ୍ରାମାଞ୍ଚଳ ଗୁଡିକ ଚଳଚଞ୍ଚଳ ହୋଇ ଉଠିଛି।ଗାଁ ଗାଁ ରେ ନେତା ଙ୍କ ସୁଅ ଦେଖିବାକୁ ମିଳୁଥିବା ବେଳେ ଭୋଟ ପାଇଁ ପ୍ରତିଶ୍ରୁତି ଉପରେ ପ୍ରତିଶ୍ରୁତି କୁ ଲୋକେ ହଜମ କରିପାରୁଛନ୍ତି ।କାରଣ ଗତ ନିର୍ବାଚନରେ ଫମ୍ପା ପ୍ରତିଶ୍ରୁତି ର ଶିକାର ହୋଇ ସାରିଛନ୍ତି । ଲମ୍ବା ଚିଠାର ଫର୍ଦ ଭିତରେ ଏତେଯେ, ପ୍ରତିଶ୍ରୁତି ଏମାନେ କଣ ପୂରଣ କରିପାରିବେ ଏହାକୁ ନେଇ ଚାହା ଖଟି ଠୁ ଆରମ୍ଭ କରି ଗ୍ରାମାଞ୍ଚଳ ପର୍ଯ୍ୟନ୍ତ ଟୁପୁରଟାପର ହେଉଥିବାର ଦେଖାଦେଇଛି । ଏକ ଗଣତାନ୍ତ୍ରିକ ରାଷ୍ଟ୍ର ରେ ପ୍ରତି ପାଞ୍ଚ ବର୍ଷ ରେ ଥରେ ହୁଏ ନିର୍ବାଚନୀ ମହାନ ପର୍ବ । ପ୍ରତ୍ୟେକ ନାଗରିକ ଙ୍କ ଅମୂଲ୍ୟ ଭୋଟ ଉପରେ ନିର୍ଭର କରେ ଗଣତନ୍ତ୍ର।ଭୋଟର ମାନେ ଗଣତନ୍ତ୍ର ର ମୂଲ୍ୟବାନ ସମ୍ବଳ। ସେମାନଙ୍କର ବହୁ ମୂଲ୍ୟ ମତଦାନ ଗଣତନ୍ତ୍ର କୁ ସୁଦୃଢ କରିଥାଏ।ଗଣତନ୍ତ୍ର ର ଅର୍ଥ ହେଉଛି ଏମିତି ଏକ ଜୀବନ ପଦ୍ଧତି ଯେଉଁଥିରେ ସ୍ୱାଧୀନତା,ସମାନତା ଓ ବନ୍ଧୁତା ସମାଜ ଜୀବନ ର ମୂଳ ସିଦ୍ଧାନ୍ତ ହୋଇଥାଏ ଏ କଥା କହିଥିଲେ ଭାରତ ର ସମ୍ବିଧାନ ପ୍ରଣେତା ବାବା ସାହେବ ଆମ୍ବେଦକର।ଏଣୁ ସମସ୍ତ ଭୋଟର ମାନଙ୍କୁ ମୋର ବିଶେଷ ଅନୁରୋଧ ଯେ ମତାଧିକାର ସାବ୍ୟସ୍ତ କରିବା ପୂର୍ବରୁ ଉଚିତ ପ୍ରତିନିଧି ବାଛି ଆପଣଙ୍କ ପ୍ରତିନିଧି ବାଛନ୍ତୁ।ଏହି ସମୟ ରେ ଜନସାଧାରଣ ଭୋଟ ଦେବା ସହ ନିଜେ ତଥା ଅଞ୍ଚଳ ର ଉଜ୍ଜ୍ୱଳ ଭବିଷ୍ୟତ କିପରି ବିକାଶ ପଥରେ ଆଗେଇବ ତାହା ନିର୍ଦ୍ଧାରିତ କରିଥାନ୍ତି। ମିଛ ପ୍ରତିଶୃତିରେ ପଡି ଅଯୋଗ୍ୟ ତଥା ଅନୁପଯୁକ୍ତ ପ୍ରାର୍ଥୀ ନିର୍ବାଚିତ କଲେ ବ୍ୟକ୍ତି ବିଶେଷ ତଥା ଅଞ୍ଚଳ ର ଭବିଷ୍ୟତ ଅନ୍ଧାର ହେବାର ଯଥେଷ୍ଠ ସମ୍ଭାବନା ରହୁଛି।କୌଣସି ଲୋଭ ରେ ବଶବର୍ତ୍ତୀ ନହୋଇ ଲୋକଙ୍କ ହକ ପାଇଁ ଲଢ଼ିପାରୁଥିବା ଯୋଗ୍ୟ ପ୍ରାର୍ଥୀ ଙ୍କୁ ହିଁ ଭୋଟ ଦେଇ ବିଜୟୀ କରନ୍ତୁ ବୋଲି ବରଗଡ ବିଜୁଜନତା ଦଳ ର ଜିଲ୍ଲା ସଭାପତି ତଥା ପଦ୍ମପୁର ନିର୍ବାଚନ ମଣ୍ଡଳୀ ବିଧାୟକ ଶ୍ରୀମାନ ବିଜୟରଞ୍ଜନ ସିଂ ବରିହା ପଦ୍ମପୁର ଅଞ୍ଚଳ ବିଭିନ୍ନ ସ୍ଥାନ ମାନଙ୍କୁ  ଯାଇ ଲୋକଙ୍କୁ ସଚେତନ କରୁଥିବା ଦେଖାଦେଇଛି । ଆପଣ ମାନଙ୍କ ସ୍ୱପ୍ନ ସାକାର କରିବାକୁ ହେଲେ ଏବଂ ଅଗ୍ରଗତି ପଥେ ଓଡ଼ିଶା ରାଜ୍ୟ କୁ ଦେଖିବାକୁ ଯଦି ଚାହାନ୍ତି ତେବେ ମାନ୍ୟବର ମୁଖ୍ୟମନ୍ତ୍ରୀ ନବୀନ ବାବୁ ଙ୍କ ହାତ ମୁଠାକୁ ଟାଣ କରନ୍ତୁ ଏବଂ ଶଙ୍ଖ ଚିହ୍ନ ରେ ଭୋଟ ଦେଇ ସମସ୍ତ ବରଗଡ ଜିଲ୍ଲା ର ଜିଲ୍ଲାପରିଷଦ ସଭ୍ୟ ପ୍ରାର୍ଥୀ/ପ୍ରାର୍ଥିନୀ ଙ୍କୁ ବିପୁଳ ସଂଖ୍ୟାରେ ଭୋଟ ଦେଇ ଜୟଯୁକ୍ତ କରନ୍ତୁ ବୋଲି ବରଗଡ ଜିଲ୍ଲା ର ସମସ୍ତ ଜନସାଧାରଣ ଙ୍କୁ ନିବେଦନ କରିଛନ୍ତି ।