24-Jan-2022

ନୟାଗଡ, (ପ୍ରଦୀପ କୁମାର ପଣ୍ଡା): ଖଣ୍ଡପଡା ବ୍ଳକ ଅଧୀନ କୁମ୍ଭାରପଡ଼ା ଲଡ଼ୁକେଶ୍ୱର ଜୀଉ ମହାବିଦ୍ୟାଳୟ  ଖେଳ ପଡିଆରେ ବଜରଙ୍ଗୀ କ୍ରିକେଟ କ୍ଳବ ଆନୁକୂଲ୍ୟରେ ଗତ  ୧୭ ତାରିଖ ରୁ ଆରମ୍ଭ ହୋଇଥିଲା ୨୫ତମ ଟୁର୍ନାମେଣ୍ଟ | ଆଜିର ଫାଇନାଲ ଦିବସରେ ମୁଖ୍ୟ ଅତିଥି ଭାବେ ଶିକ୍ଷାବିତ ତଥା ପ୍ରତିଷ୍ଠିତ ସମାଜସେବୀ ଅଜୟ କୁମାର ସେଠୀ ଯୋଗଦେଇ ଥିଲେ | ଆୟୋଜକ ଦଳର ସଦସ୍ୟ ମାନେ ଶ୍ରୀଯୁକ୍ତ ସେଠୀ ଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିବାପରେ ପ୍ରଦୀପ ପ୍ରଜ୍ବଳନ କାର୍ଯ୍ୟ ସମ୍ପର୍ଣ୍ଣ ହୋଇଥିଲା | ତାପରେ ମୁଖ୍ୟ ଅତିଥି ଉଭୟ ଦଳର ଖେଳାଳୀଙ୍କ ସହିତ ପରିଚୟ ପ୍ରଦାନ କାର୍ଯ୍ୟ ସମ୍ପାଦନ କରିବା ସହିତ ସମସ୍ତଙ୍କୁ ଉତ୍ସାହିତ କରିଥିଲେ | ଆଜିର ଶିଶୁକନ୍ୟା ଦିବସ ଅବସରରେ ମୁଖ୍ୟ ଅତିଥି କନ୍ୟା ଭୃଣହତ୍ୟା ଏବଂ ବାଲ୍ୟ ବିବାହ ବିଷୟରେ କିଛି ସଚେତନତା ବାର୍ତା ପ୍ରଦାନ କରିଥିଲେ |ଏହାପରେ ଖେଳ ଆରମ୍ଭ ହୋଇଥିଲା | ଉକ୍ତ ଅନ୍ତଃ ଜିଲ୍ଲା କ୍ରିକେଟ ଟୁର୍ନାମେଣ୍ଟରେ ୮ଟି କ୍ରିକେଟ ଟିମ ଯୋଗ ଦେଇଥିବା ବେଳେ ସୋମବାର ଅନ୍ତିମ ଦିବସରେ  ମହାବୀର ସାଂସ୍କୃତିକ ପରିଷଦ କ୍ରିକେଟ ଟିମ ଗଣିଆ, ବାଲୁଙ୍କେଶ୍ୱର କ୍ରିକେଟ କ୍ଳବ ଏକଡାଳ କୁ ୨ ୱିକେଟ୍ ରେ 

 ହରାଇ ଚମ୍ପିୟାନ ହୋଇଥିଲା | ଆଜିର ଫାଇନାଲ ମ୍ୟାଚରେ ଗଣିଆ ଦଳ ଟସ ଜିତି ଏକଡାଳ ଦଳକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା | ଏକଡାଳ ଦଳ ୧୫ ଓଭର ରେ ୯ଟି ଵିକେଟ ହରାଇ ୧୨୭ ରନ ସଂଗ୍ରହ କରିଥିଲା | ଜବାବ ରେ ଗଣିଆ ଦଳ ଚଉଦ  ଓଭର ୩ଟି ବଲ ରେ ୮ଵିକେଟ ହରାଇ ଆବଶ୍ୟକ ରନ ସଂଗ୍ରହ କରି ବିଜୟୀ ହୋଇଥିଲା | ବିଜୟୀ ଦଳର କ୍ୟାପଟେନ ରମାକାନ୍ତ ମ୍ୟାନ ଅଫ ଦ ମ୍ୟାଚ ହୋଇଥିବା ବେଳେ ଲିଥୁନ ମ୍ୟାନ ଅଫ ଦ ସିରିଜ ଭାବେ ପୁରସ୍କାର ଗ୍ରହଣ କରିଥିଲେ | ଖେଳ ପରିଚାଳକ ଭାବେ ମହେନ୍ଦ୍ର ସ୍ୱାଇଁ, ଶାଶ୍ୱତ ପଣ୍ଡା ଏବଂ ଗଣେଶ ନାହାକ ସୁଚାରୁରୂପେ କାର୍ଯ୍ୟ ତୁଲାଇଥିଲେ | ଆଜିର ଖେଳକୁ ପ୍ରାୟ ୨ ହଜାର ରୁ ଉର୍ଦ୍ଧ କ୍ରିକେଟ ପ୍ରେମୀ ବେଶ ଉପଭୋଗ କରିଥିଲେ |