15-Jan-2022

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ଭାରତ ବିକାଶ ପରିଷଦ ସମ୍ବଲପୁର ଶାଖା ଆନୁକୂଲ୍ୟରେ ବିବେକାନନ୍ଦ ଜୟନ୍ତୀ ଉତ୍ସବ ପାଳିତ ହୋଇଯାଇଛି । ସଭା ଆରମ୍ଭରେ ପରିଷଦର ପ୍ରାକ୍ତନ ଉପାଧ୍ୟକ୍ଷ ତଥା ବରିଷ୍ଠ ସଭ୍ୟ ପ୍ରାଧ୍ୟାପକ ତୀର୍ଥବାସୀ ସୁଶାରୀଙ୍କ ସ୍ମୃତିରେ ନିରବ ପ୍ରାର୍ଥନା କରାଯାଇଥିଲା।  ଗିରିଜା ଦେବୀ ବନ୍ଦେ ମାତରଂ ଓ ଜାତୀୟ  ସଙ୍ଗୀତ ଗାନ କରିଥିଲେ। ସମ୍ବଲପୁର ଶାଖାର  ସଭାପତି ବେଣୁ ମାଧବ ପଣ୍ଡା ସଭାପତିତ୍ବ କରି ସ୍ୱାଗତ ଭାଷଣ ପ୍ରଦାନ କରିଥିଲେ I ଏହି ସଭାରେ ମୁଖ୍ୟ ବକ୍ତା ଭାବରେ ପ୍ରଫେସର ଛାୟାକାନ୍ତ ଷଡ଼ଙ୍ଗୀ ଯୋଗ ଦେଇ ବିପ୍ଳବୀ ସନ୍ୟାସୀ ସ୍ବାମୀ ବିବେକାନନ୍ଦଙ୍କ ଜୀବନଶୈଳୀ,   ତାଙ୍କର ଦର୍ଶନ ଆଦି ବିଷୟରେ ଆଲୋଚନା କରିବା ସହ ଆଜି ସମାଜ ତଥା ଦେଶପାଇଁ ପୁନଶ୍ଚ ବିବେକାନନ୍ଦଙ୍କ ଆବିର୍ଭାବ ହେବା ନିହାତି ପକ୍ଷେ ଆବଶ୍ୟକ ବୋଲି ମତ ବ୍ୟକ୍ତ କରିଥିଲେ I କାର୍ଯ୍ୟକ୍ରମ କୁ ସଂଯୋଜନା କରିଥିଲେ ଡ଼ ରଶ୍ମି ରେଖା ଜେନା ଏବଂ ସହ ସମ୍ପାଦକ  ମକରଧ୍ବଜ ଯୋଶୀ ଧନ୍ୟବାଦ ଅର୍ପଣ କରିଥିଲେ।  ଏହି ଆଭାଷି ସଭାରେ ଭାରତ ବିକାଶ ପରିଷଦର ବିଭିନ୍ନ ଶାଖାର କର୍ମକର୍ତ୍ତା ଓ ପରିଷଦର ପ୍ରାନ୍ତୀୟ ତଥା ରାଷ୍ଟ୍ରୀୟ ପଦାଧିକାରୀମାନେ ମଧ୍ୟ ଯୋଗଦାନ କରିଥିଲେ।