15-Jan-2022

ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ପଞ୍ଚାୟତ ଅନ୍ତର୍ଗତ ପୁଟୁପଡା ସ୍ଥିତ ସିଦ୍ଧ ମହିମା ମଠରେ ଆୟୋଜିତ ହେବା କୁ ଥିବା ୧୫୯ ତମ ବିଶ୍ୱଶାନ୍ତି ବ୍ରହ୍ମଯଜ୍ଞ ପୌଷପୂର୍ଣ୍ଣିମା ମହିମା ମେଳାର ଆଜି କଲସଯାତ୍ରା ଅନୁଷ୍ଠିତ ହୋଇଯାଇଅଛି । ପୁଟୁପଡା ତଥା ଆଖପାଖ ଗ୍ରାମର ଶତାଧିକ ମହିଳା ଓ ମଠର ସାଧୁମାନେ ସିନ୍ଧେକେଲା ଦ୍ୱାରସେହ୍ନି ମନ୍ଦିର ନିକଟ ପବିତ୍ର ବାଣୀବଘାର ପୋଖରୀ ରୁ କଳସ ଶୋଭାଯାତ୍ରା ବାହାର କରି ଘଣ୍ଟଶଙ୍ଖ ଦ୍ୱାରା କୋରୋନା କଟକଣାରେ ଗ୍ରାମ ପରିକ୍ରମା କରି ପୂଜା ମଣ୍ଡପ ରେ ସ୍ଥାପନ କରିଥିଲେ । ଚାରି ଦିନ ଧରି ଚାଲୁଥିବା ଉକ୍ତ ମେଳାର ଆଜି କଲସଯାତ୍ରା ସହ ଶନିବାର ସକାଳେ ବ୍ରହ୍ମଧ୍ୱନି ପ୍ରଜ୍ବଳନ ଓ ବ୍ରହ୍ମନାମ ଆରମ୍ବ , ରାତ୍ରିରେ ମନୋରଞ୍ଜନ କାର୍ଯ୍ୟକ୍ରମ ନୃତ୍ୟ ପ୍ରତିଯୋଗିତା , ରବିବାର ସକାଳେ ବ୍ରହ୍ମନାମ ଯଜ୍ଞ ଓ ରାତ୍ରିରେ ନାଟକ , ସୋମବାର ପୂର୍ଣ୍ଣାହୁତି ଓ ପ୍ରସାଦ ସେବନ ହେବ ବୋଲି ଯଜ୍ଞ କମିଟି ପକ୍ଷରୁ କୁହାଯାଇଛି । ଉକ୍ତ କଲସଯାତ୍ରା ରେ ପୁଟୁପଡା ମହିମାଶ୍ରମ ମଠାଧିସ ବାବା କିଶୋର ଚନ୍ଦ୍ର ଦାସ ସମେତ ଆଶ୍ରମାସ୍ଥିତ ସାଧୁବୃନ୍ଦ ସାଧୁ ଲକ୍ଷେଶ୍ୱର ଦାସ , ଧର୍ମାନନ୍ଦ ଦାସ , ବ୍ରହ୍ମଚାରୀ ସତ୍ୟବ୍ରତ , କରନ , ଅକ୍ଷୟ , ହର୍ଷମଣି , ସାଧୁ , ବିଶ୍ଵାମିତ୍ର , ସନାତନ , ଚୈତନ୍ୟ , କୁଳମଣି , ରାମ , ଯୁଧିଷ୍ଠିର , ପ୍ରବକ୍ତା ସୁଧାକର ସାହୁ , ଭକ୍ତ ବୃନ୍ଦ ସରୋଜ ଜୈନ ପ୍ରମୁଖ ସାମିଲ ହୋଇଥିଲେ