15-Jan-2022

ବୌଦ୍ଧ(ପ୍ରେରଣା ଖବର) : ବୌଦ୍ଧ ଜ଼ିଲ୍ଲା ରେ ବାଲ୍ୟ ବିବାହ ନିଷେଧ କରିବା ଓ କିଶୋର ବାଳକ ବାଳିକା  ସଶକ୍ତି କରଣ  କାର୍ଯ୍ୟକ୍ରମ ର ଅଂଶବିଶେଷ ଭାବେ ପୁଣି ଥରେ  ଜ଼ିଲ୍ଲା ର ୧୯୦ ଟି ଗ୍ରାମ କୁ ଜ଼ିଲ୍ଲାପାଳ ଶ୍ରୀଯୁକ୍ତ ଲଲାଟେନ୍ଦୁ  ମିଶ୍ର  ଗତ ତା. ୭.୧.୨୦୨୨ ରେ ବାଲ୍ୟ ବିବାହ ମୁକ୍ତ ଗ୍ରାମ ଘୋଷଣା କରିଛନ୍ତି l ଜ଼ିଲ୍ଲାପାଳ ଶ୍ରୀଯୁକ୍ତ ମିଶ୍ର ଙ୍କ ଶିଶୁ  ସୁରକ୍ଷା ଦିଗ ପ୍ରତି ସ୍ୱତନ୍ତ୍ର ଧ୍ୟାନ ତଥା  ଆନ୍ତରିକ ଉଦ୍ୟମ ରେ ଏହି କାର୍ଯ୍ୟକ୍ରମ ସଫଳ ହୋଇ ପାରିଛି l ନିକଟରେ ଡିସେମ୍ବର ୨୪ ତାରିଖରେ  ଶିଶୁ ପାଇଁ ଦିନ ଟିଏ କାର୍ଯ୍ୟକ୍ରମ ସାରା  ଜ଼ିଲ୍ଲା ରେ ଗ୍ରାମ ପଂଚାୟତ  ଠାରୁ ବିଭିନ୍ନ ବ୍ଲକ  ଏବଂ ଜ଼ିଲ୍ଲା ରେ ଏକା  ସାଙ୍ଗରେ

ପାଳିତ ହୋଇ ଯାଇଛି l ବୌଦ୍ଧ ଜ଼ିଲ୍ଲାରେ ବିଭିନ୍ନ ସମୟରେ ଏପରିକି  ଜ଼ିଲ୍ଲା ପ୍ରତିଷ୍ଠା ଦିବସ ଏବଂ ସଂଗ୍ରହାଳୟ ର ପ୍ରଥମ  ବାର୍ଷିକୀ ଉତ୍ସବ ପାଳନ, ବିଭିନ୍ନ ଉତ୍ସବ ପାଳନ  ସମୟରେ ସାଧାରଣ ନାଗରିକ, ବିଦ୍ୟାଳୟ ଓ ମହାବିଦ୍ୟାଳୟ ର ଛାତ୍ରଛାତ୍ରୀଙ୍କ ଦ୍ୱାରା, କାର୍ତ୍ତିକ ପୁର୍ଣିମା ଅବସରରେ ରେ ଲୋକକଳା ଗ୍ରାମ ନାରାୟଣନଗର ରେ ଗ୍ରାମବାସୀଙ୍କ ଦ୍ୱାରା ବାଲ୍ୟ ବିବାହ  ନିଷେଧ ପାଇଁ ଶପଥ ପାଠ, ବାଲ୍ୟ  ବିବାହ ରୋକିବାରେ  ଆଉ ଏକ ସଫଳ  ମାଇଲ ଖୁଣ୍ଟ l ଜ଼ିଲ୍ଲା ପ୍ରଶାସନ ର ଅନ୍ୟାନ୍ୟ ଅଧିକାରୀ, ଜ଼ିଲ୍ଲା ସମାଜ  ମଙ୍ଗଳ ଅଧିକାରୀ, ଜ଼ିଲ୍ଲା ଶିଶୁ ସୁରକ୍ଷ୍ୟା ଅଧିକାରୀ, ଆକ୍ସନ ଏଡ଼ ଜ଼ିଲ୍ଲା ପରାମର୍ଶ ଦାତ୍ରୀ, ହରଭଙ୍ଗା, ବୌଦ୍ଧ ଏବଂ କଣ୍ଟାମାଲ  ର ସି. ଡି. ପି. ଓ., ସୁପରଭାଇଜରଏବଂ ଅଙ୍ଗନବାଡି କର୍ମୀଙ୍କ ଅବଦାନ ଏହି କାର୍ଯ୍ୟକ୍ରମ ପାଇଁ ଅତୁଳନୀୟ l ୨୦୨୦ ମସିହା ରେ ୧୦ଟି ଗ୍ରାମ,୨୦୨୧ ରେ ୧୭୧ ଟି ଏବଂ ୨୦୨୨ ଆଦ୍ୟାବଧି  ୧୯୦ଟି ଗ୍ରାମ ଏହିପରି  ଜ଼ିଲ୍ଲାରେ ସର୍ବମୋଟ  ୩୭୧ଟି ଗ୍ରାମ ଓ କଣ୍ଟାମାଲ ର ଯୋଗେନ୍ଦ୍ରପୁର ଗ୍ରାମ ସମ୍ପୂର୍ଣ୍ଣ ଭାବେ  ବାଲ୍ୟ ବିବାହ  ମୁକ୍ତ ଗ୍ରାମ ବୋଲି ଘୋଷଣା କରାଯାଇଛି l