05-Jan-2022

ସିନ୍ଧେକେଲା // ବଲାଙ୍ଗୀର ଜିଲ୍ଲାର ସର୍ବ ପୁରାତନ ଐତିହ୍ଯ ସମ୍ପନ୍ନ ରାଣୀପୁର ଝରିଆଲ ପାଇଁ ଓଡିଶା ସରକାର ପର୍ଯ୍ୟଟନ ବିଭାଗ ଭିତ୍ତିଭୁମି ଉନ୍ନୟନ ପାଇଁ ଅନୁଦାନ ମଞ୍ଜୁର କରିଥିବାରୁ ବଲାଙ୍ଗୀର ଜିଲ୍ଲାପାଳ ଙ୍କ ନିର୍ଦ୍ଦେଶ କ୍ରମେ ଜିଲ୍ଲା ଟୁରିଷ୍ଟ ଅଫିସର ରବୀନ୍ଦ୍ର କୁମାର ଦଲାଇ ସ୍ଥିତି ଅନୁଧ୍ୟାନ କରିବା ପାଇଁ ଯୋଗିନୀପିଠ ରାଣୀପୁର ଝରିଆଲ କୁ ପହଞ୍ଚିଥିଲେ। ଏଥିପାଇଁ ବଙ୍ଗୋମୁଣ୍ଡା ତହସିଲଦାର ଗୁଣମଣି ସୁନାନି, ବଙ୍ଗୋମୁଣ୍ଡା ବିଡିଓ ରିପୁନାଥ ସୁନା , ବ୍ଲକ ଏସିଷ୍ଟାଣ୍ଟ ଇଞ୍ଜିନିୟର ନରେଶ ପ୍ରସାଦ ସିହ୍ନା, ଟୁରିଷ୍ଟ ଅଫିସ ର କିରାଣୀ ନିଲାଞ୍ଚଲ ଦୀପ ,  ପ୍ରମୁଖ ପହଞ୍ଚି ସ୍ଥିତି ଅନୁଧ୍ୟାନ କରିବାସହ ମନ୍ଦିର କମିଟି ସହ ଆଲୋଚନା କରିଥିଲେ । ତେବେ ବର୍ତ୍ତମାନ ରାଣୀପୁର ଝରିଆଲ ମନ୍ଦିର ସମୁହ ଆର୍କିଓଲୋଜି ଅଫ ଇଣ୍ଡିଆ ବିଭାଗ ଅଧିନକୁ ଯାଇ ଥିବାରୁ ଓଡିଶା ଟୁରିଜିମ ଅଧିନରେ ଥିବା ଜମି ଉପରେ ହିଁ ଭିତ୍ତିଭୁମି ଉନ୍ନୟନ କରାଯିବା ପାଇଁ ଆଲୋଚନା ହୋଇଥିଲା। ଯାହା ଫଲରେ ଆଗାମୀ ଦିନରେ ଉଭୟ କେନ୍ଦ୍ର ଓ ରାଜ୍ଯ ସରକାରଙ୍କ ବିଭିନ୍ନ ଉନ୍ନୟନ ମୂଳକ କାମ ଆରାମରେ ହୋଇପାରିବ ବୋଲି ସମାଜ ସେବୀ ଅନିଲ କୁମାର ତ୍ରିପାଠୀ ମତ ରଖିଥିଲେ। ପ୍ରକାଶ ଥାଉକି ୨୦୧୯ ଜାନୁଆରି ୧୫ ତାରିଖ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବଲାଙ୍ଗୀର ଗସ୍ତରେ ଆସିଥିବା ସମୟରେ ଏହି ପିଠର ବିକାଶ ପାଇଁ ଅନୁଦାନ ଘୋଷଣା କରିଥିଲେ। ତେବେ ଅଦ୍ୟାବଧି ପର୍ଯ୍ୟନ୍ତ କେବଳ ୪ ଟି ଚେୟାର , ସୋମେଶ୍ବର ମହାଦେବ ମନ୍ଦିର ରେ  ଏକ କେମିକାଲ ପ୍ରଲେପ, ଓ ବିନା ବିଦ୍ୟୁତ କନେକ୍ସନ ହୋଇଥିବା ଲାଇଟ ବ୍ୟବସ୍ଥା ଛଡା ଆଉ କିଛି କାମ ବର୍ତ୍ତମାନ ପର୍ଯ୍ୟନ୍ତ ହୋଇନାହିଁ। ଏପଟେ ସିନ୍ଧେକେଲା ଠାରେ

ଏକ କାର୍ଯ୍ୟକ୍ରମ ରେ ଯୋଗ ଦେବାପାଇଁ ଆସିଥିବା ସମୟରେ  ରାଜ୍ଯ ସରକାର ଙ୍କ ଫୋକସ ରେ ରାଣୀପୁର ଝରିଆଲ ଥିବା ମନ୍ତ୍ରୀ ସୁଶାନ୍ତ ସିଂହ ଗଣମାଧ୍ୟମ କୁ କହିଥିଲେ। ପରେ ୨୨ ସେପ୍ଟେମ୍ବର ୨୦୨୧ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ବଲାଙ୍ଗୀର ଗସ୍ତ ସମୟରେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଳୁଜା ଏହି ପିଠର ବିକାଶ ପାଇଁ ମଞ୍ଚ ଉପରେ ନିଜ ଅଭିଭାଷଣ ସମୟରେ ମୁଖ୍ୟମନ୍ତ୍ରୀଙ୍କୁ ନିବେଦନ କରିଥିଲେ । ତେବେ ବିଳମ୍ବରେ ହେଲେ ମଧ୍ଯ ଓଡିଶା ସରକାରଙ୍କ ପର୍ଯ୍ୟଟନ ବିଭାଗ ତରଫରୁ ୨୦ ଲକ୍ଷ ଟଙ୍କାର ଅନୁଦାନ ଆସିଥିବା ଯୋଗୁଁ ଏହି ଟଙ୍କାର ସୁବିନିଯୋଗ କେମିତି ହୋଇପାରିବ ତାହା ଉପରେ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା। ଏହି ସମୟରେ ଅନ୍ୟମାନଙ୍କ ମଧ୍ଯରେ ମନ୍ଦିର କମିଟିର ସଭାପତି ମାଣିକ ଚନ୍ଦ ଜୈନ, ବଙ୍ଗୋମୁଣ୍ଡା ବ୍ଲକ ସରପଞ୍ଚ ସଂଘ ସଭାପତି ଉପେନ୍ଦ୍ର ମେହେର, ଝରିଆଲ ସରପଞ୍ଚ ଙ୍କ ପ୍ରତିନିଧି ଗୋପୀନାଥ ସାହୁ , ମନ୍ଦିର ପୂଜକ ଜଗମୋହନ ତ୍ରିପାଠୀ,  କ୍ଷୀରସିନ୍ଧୁ ଭୋଇ , ମଞ୍ଜେସ ମେହେର, ସନ୍ୟାସୀ ଭୋଇ, କୃଷ୍ଣ ଚନ୍ଦ୍ର ସାହୁ , ପର୍ମାନନ୍ଦ ଭୋଇ , ଜ୍ଯୋତି ସାହୁ , ଯୁବରାଜ ବାଗ ,ପୁରୁଷୋତ୍ତମ ଭୋଇ ପ୍ରମୁଖଙ୍କ ସହ କମିଟିର ସମସ୍ତ ସଦସ୍ଯ ଉପସ୍ଥିତ ଥିଲେ।