01-Jan-2022

ପଦ୍ମପୁର:-ବାଦିକଟା କ୍ଲଷ୍ଟର ର ସି.ଆର.ସି.ସି.ଶ୍ରୀମାନ ଧରଣୀ ଧର ଶବର ଙ୍କ ପ୍ରସ୍ତାବ କ୍ରମେ ଶିକ୍ଷକ ଗଣ ନୂତନ ବର୍ଷ ପ୍ରାରମ୍ଭିକ ଦିବସ ରେ କୌଣସି ଭୋଜିଭାତ ନ କରି ସମାଜ ର ଗରିବ, ନିଃସହାୟ,ବରିଷ୍ଠ ନାଗରିକ ଓ ଦିବ୍ୟାଙ୍ଗ ମାନଙ୍କୁ ଶୀତ ବସ୍ତ୍ର ଖଣ୍ଡିଏ ଲେଖାଏଁ ବଣ୍ଟନ କରି ଆଜି ଅଭିନଵ ଶୈଳୀରେ   ନୂଆବର୍ଷ ପାଳନ କରିଛନ୍ତି l ସରେଇକେଲା ଗ୍ରାମର ଦାୟିତ୍ୱ ସମ୍ପନ୍ନ ଦୁଇଜଣ ଶିକ୍ଷକ ନିରାକାର ପ୍ରଧାନ, ପୂର୍ଣ୍ଣ ନେଗୀ ସରେଇକେଲା ଗ୍ରାମର 20ଜଣ ବରିଷ୍ଠ ନାଗରିକ ଙ୍କୁ ଚି଼ହ୍ନଟ କରିଥିଲେ  l ଆଜିର ଦିନରେ ଶିକ୍ଷକ ଗଣ ମହାନନ୍ଦ ବରିହା, ସୁଭଦ୍ରା ନେଗୀ, ମନୋହର ବରିହା, ଚିଦାନନ୍ଦ ସାହୁ, ଚକାମନ ସୁନା, ଶୋଭାସାଗର ମେହେର, ନିରାକାର ପ୍ରଧାନ, ପୂର୍ଣ୍ଣନେଗୀ, ବୈଷ୍ଣବ ପଟେଲ, ବସନ୍ତ ଡନସନା, ବିନୋଦ ଚୋଖି, ଦିଲ୍ଲୀପ କୁମାର ଭୋଇ, ଦେବାଶିଷ ନାଗ, ପିଛାଲୁ ବାରିକ, ସୁଶୀଲ କୁ. ପ୍ରଧାନ, ଜିତେନ୍ଦ୍ର ସାହୁ,ବିନୋଦ ପ୍ରଧାନ, ସୁଷମା ପାତ୍ର, ତପସ୍ୱିନୀ କିସାନ,ଧରଣୀଧର ଶବର  ଆଦି 20 ଜଣ ବରିଷ୍ଠ ନାଗରିକଙ୍କୁ କମ୍ବଳ ଖଣ୍ଡିଏ ଲେଖାଏଁ ଦେଇ ତାଙ୍କ ଠାରୁ

ଆଶୀର୍ବାଦ ଗ୍ରହଣ କରିଥିଲେ l ପ୍ରତିବର୍ଷ ନୂଆବର୍ଷ ପ୍ରାରମ୍ଭିକ ଦିବସ କୁ ଏହିପରି ପାଳନ କରାଯିବ ଏବଂ ଜୀବନ ବ୍ୟାପି କରିବା ପାଇଁ ଉପସ୍ଥିତ ଶିକ୍ଷକ ଶିକ୍ଷୟତ୍ରୀ  ଗଣ ଶପଥ ନେଇଥିଲେ l ସମାଜପାଇଁ ଆହୁରି ଅନେକ କାର୍ଯ୍ୟକ୍ରମ ଆଗାମୀ ଦିନରେ କରିବାକୁ ଶ୍ରୀମାନ ଶବର ସମସ୍ତଙ୍କୁ ଆହ୍ୱାନ ଦେଇଥିଲେ l ନୂତନ ବର୍ଷ ର ପ୍ରଥମ ଦିବସ ରେ ଶିକ୍ଷକ ଶିକ୍ଷୟତ୍ରୀ ଙ୍କ ଏହିପରି ମହତ ଓ ନିଆରା  କାର୍ଯ୍ୟକ୍ରମ କୁ ସରେଇକେଲା ଗ୍ରାମର ତଥା ଅଞ୍ଚଳ ବାସି ପ୍ରଶଂସା କରୁଛନ୍ତି