23-Dec-2021

ପଦ୍ମପୁର: ଆଜି  ଗୁରୁବାର ଦିନ କପିଲମୁନି ଆଶ୍ରମ ନୃସିଂହନାଥ ଠାରେ ୨ ଘଣ୍ଟା ସମୟରେ ଗନ୍ଧମାର୍ଦ୍ଧନ ସୁରକ୍ଷା ଆନ୍ଦୋଳନର ବିଜୟା ଦିବସ ପାଳନ ନିମନ୍ତେ କାର୍ଯ୍ୟାଳୟ ସଂପାଦକଙ୍କ ଆହ୍ବାନ ଓ ନୃସିଂହ ବଞ୍ଛୋରଙ୍କ ସଭାପତିତ୍ବରେ ଏକ ଗୁରୁତ୍ୱ ବୈଠକ ଅନୁଷ୍ଠିତ ହୋଇଥିଲା।ଆସନ୍ତା ୨୬/୧୨/୨୦୨୧ ରିଖ ବିଜୟା ଦିବସ ପାଳନ କରାଯିବ। ପାଇକମାଳ ପୂର୍ତ୍ତ ବିଭାଗ ବଙ୍ଗଳା ଠାରୁ ନୃସିଂହନାଥ ପର୍ଯ୍ୟନ୍ତ ଏକ ଶୋଭାଯାତ୍ରା କରିବା ପାଇଁ ନିଷ୍ପତି ନିଆ ଯାଇଛି।କୋଭିଡ ନିୟମ ଅନୁସାରେ ବିଜୟା ଦିବସ ପାଳନ କରାଯିବ ୨୪,୨୫,୨୬/୧୨/୨୦୨୧  ତିନିଦିନ ଧରି ଗନ୍ଧମାର୍ଦ୍ଧନ ସୁରକ୍ଷା ଆନ୍ଦୋଳନର ବିଜୟ ଉତ୍ସବ ପାଳନ ସଙ୍ଗେ ଡଙ୍ଗର ବୁଢ଼ା ଗନ୍ଧମାର୍ଦ୍ଧନର ପୂଜା,ହୋମ,ଯଜ୍ଞ ସହ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ହେବ ବୋଲି ଗନ୍ଧମାର୍ଦ୍ଧନ ସୁରକ୍ଷା ଯୁବ ପରିଷଦର କେନ୍ଦ୍ରୀୟ ଆବାହକ ଶ୍ରୀ ରବିନାରାୟଣ ସାହୁ ସୂଚନା ଦେଇଛନ୍ତି। ସର୍ବଶ୍ରୀ କାର୍ଯ୍ୟାଳୟ ସମ୍ପାଦକ ମୋହନ ଜଗତ,ଗିରିଶ ଡନସେନା,ନୃସିଂହ ବାବା,ମଲଖାମ ସିଂ,ନକୁଲ ମଲ୍ଲିକ,ନିର୍ମଳ ପଟେଲ,ସୁବୋଧ ପଣ୍ଡା ପ୍ରମୁଖ ଉପସ୍ଥିତ ଥିଲେ।