19-Dec-2021

ପଦ୍ମପୁର:-ତ୍ରିସ୍ତରୀୟ ପଞ୍ଚାୟତ ନିର୍ବାଚନକୁ ଆଖି ଆଗରେ ରଖି ପଦ୍ମପୁର ନିର୍ବାଚନ ମଣ୍ଡଳୀର ପାଇକମାଳ ସହର ଠାରୁ ଅନତି ଦୂରରେ ଥିବା ସାଲେପାଲି ସ୍ଥିତ ବିଜୁ ଜନତା ଦଳ କାର୍ଯ୍ୟାଳୟ ଠାରେ ବିଜୁଜନତା ଦଳ ପାଇକମାଳ ବ୍ଳକ ସଭାପତି ରାଜେନ୍ଦ୍ର ରାଉତଙ୍କ ଆହ୍ୱାନ କ୍ରମେ ଏକ ବୈଠକ ଅନୁଷ୍ଠିତ ହୋଇଯାଇଛି l ଆଗାମୀ ପଞ୍ଚାୟତ ନିର୍ବାଚନରେ କିଭଳି ରଣନିତୀ ତେୟାର୍ କରିବାକୁ ପଡ଼ିବ ଏବଂ ବିଜୁଜନତା ଦଳର ପ୍ରାର୍ଥୀ ମାନେ ବିପୁଳ ମାତ୍ରାରେ ବିଜୟ ଲାଭ କରିବେ ତାକୁ ନେଇ ମାନସ ମନ୍ଥନ ହୋଇଥିଲା lତ୍ରିସ୍ତରୀୟ ନିର୍ବାଚନରେ ସରପଞ୍ଚ ପ୍ରାର୍ଥୀ, ସମିତି ସଭ୍ୟ ପ୍ରାର୍ଥୀ ଓ ଜିଲ୍ଲା ପରିଷଦ ପ୍ରାର୍ଥୀ ଚୟନକୁ 

 ନେଇ ଅଙ୍କକଷା କାର୍ଯ୍ୟକ୍ରମ ଏକ ପ୍ରକାର ସମାପ୍ତ ହୋଇଯାଇଛି ବୋଲି ବିଶ୍ୱସ୍ତ ସୂତ୍ରରୁ ଜଣାପଡିଛି lଏହି ମାନସ ମନ୍ଥନ କାର୍ଯ୍ୟକ୍ରମ ସମୟରେ ପାଇକମାଳ ବ୍ଳକ ଅଧ୍ୟକ୍ଷ ଅଲତାପ ମହମ୍ମଦ, ବିଧାୟକଙ୍କ ପ୍ରତିନିଧି ଦାୟିତ୍ବ ତୁଲାଇ ଆସୁଥିବା ପ୍ରିୟ ହୃଦାନନ୍ଦ ବାରିକ, ଛାତ୍ର ବିଜେଡ଼ି ବ୍ଳକ ସଭାପତି ରବିନାରାୟଣ ସାହୁ, ଯୁବ ବିଜେଡି ବ୍ଳକ ସଭାପତି ଗୈାତମ ସିଂ, ପାଇକମାଳ ସରପଞ୍ଚ ଧବଳେଶ୍ଵର ସାହୁ ପ୍ରମୁଖ ଅଂଶଗ୍ରହଣ କରିଥିଲେ l