15-Dec-2021

ପଦ୍ମପୁର:-ବରଗଡ଼ ଜିଲ୍ଲାପାଳ ମନଷା  ବାନାର୍ଜୀ ଅଚାନକ ମାଣ୍ଡୋସିଲ ମାର୍କେଟୟାର୍ଡ ପରିଦର୍ଶନ କରିଥିବା ସୂଚନା ମିଳିଛି।ମାର୍କେଟ ୟାର୍ଡ ବୁଲିବା ସମୟରେ ଜିଲ୍ଲାପାଳ କେତେକ ଧାନ ଗଦାରେ ଚାଷୀଙ୍କ ପରିଚୟ ପତ୍ର ନ ଥିବାରୁ ସେହି ଧାନକୁ ତଦନ୍ତ କରିବାକୁ ଉପସ୍ଥିତ ବିଭାଗୀୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ।ପଦ୍ମପୁର ଉପଜିଲ୍ଲାପାଳ ତ୍ରିଲୋଚନ ପାତ୍ର ସମେତ ଜିଲ୍ଲା ମୁଖ୍ୟ ଯୋଗାଣ ଅଧିକାରୀ ରଜନୀକାନ୍ତ ଦାସ, ପଦ୍ମପୁର ସହକାରୀ ଯୋଗାଣ ଅଧିକାରୀ ସନ୍ତୋଷ କୁମାର ପ୍ରଧାନ,ପାଇକମାଳ ବ୍ଲକ ଯୋଗାଣ ଅଧିକାରୀ ପ୍ରମୋଦ କୁମାର ପଣ୍ଡା, ସମବାୟ ସମିତି ବିଭାଗୀୟ ଅଧିକାରୀ ପ୍ରମୁଖ ତଦନ୍ତ ପ୍ରକିୟା ଆରମ୍ଭ କରିଥିଲେ।ପରିଚୟ ପତ୍ର   ନ ଥିବା ସେହି ଧାନ ଫୁଲ ସିଂ ମାଝୀ ନାମକ ଜଣେ ଚାଷୀଙ୍କ ହୋଇଥିବା ଓ ସେ ୧୦୦ପ୍ୟାକେଟ ଧାନ ପ୍ରକାଶ କରିଥିବା ବେଳେ ସେହି ଗଦାରୁ ୮୧ପ୍ୟାକେଟ ଧାନ ବାହାରିଥିଲା।ଏପରିକି ଧାନର କିସମ ବାବଦରେ ମାଝୀ କହୁଥିବା କଥାରେ ମଧ୍ୟ ବ୍ୟତିକ୍ରମ ଦେଖାଦେଇଥିଲା।କିଛି ଅସାଧୁ ବ୍ୟବସାୟୀ ଚାଷୀ ମାନଙ୍କ

ନାମରେ ଏହି ଧାନ ସବୁ ମଣ୍ଡି ମାନଙ୍କରେ ଧାନ ପକାଉଥିବା ଦେଖାଦେଉଛି।ପାଇକମାଳ ଯୋଗାଣ ଅଧିକାରୀ ପ୍ରମୋଦ କୁମାର ପଣ୍ଡା ଏହି ୮୧ ପ୍ୟାକେଟ ଅର୍ଥାତ୍ କ୍ୟୁ ୩୨.୯୦କେଜି ଧାନକୁ ଜବତ୍ କରିଥିବା ଏକ ସୂଚନା ମିଳିଛି।ଏହିପରି ଭାବରେ ଧାନମଣ୍ଡିକୁ ପ୍ରଶାସନିକ ଅଧିକାରୀ ମାନେ ତଦନ୍ତ ପ୍ରକିୟା ଜାରି ରଖିଥିବାରୁ ଜନସାଧାରଣରେ ପ୍ରଂଶସାର ପାତ୍ର ହୋଇଥିବା ବେଳେ ଏଣିକି ବାରମ୍ବାର ଏପରି ଚଢ଼ାଉ ଜାରି ରଖିବାକୁ ଜନସାଧାରଣରେ ମତ ପ୍ରକାଶ ପାଇଛି।