15-Dec-2021

ବରଗଡ/ଅତାବିରା:- ବରଗଡ଼ ଜିଲ୍ଲା ଅତାବିରା ବ୍ଲକ  ଅନ୍ତର୍ଗତ ରେଙ୍ଗାଲିକ୍ୟାମ୍ପ ରୁ ଥୁଆପାଲି ରାସ୍ତାରେ ରହିଛି ପତ୍ରାପାଳି ଛକ।ଏହି ଛକର ଅନତି ଦୂରରେ ରହିଛି ଖଲଖଳି ଟିକ୍ରା ।ଏଠାରେ ରହୁଥିବା ପଡ଼ାବାସୀଙ୍କ ପାଇଁ ବିଦ୍ୟୁତ ବିଭାଗ ପକ୍ଷରୁ ଏକ ଟ୍ରାନ୍ସଫର୍ମର ଲଗାଯାଇଛି। ଏହି ଟ୍ରାନ୍ସଫର୍ମର ରୁ ଏବେ ଲାଇନ ଚୋରି  ହେଉଛି କେନାଲ ବିଭାଗର ପୋଲ କାମ ପାଇଁ। ଆରଡି ରାସ୍ତାକୁ ଫଟାଇ ତାରକୁ ମାଟି ତଳେ ପୋତି ୨୦୦ମିଟର ଦୂର ପର୍ଯ୍ୟନ୍ତ ତାର ଲମ୍ବାଯଇ ଲାଇନ ଦିଆଯାଇଛି କେନାଲ ବିଭାଗକୁ। କିନ୍ତୁ ଆଶ୍ଚର୍ଯ୍ୟ ର ବିଷୟ ଯେ ଏହି ଲାଇନ କେମିତି  ଦିଆଯାଇଛି  ବିଦ୍ୟୁତ୍ ବିଭାଗର କୌଣସି କର୍ମଚାରୀ ଙ୍କୁ ଜଣା ନାହିଁ।ତେବେ ଭୂତ ଆସିକି ଲାଇନ ତାର ମାଟିତଳେ ଟlଣିଯାଇଛି କି ?
ଏ ନେଇ ପତ୍ରାପାଲି ଅଧୀନରେ ଥିବା ରୋଏକ୍ସ  ହେଲପର ଦେବ କାଲସେକୁ ପଚାରିବାରୁ ସେ ଏ ବିଷୟରେ କିଛି ଜାଣିନଥିବା ପ୍ରକାଶ କରିଥିଲେ ଓ ଯଦି ଲାଇନ ଦିଆଯାଇଛି ତେବେ ତାକୁ ସେ କାଟିଦେବେ ବୋଲି କହିଥିଲେl ଏଇଠି ପ୍ରଶ୍ନବାଚୀ ସୃଷ୍ଟି ହେଉଛି କି, ଯଦି ସେ କିଛି ଜାଣି ନାହାନ୍ତି ତେବେ ତାକୁ କାଟିବେ କିପରି ?ଏହାପରେ ଆଉ ଏକ ଲାଇନମେନ  ସନ୍ତୋଷ ମହାନ୍ତିଙ୍କୁ  ପଚାରିବାରୁ  ସେ ଏମିତି ଉତ୍ତର ଦେଇଥିଲେ ଯେ,ଯିଏ ଶୁଣିବ ହସିବ lଆଉ ସତକୁ ଲୁଚାଇବାକୁ ମଣିଷ ବେଳେ ବେଳେ ଅବାସ୍ତବ କୁ ବାସ୍ତବ ରୂପ ଦେଇପାରେ ତାହା ତାଙ୍କ ଉତ୍ତରରୁ ବେଶ ସ୍ପଷ୍ଟ ଅନୁମେୟ l ଲାଇନମେନ ମହାନ୍ତି ବାବୁ କହିଲେ,ସେ କିଛି ଜାଣିନାହାନ୍ତି ଏ ବିଷୟରେ l ଯଦି ଲାଇନ ଦିଆଯାଇଛି ତା ହେଲେ ଅନଲାଇନ ମାଧ୍ୟମରେ ହୋଇଥାଇପାରେ ଏବଂ ଏସ ଡି ଓ କିମ୍ବା ସେକ୍ସେନାଲ ଅଫିସର ଜାଣିଥିବେ l ତେବେ ଅନଲାଇନ ମାଧ୍ୟମରେ ଘରେ ବସି ମାଟି ଖୋଲି ହୁଏ ଆଉ ତାର ଟଣାଯାଇ ବିଦ୍ୟୁତ  ସଂଯୋଗ କରାଯାଇପାରେ ଆଜି ପ୍ରଥମେ ଜାଣିବାକୁ ମିଳିଲା ଏହି ମହାଶୟଙ୍କ ଠାରୁ।ଏହାର ସତ୍ୟତା ଜାଣିବା ପାଇଁ ରେଙ୍ଗାଲି କ୍ୟାମ୍ପ ସେକ୍ସନ ଅଫିସର ଜେଇ ଙ୍କୁ ପଚାରିବାରୁ ,ସେ  ମଧ୍ୟ  କିଛି ଜାଣି ନାହାନ୍ତି ବୋଲି କହିଥିଲେ।ଆଉ ଯଦି ଲାଇନ ଚୋରି ହୋଇଛି ତେବେ,ତାକୁ ପେନାଲ୍ଟି କରି ଫାଇନ କରିବା ତା ଉପରେ ଏକ୍ସନ୍ ନେବା ବୋଲି  ଚତୁରତା ର ସହ ପ୍ରକାଶ କରିଥିଲେ।ତେବେ ଆରଡି ମୁଖ୍ୟ ରାସ୍ତାକୁ ଫଟାଇ ଭୂତ ନା ପ୍ରେତ ତାର ଟାଣି ଲାଇନ ଦେଇଛି ବୋଧହୁଏ l ଠିକାଦାର କୁ ପଚାରିଲେ କହୁଛି ଲାଇନମେନ ଲାଇନ ଦେଇଛି ବୋଲି।ତେବେ ସେ ଲାଇନ ମେନ୍ ଜଣକ କିଏ ? ବିଭାଗୀୟ ଅଧିକାରୀ ଙ୍କ ଅଜାଣତରେ ଏମିତି ଅପରାଧ ମୂଳକ କାମ କରୁଥିବା କର୍ମଚାରୀଙ୍କ ବିରୋଧରେ କଣ କାର୍ଯ୍ୟାନୁଷ୍ଠାନ ରହିଛି ? ଟାଟା ପାୱାର ନିୟମ କେବଳ ଜନ ସାଧାରଣ ପାଇଁ କି?ସରକାରୀ ଅନୁଷ୍ଠାନ ମାନଙ୍କରେ ବି ଅଳ୍ପ କିଛି ବିଚ୍ୟୁତି ଥିଲେ ,ନିୟମ ର ଆଳ ଦେଖାଇ ଟାଟା ପାୱାର ହଜାର ହଜାର ଟଙ୍କା ଫାଇନ କରୁଛି। ତେବେ ରାସ୍ତାକୁ ଫଟାଇ ନିୟମ ଭାଙ୍ଗି ସିଧାସଳଖ ଟ୍ରାନ୍ସଫର୍ମର ରୁ ଲାଇନ ଚୋରି କରି ଦେବା ଓ ନେବା ଲୋକଙ୍କ ପାଇଁ କେତେ ଲକ୍ଷ ଟଙ୍କା ଫାଇନ କରାଯିବ  ତାହା ଦେଖିବାକୁ ଉତ୍ସୁକତା ଭରୁଛିଜନସାଧାରଣ ମନରେ।ପ୍ରକାଶ ଥାଉକି କିଛି ମାସ ତଳେ ରେଙ୍ଗାଲିକେମ୍ପ କେନାଲ କଲୋନୀରେ କେନାଲ ବିଭାଗର କିଛି କର୍ମଚାରୀ ଅନୈତିକ ଭାବରେ ବିଦ୍ୟୁତ ବ୍ୟବହାର କରିଆସୁଥିଲେ। ଏବଂ କିଛି କର୍ମଚାରୀ ସେଥିରେ ସଂଶ୍ଳିଷ୍ଟ ରହିଥିଲେ ବୋଲି ଜଣାପଡିଥିଲା।ଏହି ଖବର ଗଣମାଧ୍ୟମକୁ ଆସିବା ପରେ ବିଭାଗୀୟ କର୍ତ୍ତୃପକ୍ଷ ଏକ ଦଳ ନେଇ କଲୋନୀ କୁ ପ୍ରବେଶ କରି ଫାଇନ ଆଦାୟ  କରିବା ସହ ଲାଇନ ସଂଯୋଗ କଟାଯାଇଥିଲା । ତେବେ ବିଦ୍ୟୁତ ବିଭାଗୀୟ କର୍ମଚାରୀ, ଠିକାଦାରଙ୍କ ମଧୁଚନ୍ଦ୍ରିକାରେ ଏମିତି ବିଦ୍ୟୁତ ଚୋରି ହେଉଥିବା ଏବେ ବେଶ ଚର୍ଚ୍ଚାକୁ ଆସିଛି। ବିଦ୍ୟୁତ ବିଭାଗରେ ଏବେ ବହୁତ ପରିମାଣରେ ବେନିୟମ କାର୍ଯ୍ୟ ଚାଲୁଥିବା ଦେଖିବାକୁ ମିଳୁଛି।ଏମିତିକି, ଲାଦେରପାଲିରେ ଏକ ଘର ଉପରୁ ଯାଇଥିବା ୧୧ କେ. ବି ତାର କୁ ବି ବିନା ଅନୁମତିରେ ସ୍ଥାନାନ୍ତର କରାଯାଇଥିବା  ନଜିର ରହିଛି lତେବେ ଦେଖାଯାଉ ଟାଟା ପାୱାର ଏମାନଙ୍କ ଉପରେ କଣ ପଦକ୍ଷେପ ନେବ ତାହା ଦେଖିବାକୁ ବାକି ରହିଲା