15-Dec-2021

ଗଞ୍ଜାମ (ଉମା ମହାରଣା): ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ତରଫରୁ ଛତ୍ରପୁର ବ୍ଳକ ଅନ୍ତର୍ଗତ କେରାଣ୍ଡିତୋଳା ନାରାୟଣ ପୁର ଗ୍ରାମର  ଗରିବ ଓ ବିଧବା ମହିଳାଙ୍କୁ ଶୀତ ବସ୍ତ୍ର ବଣ୍ଟନ କରାଯାଇଛି । କ୍ଳବର ବରିଷ୍ଠ ସଦସ୍ୟ ଯୋଗେନ୍ଦ୍ର କାପୁରଙ୍କ ବଦାନ୍ୟତାରେ ତଥା କେ.ଟି.ଏନ୍.ପୁର ବରିଷ୍ଠ ନାଗରିକ ମଞ୍ଚର 

 ସହଯୋଗରେ ଶୀତବସ୍ତ୍ର ବଣ୍ଟନ କରାଯାଇଥିଲା । କ୍ଳବର ସଭାପତି କାମରାଜୁ ମହାରଣାଙ୍କ ପ୍ରତ୍ୟକ୍ଷ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅବସରପ୍ରାପ୍ତ ରାଜସ୍ୱ ନିରୀକ୍ଷକ ସୂର୍ଯ୍ୟନାରାୟଣ ପ୍ରଧାନ, ସ୍ବେଚ୍ଛାସେବୀ କୃଷ୍ଣଚନ୍ଦ୍ର ପ୍ରଧାନ,  ବରିଷ୍ଠ ନାଗରିକ ମଞ୍ଚର ସଭାପତି ନରହରି ପ୍ରଧାନ, ସଂପାଦକ ବାଉରୀବନ୍ଧୁ ସାହୁ, ଉପସଭାପତି ଘନଶ୍ୟାମ ସାହୁ, ଯୁଗ୍ମ ସଂପାଦକ ଗୋପାଳ ଚନ୍ଦ୍ର ମହାରଣା ଓ କୋଷାଧ୍ୟକ୍ଷ ପ୍ରକାଶ ଚନ୍ଦ୍ର ପାଣିଗ୍ରାହୀ ପ୍ରମୁଖ କାର୍ଯ୍ୟକ୍ରମ

ପରିଚାଳନା କରିଥିଲେ । କ୍ଳବର ତଥା ରୋଟାରୀଆନ୍ କାପୁରଙ୍କ ଏହି ବଦାନ୍ୟତାକୁ ସାଧାରଣରେ ପ୍ରସଂଶା କରାଯାଇଥିଲା l ଆଗାମୀ ଦିନରେ ଅଧିକ ସଂଖ୍ୟକ ଶୀତବସ୍ତ୍ର ବଣ୍ଟନ କରିବା ପାଇଁ କ୍ଳବ ତରଫରୁ ପ୍ରଚେଷ୍ଟା ଜାରି ରହିବ ବୋଲି ସଭାପତି ମହାରଣା ପ୍ରକାଶ କରିଥିଲେ ।