14-Dec-2021

ବରଗଡ/ରେଙ୍ଗାଲିକେମ୍ପ:-ଆଜି ଟୋପ ହାଇସ୍କୁଲ ରେ ଗାଇଡ କ୍ୟାପଟେନ ଅନୁସୂୟା ଦେବତା ଓ ସ୍କାଉଟ୍ ମାଷ୍ଟର ପ୍ରମୋଦ ମିଶ୍ରଙ୍କ  ତତ୍ବାବଧାନରେ  ସ୍କାଉଟ ଓ ଗାଇଡ ମାନଙ୍କୁ ନେଇ  ଜନ ସଚେତନତା ଅଭିଯାନ କରାଯାଇଥିଲା।  ପାଳନର ଚତୁର୍ଦ୍ଦଶ ଦିବସ ଅବସରରେ  ଜନସାଧାରଣଙ୍କୁ  ପରିବେଶ  ସୁରକ୍ଷା ସହ  ସ୍ୱଚ୍ଛ ରଖିିବା ଆମ ସମସ୍ତଙ୍କର  କର୍ତ୍ତବ୍ୟ  ଅଟେ  ଓ ସୁସ୍ଥ ରହିବା ପାଇଁ ପରିବେଶ କୁ ପରିଷ୍କାର ପରିଚ୍ଛନ୍ନତା ରହିବା  ନିହାତି ଆବଶ୍ୟକ ଅଟେ ବୋଲି  ବିଭିନ୍ନ ସ୍ଲୋଗାନ ମାଧ୍ୟମରେ  ଜନ ସାଧାରଣଙ୍କୁ ସଚେତନ କରିଥିଲେ।  ସ୍ୱଚ୍ଛ ପରିବେଶ- ସୁସ୍ଥ ପରିବେଶ,ଆମରି ସୁରକ୍ଷା ଆମରି ହାତେ,ପଲିଥିନ ବ୍ୟବହାର ବନ୍ଦ କର ,ଆଦି ଅନେକ ପ୍ରକାର ସଚେତନ ମୂଳକ ସ୍ଲୋଗାନ ଦେଇ ପ୍ଲାକାର୍ଡ ଧରି ଗ୍ରାମ ପରିକ୍ରମା କରିଥିଲେ ।ଏହା ସହ କରୋନା ମହାମାରୀ ସହ ମୁକାବିଲା କରିବାକୁ ଆମେ ସଦାବେଳେ ମାସ୍କ ବ୍ୟବହାର କରିବା ସହ ସାମାଜିକ ଦୂରତା ରକ୍ଷା କରିବା,ବାରମ୍ବାର ହାତ

ଧୋଇବା ଆଦି ବିଷୟରେ ମଧ୍ୟ ଲୋକଙ୍କୁ ସଚେତନ  କରିଥିଲେ ସ୍କାଉଟ୍ସ ଓ ଗାଇଡ୍ ମାନେ। ଭାରତ ସରକାର ନିର୍ଦ୍ଦେଶାନୁସାରେ ପ୍ରତି ବିଦ୍ୟାଳୟ ମାନଙ୍କରେ ଡିସେମ୍ବର ମାସର ପ୍ରଥମ ତାରିଖରୁ ପନ୍ଦର ତାରିଖ ଯାଏ  ସ୍ବଚ୍ଛତା ଦିବସ  ପାଳନ କରାଯାଉଛି ।ତେବେ ଏହି ଯୋଜନା ଅନୁସାରେ ବିଦ୍ୟାଳୟ ର ଛାତ୍ର ଛାତ୍ରୀଙ୍କ ମଧ୍ୟରେ ସ୍ବଚ୍ଛତା ଉପରେ ଅଧିକ ସଚେତନ ଆଣିବା ପାଇଁ  ତାଙ୍କ ମଧ୍ୟରେ ବିଭିନ୍ନ ପ୍ରକାର ପ୍ରତିଯୋଗିତା କରାଯିବା ସହ  ସ୍ବଚ୍ଛତା ଅଭିଯାନ ଉପରେ ଅନେକ ଥର ଆଲୋଚନା ଚକ୍ର କରାଯାଇଥିଲା ।ତେବେ ଏହି କାର୍ଯ୍ୟକ୍ରମରେ ବିଦ୍ୟାଳୟର  ଶିକ୍ଷକ ଦେବରାଜ ବେହେରା,ଲଳିତ କୁମାର ଗଡତିଆ, ସୁଧୀର ରଥ, ବାଳମୁକୁନ୍ଦ ସାହୁ, ଶିକ୍ଷୟିତ୍ରୀ ସୁଚେତା ମିଶ୍ର  ଓ କର୍ମଚାରୀ ରମପ୍ରସlଦ ଭୋଇ  ସକ୍ରିୟ ସହଯୋଗ କରି ସଫଳତା ର ପରିଚୟ ସୃଷ୍ଟି କରିଥିଲେ l