14-Dec-2021

ପଦ୍ମପୁର: ଆଜି ପଦ୍ମପୁର ଓକିଲ ସଂଘର ସଭାପତି ଗୌନ୍ତିଆ କୁମାର ସାହୁଙ୍କ ନେତୃତ୍ବରେ ଓକିଲ ସଂଘର ଏକ ପ୍ରତିନିଧି ଦଳ ରାଜସ୍ବ ସେକ୍ରେଟାରୀ ଆର୍ ଡି ସି (ଉତ୍ତରାଞ୍ଚଳ ଡିଭିଜନ), ସମ୍ବଲପୁର ଭିନସେଣ୍ଟ ପୁନମ୍ ଏକ୍କା ଙ୍କୁ ଭେଟିଥିଲେ lଏ ଅବସରରେ ଅଞ୍ଚଳର ବୃହତ୍ତର ସ୍ବାର୍ଥକୁ ଦୃଷ୍ଟିରେ ରଖି ପଦ୍ମପୁରରେ ଅତିରିକ୍ତ ଜିଲ୍ଲାପାଳଙ୍କ କେମ୍ପକୋର୍ଟ କରି  ସମସ୍ୟା ଗୁଡ଼ିକର ଯଥାଶୀଘ୍ର ସମାଧାନ କରିବା ପାଇଁ ଏକ ଦାବିପତ୍ର ପ୍ରଦାନ କରାଯାଇଛି lହମିଦ୍ ସମୟର ବିକ୍ରିନାମା ଜନିତ ସମସ୍ୟା ଗୁଡ଼ିକର ସମାଧାନ ପାଇଁ ପଦ୍ମପୁର ତହସିଲ ଅଫିସରେ ସମାଧାନ କରିବା ପାଇଁ ଏ ପ୍ରତିନିଧି ଦଳ ପଦକ୍ଷେପ ନେବାକୁ ଅନୁରୋଧ କରିଛନ୍ତି l ପଦ୍ମପୁର ସବକଲେକ୍ଟର କୋର୍ଟ କୁ ତ୍ବରାନ୍ବିତ କରିବା

ପାଇଁ ମଧ୍ୟ ପଦ୍ମପୁର ଓକିଲ ସଂଘ ଅନୁରୋଧ କରିଥିଲେ ଏବଂ ଅଞ୍ଚଳର ଅନ୍ୟାନ୍ୟ ସମସ୍ୟା ବିଷୟରେ ମଧ୍ୟ ଆଲୋଚନା କରିଛନ୍ତି ବୋଲି ବିଶ୍ୱସ୍ତ ସୂତ୍ରରୁ ଜଣାପଡିଛି l ରାଜସ୍ବ ସେକ୍ରେଟାରୀ ଶ୍ରୀ ଏକ୍କା ଓକିଲ ସଂଘର ଦାବି ଉପରେ ବିଚାର କରି ଆବଶ୍ୟକୀୟ ପଦକ୍ଷେପ ଗ୍ରହଣ କରିବେ ବୋଲି ପ୍ରତିଶୃତି ପ୍ରଦାନ କରିଛନ୍ତି l ଏ ପ୍ରତିନିଧି ଦଳରେ ଓକିଲ ସଂଘର ସଂପାଦକ ପ୍ରଶାନ୍ତ କୁମାର ମାଝି, ସହସଂପାଦକ ଚିନ୍ମୟ କୁମାର ପଣ୍ଡା, ବରିଷ୍ଠ ଓକିଲ ଆନନ୍ଦ କୁମାର ପଣ୍ଡା, ଆଶିଷ କୁମାର ମିଶ୍ର, ଆଦିତ୍ୟ କୁମାର ରଥ ଏବଂ ରୋହିତ କୁମାର ଭୋଇ ପ୍ରମୁଖ ସାମିଲ ହୋଇଥିଲେ ।