14-Dec-2021

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )
ଆଶା କର୍ମୀ ମାନଙ୍କୁ ଅଣଦେଖା କରାଯାଉଥିବା ଅଭିଯୋଗ ନେଇ ଆଜି ଧର୍ମଗଡ଼ ବ୍ଲକ୍ ଆଶାକର୍ମୀ ସଂଘ ମାନ୍ୟବର ମୂଖ୍ୟ ମନ୍ତ୍ରୀ ଙ୍କ ଉଦ୍ୟେଶ୍ୱରେ ପର୍ଲା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧିକାରୀ ଙ୍କ ଜରିଆରେ   ଏକ ଦାବି ପତ୍ର ପ୍ରଦାନ କରିଛନ୍ତି ।ଦୀର୍ଘ ୧୬ ବର୍ଷ ଧରି ସ୍ଵାସ୍ଥ୍ୟ ବିଭାଗ ଅଧିନରେ କାର୍ଯ୍ୟରତ ଆଶାକର୍ମୀ ମାନେ  ମହାମାରୀ କରୋନା ସମୟରେ ମଧ୍ୟ ନିଜ ଜୀବନକୁ ବାଜି ଲଗେଇ କରୋଣା ଜନିତ ସେବା ଯୋଗାଇ ଆସିଛନ୍ତି , ଦିନ ରାତି  ଖଟି ସ୍ଵାସ୍ଥ୍ୟ ବିଭାଗ ଅଧିନରେ ଜନସେବା କରିଆସିଛନ୍ତି  କିନ୍ତୁ ସରକାର ଏ ପର୍ଯ୍ୟନ୍ତ ଆଶାକର୍ମୀ ମାନଙ୍କୁ ଅଣଦେଖା କରୁଥିବା ତାଙ୍କ ଦାବି ପତ୍ରରେ ଉଲ୍ଲେଖ କରିଛନ୍ତି ।

ତା ସହ ମାନ୍ୟବର ସାଂସଦ ସୁବାଷ ସିଂ କିଛିଦିନ ତଳେ ସାଂସଦ ପ୍ରଶ୍ନୋତ୍ତର ସମୟରେ ଆଶାକର୍ମୀ ମାନଙ୍କୁ ଅଣଦେଖା କରିବା ଅତ୍ୟନ୍ତ ଦୁର୍ଭାଗ୍ୟ ଓ ଆଶାକର୍ମୀ ମାନଙ୍କୁ କଷ୍ଟ ଦେଇଛି  ବୋଲି ପ୍ରକାଶ କରିଛନ୍ତି ।ମାନ୍ୟବର ମୁଖ୍ୟ ମନ୍ତ୍ରୀ ଏଥିପ୍ରତି ଦୃଷ୍ଟି  ଦେଇ ଆଶାକର୍ମୀଙ୍କ ଦରମା ବୃଦ୍ଧି  ସହ ସ୍ଥାୟୀ ନିଯୁକ୍ତି ଦେବାପାଇଁ ଦାବି କରିଛନ୍ତି ।ଯଦି ସରକାର ଅସାକର୍ମି  ମାନଙ୍କୁ ଅଣଦେଖା କରନ୍ତି ତା ହେଲେ ଆଗାମୀ ଦିନରେ କାର୍ଯ୍ୟରୁ ଓହରି ଯିବାକୁ ମଧ୍ୟ ଚେତାବନୀ ଦେଇଛନ୍ତି।ଏଥିରେ ଧର୍ମଗଡ଼ ବ୍ଲକ ଆଶା କର୍ମୀ ସଂଘ ସଭାନେତ୍ରୀ ଦେବକୀ ମଙ୍ଗରାଜ ସମ୍ପାଦିକା  ମମତା ବିଶି ସଂଯୋଜିକା ବିଳାସିନୀ ବାଗ ପ୍ରମୁଖ ଉପସ୍ଥିତ ରହିଥିଲେ  ।