14-Dec-2021

କଟକ ଶ୍ରୀରାମଚନ୍ଦ୍ର ଭବନ ଠାରେ  ସାହିତ୍ୟିକ କବି ବନ୍ଧୁ ପରିବାରର ବାର୍ଷିକ ଉତ୍ସବ ଦୁଇଟି ପର୍ଯ୍ୟୟରେ ଅତ୍ୟନ୍ତ ମନୋଜ୍ଞ  ପରିବେଶରେ ଶୃଙ୍ଖଳାର ସହିତ ଅନୁଷ୍ଠିତ ହୋଇ ଯାଇଛି l ପ୍ରଥମlର୍ଦ୍ଧରେ ବୈଦିକ ତଥା ପାରମ୍ପରିକ ରୀତିନୀତିରେ ଅନୁଷ୍ଠିତ ସଭାରେ  ଅନୁଷ୍ଠାନର ବାର୍ଷିକ ପତ୍ରିକା ଶିଖାର ଦ୍ୱିତୀୟ ସଂଖ୍ୟା ଓ ଅନ୍ୟ ନଅଟି ପତ୍ରିକାର ଉନ୍ମୋଚନ , ସମ୍ବର୍ଦ୍ଧନା ସଭା, ବୃକ୍ଷବଣ୍ଟନ ଇତ୍ୟାଦି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ସଭାପତି ଦେବେନ୍ଦ୍ର ନାଏକଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ଅନୁଷ୍ଠାନର ପ୍ରାଣ ପ୍ରତିଷ୍ଠାତ୍ରୀ ତଥା ସମ୍ପାଦିକା ଶ୍ରୀମତୀ ପ୍ରଣତୀ ମହାପାତ୍ର ବାର୍ଷିକ ବିବରଣୀ ପାଠ କରିବା ସହିତ ମଞ୍ଚାସୀନ ନ୍ୟାୟାଧୀଶ ଡକ୍ଟର କୃଷ୍ଣଚନ୍ଦ୍ର ମିଶ୍ର ମୁଖ୍ୟ ଅତିଥି, ଡକ୍ଟର ହୁସେନ ରବି ଗାନ୍ଧୀ ମୁଖ୍ୟବକ୍ତା ବୈଜ୍ଞାନିକ ପ୍ରମୋଦ କୁମାର ପଣ୍ଡା, ସଂଗ୍ରାମ କେଶରୀ ସାମନ୍ତ ରାୟ,ଡକ୍ଟର ଶ୍ୟାମପାଦ ମିଶ୍ର,ଅଧ୍ୟାପକ ପ୍ରଦୀପ କୁମାର ମିଶ୍ର ପ୍ରମୁଖ ଓଡ଼ିଆ ଭାଷା ସାହିତ୍ୟର ସମୃଦ୍ଧି ତଥା ବିକାଶ ପାଇଁ ଆହ୍ୱାନ ଦେଇଥିଲେ l

  ଦ୍ୱିତୀୟାର୍ଦ୍ଧରେ ବରିଷ୍ଠ କବି ତଥା ସାହିତ୍ୟିକ ଶ୍ରୀଯୁକ୍ତ ବିପିନ ବିହାରୀ ବାରିକଙ୍କ ସଭାପତିତ୍ୱରେ ଅନୁଷ୍ଠିତ ମଞ୍ଚରେ ଶ୍ରୀ ବାରିକ ଓଡିଆ ସାହିତ୍ୟର ବିକାଶଧାରା ଅବ୍ୟାହତ ରଖିବା ପାଇଁ ଯୁବ ସମାଜକୁ  ବାର୍ତ୍ତା ପ୍ରଦାନ କରିଥିଲେ lମଞ୍ଚାସୀନ ଓଡ଼ିଶାର ଜଣାଶୁଣା କବୟିତ୍ରୀ ସ୍ନିଗ୍ଧା ସାମନ୍ତରାୟ ,ସ୍ନେହା ମିଶ୍ର, ରତିକାନ୍ତ ମାହାଲି ଉପସ୍ଥିତ ଥିଲେ। ବ୍ୟାସ କବି ସାହିତ୍ୟ ସଂସଦ ର ପ୍ରତିଷ୍ଠାତା ତଥା ମୁଖ୍ୟ ସମ୍ପାଦକ କବି ଯଚିନ୍ଦ୍ର ସ୍ଵାଇଁ ଙ୍କୁ "କବିଶ୍ରୀ" ସମ୍ମାନ ରେ ସମ୍ବର୍ଦ୍ଧିତ କରିବା ସଙ୍ଗେ ସଙ୍ଗେ ବହୁ କବି କବୟତ୍ରୀ ଙ୍କୁ ସମ୍ବର୍ଦ୍ଧିତ କରାଯାଇଥିଲା। ଏହି ରାଜ୍ୟ ସ୍ତରୀୟ ଉତ୍ସବରେ ଓଡ଼ିଶାର ବିଭିନ୍ନ କୋଣ ଅନୁକୋଣରୁ ଆସି  ଥିବା ସାରସ୍ୱତ ପ୍ରତିଭା ମାନଙ୍କ ସ୍ୱରଚିତ କବିତା ପାଠରେ ଓଡିଶା ସାହିତ୍ୟ ଶ୍ରୀକ୍ଷେତ୍ର ଶ୍ରୀରାମ ଚନ୍ଦ୍ର ଭବନ ମୁଖାରୀତ ହୋଇ ଉଠିଥିଲା l