14-Dec-2021

କଳାହାଣ୍ଡି,(ତ୍ରିନାଥ ବେଶ୍ରା ସହ ସଂଜୀବ ଦାସ)
ଓଡିଶା ସରକାରଙ୍କ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗରେ କାର୍ଯ୍ୟରତ ଯୋଗଣ ସହାୟକମାନଙ୍କ ୮ ବର୍ଷ କାର୍ଯ୍ୟ କରିଆସୁଥିବା ବେଳେ ରାଜ୍ୟ ସରକାରଙ୍କ  ବିଭିନ୍ନ  କାର୍ଯ୍ୟରେ କୋଭିଡ୍-୧୯ ସମୟରେ ଟି. ଏମ. ସି ଏବଂ କୋଭିଡ୍ କେୟାର ହୋମ୍ ରେ ନୋଡାଲ ଅଫିସର ରୂପେ କାର୍ଯ୍ୟ କରିଥିବା ବେଳେ, ତିତିଲି ଓ ଫୋନୀ ସମୟରେ ମଧ୍ୟ ଲୋକଙ୍କୁ ସାହାଯ୍ୟ କରିଥିଲେ ଓ ନିର୍ବାଚନ ସମୟରେ ସହାୟକ କ୍ଷେତ୍ର ଅଫିସର ରୂପେ , କାଳିଆ  ଯୋଜନାରେ ନୋଡାଲ୍ ଅଫିସର ରୂପେ କାର୍ଯ୍ୟ କରିଥିବା ବେଳେ ପିଠା କାର୍ଯ୍ୟକ୍ରମ , ଆଇନା ବହି ବଣ୍ଟନ , ଏବଂ BSKY   କାର୍ଡ଼ ବଣ୍ଟନ ସମୟରେ କାର୍ଯ୍ୟକରିଆସୁଛନ୍ତି। ହେଲେ ଏମାନଙ୍କ ପ୍ରତି ସରକାରଙ୍କର କୌଣସି ସହନାଭୁତି  ନାହି ବୋଲି ତେଣୁ ଆଜି ଭବାନୀପାଟଣା ସହରସ୍ଥିତ ଅମଲା ଭବନ ରୁ  ଜିଲ୍ଲାର ଶହଶହ ଯୋଗାଣ ସହାୟକ ଏକ ଶୋଭାଯାତ୍ରା ରେ ବାହାରି ସହର ପରିକ୍ରମା କରି ଜିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ । ଯୋଗାଣ ସହାୟକଙ୍କ ପାରିଶ୍ରମିକ ଟ.୬୦୦୦/- ରୁ ଟ.୨୫୦୦୦/- କୁ ବୃଦ୍ଧି ଗ୍ରାମପଞ୍ଚାୟତରୁ ଦରମା ନ ଦେଇ ସିଧାସଳଖ ବ୍ୟାଙ୍କ ଖାତ ମାଧ୍ୟମରେ ରାଜ୍ୟ ଯୋଗାଣ ବିଭାଗ , ଓଡିଶା ସରକାରଙ୍କ ତରଫରୁ ଦିଆଯିବା ଆଦି ଦାବି ନେଇ ଜିଲ୍ଲାପାଳ ଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ନବୀନ ପଟ୍ଟନାୟକ ଙ୍କୁ ଦାବିପତ୍ର ପ୍ରଦାନ କରିଛନ୍ତି ଯଦି ଆଗାମି ଦିନରେ ଦାବି ପୁରଣ ନହେଲେ ରାଜରାସ୍ତାକୁ ଓହ୍ଲାଇ ଆନ୍ଦୋଳନ କରିବେ ବୋଲି ଚେତାବନି ଦେଇଛନ୍ତି ।